प्रकाशितवाक्य 1:1 - सादरी नवाँ नियम

¹ इ प्रकाशितवाक्य यीशु मसीह केर बटले अहे, जेके परमेश्‍वर उकर उपरे इ लगिन दिस्तार काइर हे कि उ अपन सेवकमन के, उ गोइठमन के जे जरूर हें जल्दी होवेक वाला अहे, देखाओक। यीशु मसीह अपन स्वरगदूत के भेइज के उकर जरिया से, इ प्रकाशन के अपन सेवक यूहन्ना के बतालक।

प्रकाशितवाक्य 1:1 Iomraidhean Croise

यूहन्ना 12:49

काले कि मोंय इ गोइठ खुद अपन बटे से नी कइह हों, मगर आबा परमेश्‍वर जे मोके भेइज हे, ओहे मोके आगया देई हे कि का-का कहमूँ? आउर का-का बोलमूँ?

यूहन्ना 15:15

अब से मोंय तोहरेमन के धांगर नी कहमूँ। धांगर नी जानेला कि उकर मालिक का करेला। से लगिन मोंय तोहरेमन के संगी कइह हों, काले कि मोंय जे गोइठमन के अपन आबा परमेश्‍वर से सुनलों, उ सोउब के तोहरेमन के बताय देई हों।

यूहन्ना 17:8

काले कि जे बचन तोंय मोके देई हिस, ओहे बचन मोंय उमन के बतालों आउर उमन बचन केर उपरे बिसवास करलैं। आउर सचमुच जाइन गेलैं कि मोंय तोर बटे से आय हों आउर एहो बिसवास काइर लेई हैं कि तोंय हें मोके भेइज हिस।

यूहन्ना 3:32

उ जे कोनों देइख हे आउर सुइन हे, उखे बतायला, आउर थोरहें आदमीमन उकर संदेश के सुनैना आउर मानैना।

यूहन्ना 8:26

मोके तोहर न्याय करेक लगिन ढेइर कुछ कहेक अहे, मगर जे मोके भेइज हे, उ सच्चा हेके आउर उकर से जे कुछ मोंय सुइन हों, उखे दुनिया केर आदमीमन के बतावना।”

रोमानियनमन 16:25

अब परमेश्‍वर केर स्तुति होवोक, जे तोहरेमन के बिसवास में मजबूत बनाएक पारेला, उ शुभ समाचार केर द्वारा आउर यीशु मसीह केर संदेश केर द्वारा जेके मोंय आदमीमन के बतावना। इ मसीह केर बारे में संदेश भेद केर गोइठ हेके, जे शुरु से लुकल रहे मगर अब दिस्तार होलक।

गलातियनमन 1:12

काले कि इके मोंय हमर पुरखामन से नी सीख हों, आउर ना ही केऊ धरम केर अगुवामन मोके सिखाय हैं। मगर यीशु मसीह मोके इ शुभ समाचार के देखाय हे।

इफिसियनमन 3:3

मतलब परमेश्‍वर केर लुकल योजना जे ढेइर पहिले लुकल रहे, मगर परमेश्‍वर मोके देखालक। मोंय पहिलेहें इकर बारे में थोरे-थोरे लीख चुइक हों।

तीतुस 1:1

इ चिट्ठी मोंय पौलुस बटले हेके, मोंय परमेश्‍वर केर दास आउर यीशु मसीह केर चुनल खास चेला हेकों। मोके परमेश्‍वर केर चुनल आदमीमन केर बिसवास के मजबूत करेक आउर यीशु मसीह केर सच्चा शिक्षामन के जानेक में मदइत करेक लगिन ठहराल जाय हे, ताकि उमन एइसन जिंदगी जिओक जे परमेश्‍वर के खुश करेला।

प्रकाशितवाक्य 1:19

से लगिन जे गोइठमन तोंय देइख हिस आउर जे गोइठमन होवाथे आउर जे गोइठमन इकर पाछे होवेक वाला अहे, उ सोउब के लीख ले।

प्रकाशितवाक्य 1:9

मोंय यूहन्ना जे तोहर संगी बिसवासी आउर मसीह केर लगिन दुःख सहेक में, आउर आबा परमेश्‍वर केर राइज में, आउर धीरज केर संगे उ दुःखमन के सहेक में तोहर संगी हेकों, जे उ आदमीमन उपरे आवेला जेमन केर रिश्ता उकर संगे अहे। मोके पतमुस टापू में कैदी बनाय के भेइज देवल जाय रहे। काले कि मोंय आबा परमेश्‍वर केर बचन के परचार काइर रहों आउर यीशु केर सच्चा संदेश के बताय रहों।

प्रकाशितवाक्य 17:1

इकर पाछे उ सात स्वरगदूतमन जेमन ठिना सात कटोरा रहे, उमन में से एक मोर ठिना आय के कहलक, “हिने आव, मोंय तोके उ बड़का बेश्या केर दंड के देखामूँ, जे कायनों नदीमन केर भीरे बसल महान शहर हेके।

प्रकाशितवाक्य 19:10

तब मोंय उकर पाँव केर भीरे निहइर के माथा टेकलो आउर उकर आराधना करलों। उ मोर से कहलक, “देख, एइसन ना कर, मोंय तोर आउर तोर भाईमन केर संगी दास हेकों, जे यीशु केर गवाही देवेक में स्थिर अहैं। परमेश्‍वर केर हें आराधना कर। काले कि यीशु केर गवाही भविष्यवाणी केर आत्मा हेके।”

प्रकाशितवाक्य 19:9

तब स्वरगदूत मोर से कहलक, “इके लीख: धाइन हेकैं उमन, जे मेमना केर बिहा केर भोज में बोलाल जाय हैं।” फिन उ मोर से कहलक, “इ बचन परमेश्‍वर केर सच्चा बचन हेके।”

प्रकाशितवाक्य 21:2

फिन मोंय पवितर नगर नवाँ यरुशलेम के स्वरग से परमेश्‍वर ठिना से उतरते देखलों। उ, उ दुलहिन केर नियर रहे, जे अपन पति केर लगिन सिंगार काइर रहेला।

प्रकाशितवाक्य 21:9

फिन जे सात स्वरगदूतमन ठिना सात आखरी बिपइतमन से भरल सात कटोरा रहे, उमन में से एक मोर ठिना आय के कहलक, “हिने आव, मोंय तोके दुलहिन मतलब मेमना केर पत्नी देखामूँ।”

प्रकाशितवाक्य 22:1

तब स्वरगदूत मोके एगो नदी देखालक, जे जीवन केर पानी केर नदी रहे। उ नदी बिल्लौर मतलब साफ काँच केर नियर चमकत रहे। इ नदी परमेश्‍वर आउर मेमना केर सिंहासन से बहत रहे।

प्रकाशितवाक्य 22:16

मोंय, यीशु अपन स्वरगदूत के इ लगिन भेजलों कि तोर आगे कलीसियामन केर बारे में इ गोइठमन केर गवाही देवोक। मोंय दाऊद केर जाइर आउर बंश हेकों आउर बिहान केर चमकत तइरगन हेकों।”

प्रकाशितवाक्य 22:6

फिन उ मोर से कहलक, “इ गोइठमन बिसवास केर लायक आउर सच्चा हेके। प्रभु जे उकर संदेश के बताएक वालामन केर आत्मामन केर परमेश्‍वर हेके, अपन स्वरगदूत के इ लगिन भेजलक कि अपन सेवकमन के उ गोइठमन जेमन केर जल्दी पूरा होवेक जरुरी अहे, देखाओक।”

प्रकाशितवाक्य 22:8

मोंय ओहे यूहन्ना हेकों, जे इ गोइठमन के सुनत आउर देखत रहों। जब मोंय सुनलों आउर देखलों, तो जे स्वरगदूत मोके इ गोइठमन के देखात रहे, उकर आराधना करेक लगिन मोंय निहइर के उकर पाँव में माथा टेकलो।

प्रकाशितवाक्य 22:9

मगर उ मोर से कहलक, “देख, एइसन ना कर। काले कि मोंय तोर आउर परमेश्‍वर केर संदेश के बताएक वाला तोर भाईमन आउर उ आदमीमन केर जे इ किताब केर गोइठमन के मानैना, उ मनक संगी सेवक भाइर हेकों। तोंय परमेश्‍वर केर हें आराधना कर।”

प्रकाशितवाक्य 4:1

मोर इ गोइठमन के देखेक केर पाछे मोंय स्वरग में एगो दुरा खुलल देखलों। आउर ओहे आवाज जेके मोंय पहिले सुइन रहों दोबारा सुनलों, जे एगो तुरही केर आवाज जइसन रहे। उ मोर से कहलक, “हिंयाँ उपरे आय जा आउर मोंय उ गोइठमन के तोके देखामूँ, जेमन केर इ गोइठमन केर पाछे पूरा होवेक जरुरी अहे।”

प्रकाशितवाक्य 5:7

उ आय के उकर भात खाइया हाँथ से जे सिंहासन में बाइठ रहे, उ किताब लेई लेलक।