फिलिप्पियनमन 4:9 - सादरी नवाँ नियम

⁹ तोहरेमन उ शिक्षामन केर पालन करते रहा, जेके मोर से सीख हा, आउर उ आगयामन के, जेके तोहरे मोर से सुइन हा आउर पाय हा, आउर उ उदाहरनमन के, जेके मोंय अपन गोइठ आउर काममन में तोहरे के देखाय हों, तब शांति केर परमेश्‍वर तोहरेमन केर संगे रही।

फिलिप्पियनमन 4:9 Iomraidhean Croise

मत्ती 1:23

“देखा, एगो कुँवारी गर्भवती होवी आउर एगो बेटा के जनम देवी आउर उकर नाँव इम्मानुएल रखल जाई” जेकर मतलब इ हेके “परमेश्‍वर हमर संगे अहे।”

मत्ती 28:20

आउर उमन के सोउब गोइठमन के जे मोंय तोहरेमन के आगया देई हों, मानेक लगिन सिखावा: आउर देखा, मोंय दुनिया केर अंत तक सोउब बेरा तोहरेमन केर संगे अहों।”

मत्ती 7:21

जे आदमीमन मोके, हे प्रभु! हे प्रभु! कइह के हकायना, उमन में से सोउब आदमीमन स्वरग राइज में जाएक नी पारबैं, मगर ओहे आदमीमन जाबैं जेमन मोर स्वरगीय आबा केर इच्छा लेखे जिंदगी बितायना।

लूका 6:46

जब तोहरेमन मोर कहेक केर मोताबिक नी चलाला, तो काले मोके ‘हे प्रभु, हे प्रभु,’ कहाला?

लूका 8:21

यीशु उकर जबाब में उमन से कहलक, “मोर आयो आउर मोर भाई इमन हेकैं, जेमन परमेश्‍वर केर बचन के सुनैना आउर मानैना।”

यूहन्ना 13:17

तोहरेमन तो इ गोइठमन के जानाला, से लगिन इ सोउब के करते रहा ताकि तोहरेमन धाइन होई जबा।

यूहन्ना 15:14

जे आगया मोंय तोहरेमन के देवाथों, अगर तोहरेमन उ सोउब के मानबा तो तोहरेमन मोर संगी हेका।

यूहन्ना 2:5

यीशु केर आयो धांगरमन के कहलक, “उ तोहरेमन से जे कोनों कही, उके हें करबा।”

खास चेलामन केर काम 9:6

मगर अब उठ आउर नगर में जा। हूवाँ तोके बताय देवल जाई कि तोके का करेक अहे।”

रोमानियनमन 15:33

मोंय प्रार्थना करोना कि परमेश्‍वर जे शांति देवेला, तोहरे सोउबमन केर संगे रहोक। आमीन।

रोमानियनमन 16:20

शांति केर परमेश्‍वर शैतान के जल्दी हें नाश काइर देवी आउर तोहरे केर अधीन काइर देवी। हमर प्रभु यीशु मसीह केर किरपा तोहरे उपरे बनल रहोक।

1 कुरिनथियनमन 10:31

मोंय तोहरेमन से कहोना कि चाहे खावा, चाहे पिया, चाहे जे कोनों करा सोउब कुछ परमेश्‍वर केर महिमा लगिन करा।

1 कुरिनथियनमन 14:33

काले कि परमेश्‍वर गड़बड़ी केर निहीं, मगर मेल मिलाप आउर शांति केर परमेश्‍वर हेके। इ उ नियम हेके जेके सोउब कलीसियामन में परमेश्‍वर केर आदमीमन मानैना।

1 कुरिनथियनमन 4:16

से लगिन मोंय तोहर से बिनती करोना कि मोर जइसन चाल चला।

2 कुरिनथियनमन 13:11

हे बिसवासी भाईमन, खुश रहा, सिद्ध बनते जावा, मोर सलहा के सुना, एक मन रहा, मेल-जोल से रहा, आउर प्रेम आउर शांति केर देवाइया परमेश्‍वर तोहर संगे रही।

फिलिप्पियनमन 3:17

हे भाईमन, तोहरेमन सोउब मिल के मोर जइसन चाइल चला, आउर उमन के हों धेयान से देखबा, जेमन मोर जइसन चाइल चलैना।

फिलिप्पियनमन 4:7

तब परमेश्‍वर केर शांति, जे आदमीमन केर समझ से बिलकुल बाहरे अहे, तोहर हिरदय आउर तोहर बिचारमन के मसीह यीशु में जोगाय के रखी।

1थिस्सलुनीकियनमन 1:6

तोहरेमन उपरे भारी दुःख रहे फिन भी तोहरे उ संदेश केर स्वागत करला जे पवितर आत्मा बटले देवल जाय रहे। आउर तोहरे हमर आउर प्रभु केर नियर चाल चलेक लगला।

1थिस्सलुनीकियनमन 2:14

इ लगिन हे भाईमन, तोहरे ओइसनेहें सताव सहला जइसन परमेश्‍वर केर कलीसिया केर बिसवासीमन सहलैं जेमन यहूदिया परदेस में आउर यीशु मसीह में मिलल अहैं। तोहरेमन अपन आदमीमन से दुःख सहला आउर उमन अपन आदमीमन से मतलब यहूदी आदमीमन से दुःख सहलैं।

1थिस्सलुनीकियनमन 5:23

परमेश्‍वर जे शांति देवेला खुद हें तोहरे के सोउब रकम से पवितर करोक, आउर तोहर आत्मा, प्राण आउर काया के हमर प्रभु यीशु मसीह केर दोबारा घूइर आवेक तक पूरा-पूरा निरदोष आउर जोगाय के रखोक।

2 थिस्सलुनीकियनमन 3:4

आउर हमरे के प्रभु में तोहर उपरे भरसा अहे कि तोहरे के जे कोनों करेक लगिन हमरे आगया देवीला, उमन के तोहरेमन मानाला, आउर मानते हों रहबा।

2 तीमुथियुस 4:22

प्रभु मोर आत्मा केर संग रहोक तोहरेमन उपरे किरपा होते रहोक।

याकूब 1:22

मगर बचन में चलेक वाला बना, आउर सिरिफ सुनेक वाला भइर निहीं जे खुद के धोखा देवेला।

2 पतरस 1:10

इ खातिर, बिसवासी भाईमन खुद के आउर दोसर आदमीमन के इ देखाएक लगिन आउर हें बेस ब्यवहार करेक केर कोशिश करा कि परमेश्‍वर हकीकत में तोहरे के चुइन हे, आउर अपन होवेक लगिन बोलाय हे। अगर तोहरे एइसन करबा तो सच में तोहरे परमेश्‍वर से अलग नी होबा।

1 यूहन्ना 3:22

आउर जे कुछ हमरेमन परमेश्‍वर से माँगिला उ हमरे के देवेला, काले कि हमरेमन उकर आगयामन के मानिला आउर जे उके बेस लगेला ओहे करिला।