फिलिप्पियनमन 4:8 - सादरी नवाँ नियम

⁸ से लगिन हे संगी बिसवासी भाईमन, जे गोइठमन सच हेके, आउर जे गोइठमन आदर केर लायक हेके, आउर जे गोइठमन उचित हेके, आउर जे गोइठमन पवितर हेके, आउर जे गोइठमन दोसरमन के सुहायला, आउर जे गोइठमन मन के शोभेला, जे गोइठमन बढ़ियाँ हेके आउर जेके दोसरमन बेस पतियायना ओहे गोइठमन में तोहरे धेयान लगावा।

फिलिप्पियनमन 4:8 Iomraidhean Croise

मत्ती 22:16

से लगिन उमन अपन चेलामन के हेरोदेस राजा केर साथ देवेक वालामन केर संगे यीशु ठिना इ कइह के भेजलैं कि “हे गुरु, हमरे जानिला कि तोंय सोउब बेरा सच गोइठ के बताइसला आउर परमेश्‍वर केर डहर केर गोइठमन के सच्चाई से बताइसला। तोंय इ परवाह नी करिसला कि दोसरमन तोर गोइठ केर बारे में का सोचैना। तोंय सोउब केर संगे एके लेखे ब्यवहार करिसला।

मरकुस 6:20

काले कि राजा हेरोदेस यूहन्ना के धरमी आउर पवितर आदमी जाइन के उकर से डरात रहे, आउर उके बचाय के रखत रहे, राजा हेरोदेस उकर उपदेस सुइन के ढेइर घबरात रहे, मगर खुशी से सुनत रहे।

लूका 16:15

यीशु उमन से कहलक, “तोहरेमन आदमीमन केर सामने खुद के धरमी आदमी नियर देखाला मगर परमेश्‍वर तोहरेमन केर मन के जानेला, काले कि जे गोइठ आदमीमन केर नजइर में किमती अहे, उ परमेश्‍वर केर नजइर में घिनघिना अहे।

लूका 2:25

उ बेरा यरुशलेम शहर में सिमोन नाँव केर एगो धरमी आउर भक्त आदमी रहे। उ मसीह केर आवेक केर आसरा देखत रहे कि उ आय के इसराइली आदमीमन के शांति देवी, आउर पवितर आत्मा उकर संगे रहे।

लूका 23:50

हूवाँ यूसुफ नाँव केर एगो सज्जन आदमी रहे, जे धरमी आउर धरम महासभा केर सदस्य हों रहे।

यूहन्ना 7:18

जे अपन बटे से कहेला, उ अपन लगिन बड़ाई चाहेला, मगर जे अपन भेजेक वाला केर बड़ाई चाहेला, ओहे सच्चा हेके, आउर उकर में कोनों झूठ नखे।

खास चेलामन केर काम 10:22

उमन इ जबाब देलैं, “हमरे के सूबेदार कुरनेलियुस तोर ठिना भेइज हे। उ परमेश्‍वर केर उपरे बिसवास करेक वाला आउर उकर डार मानेक वाला हेके, आउर सोउब यहूदी मनक समाज में इज्जतदार अहे। उके पवितर स्वरगदूत बटले इ आगया मिल हे कि उ तोके बोलाय के अपन परिवार केर सोउब आदमीमन केर संगे तोर से बचन सुनोक।”

खास चेलामन केर काम 22:12

हूवाँ हनन्याह नाँव केर एगो आदमी रहे, जे मूसा केर नियम केर मोताबिक चलेक वाला एगो भक्त आदमी रहे, आउर हूवाँ केर रहेक वाला यहूदी आदमीमन में उकर बेस नाँव रहे।

खास चेलामन केर काम 6:3

से लगिन, हे बिसवासी भाईमन, अपन में से सात झन मरदानामन के चुइन लेवा जेमन पवितर आत्मा आउर बुद्धि से भरल अहैं आउर उमन के सोउबमन जानैना। हमरेमन इ काम केर जिम्मेदारी उमन के देब।

रोमानियनमन 13:13

आउर जइसन आदमीमन अंधार में निहीं मगर इंजोत में रहैना, तइसनेहें आवा हमरे हों बेस ब्यवहार करब, ना कि लीला-क्रीड़ा आउर पियंक्‍कड़पन में, ना ब्यभिचार आउर लुचा काममन में, आउर ना झगरा आउर डाह में जिंदगी बिताब।

रोमानियनमन 13:3

अगर केऊ भला करेला तो उके सरकार से डराएक केर जरुरत नखे। मगर, अगर उ बुरा करेला तो उके डराएक चाही, अगर तोहरे सरकार केर अधिकारीमन से डराएक नी चाहाला, तो बेस काम करा आउर उमन तोहरे के बेस कहबैं।

रोमानियनमन 14:18

ओहे खास हेके। जे केऊ इ नियर मसीह केर सेवा करेला, परमेश्‍वर उकर से खुश होवेला, आउर दोसर आदमीमन इके पसिंद करैना।

रोमानियनमन 2:29

एगो सच्चा यहूदी ओहे हेके जेकर मन परमेश्‍वर केर साथ सच्चा अहे, आउर सच्चा खतना सिरिफ मूसा केर नियम के मानेक ना लगे, बल्कि इ हिरदय के बदलेक (मन केर खतना) हेके। जे पवितर आत्मा से होवेला, एइसन आदमी, आदमीमन से निहीं बल्कि परमेश्‍वर से आदर पावेला।

1 कुरिनथियनमन 4:5

से लगिन जब तक प्रभु घूइर नी आवी केकरो न्याय ना करा, ओहे तो आदमीमन केर लुकल बिचारमन के सफा-सफा बताय देवी जेके केऊ नी जानैना, प्रभु आदमीमन केर मकसद के खोइल देवी, जे उमन केर हिरदय में अहे, तब परमेश्‍वर बटले हरेक झन केर बड़ाई होवी।

2 कुरिनथियनमन 13:7

हमरे अपन परमेश्‍वर से इ प्रार्थना करिला कि तोहरेमन कोनों बुराई ना करबा, इ लगिन निहीं कि हमरे परीक्षा से पार होई के खुद के तोहरे से बेस देखाएक चाहिला, बल्कि हमरे चाहिला कि तोहरे सही काम के जाना आउर उके करा, भले हमरे के लगेला कि हमरे हाइर जाय ही, मगर हमरे चाहिला कि तोहरे जीत जावा।

2 कुरिनथियनमन 6:8

आदमीमन केर बड़ाई करेक आउर तुच्छ जानेक से, हमरे के बुरा आदमी या बेस आदमी कहेक से, हमरे के भरमाएक वाला कहैना, फिन भी हमरे सच्चा हेकी।

2 कुरिनथियनमन 8:18

आउर हमरे उकर संगे दोसर बिसवासी भाई के भेइज ही, जेकर नाँव शुभ समाचार के फैलाएक में सोउब कलीसिया केर बिसवासीमन में फाइल जाय हे।

2 कुरिनथियनमन 8:21

काले कि जे गोइठमन सिरिफ प्रभु केर भीरे हें निहीं, मगर आदमीमन केर भीरे हों भला अहे, ओहे काममन के हमरे करेक ले धेयान देवीला।

गलातियनमन 5:22

मगर उ गुणमन जे पवितर आत्मा से सिरजेला, इमन हेकैं: प्रेम, आनंद, शांति, धीरज,

इफिसियनमन 4:25

से लगिन झूठ बोलेक छोइड़ के हरेक झन अपन संगी बिसवासी से सच बोलबा, काले कि हमरे सोउब एके गो काया केर अंग हेकी।

इफिसियनमन 5:9

(काले कि परमेश्‍वर केर संतानमन केर काम सोउब रकम केर भलाई करेक, आउर धरमी बनेक, आउर सच्चाई केर डहर में चलेक हेके)।

इफिसियनमन 6:14

से लगिन परमेश्‍वर केर सच्चाई केर मोताबिक जिंदगी जिया, इ उ नियर अहे जइसन एगो फौजी लड़ेक ले अपन डाँड़ा के कसना से सकतायला, आउर धरमी आदमी नियर ब्यवहार करा, एइसन करेक शैतान केर तीर से बचेक ले छाती में झिलम पिंधेक नियर अहे।

फिलिप्पियनमन 3:1

से लगिन हे मोर बिसवासी भाईमन, प्रभु में खुश रहा। ओहे गोइठमन तोहरेमन के घरी-घरी लिखेक में मोके तो कोनों तकलीफ नी होवेला, काले कि इ गोइठमन तोहरे के झूठा शिक्षामन से बचेक में मदइत करी।

कुलुसियनमन 4:5

अबिसवासीमन केर संगे बुद्धिमानी से बरताव करा। हरेक मोका के किमती जाइन के उके ठीक से इस्तेमाल करा।

1थिस्सलुनीकियनमन 4:12

ताकि अबिसवासीमन देखबैं कि तोहरे हर दिन कइसन ब्यवहार कराला, आउर तोहर आदर करबैं आउर तोहरेमन में कोनों चीज केर घटी ना होवोक।

1 तीमुथियुस 2:2

राजामन लगिन आउर उ सोउब आदमीमन केर लगिन प्रार्थना करा जेमन सरकारी अधिकारी हेकैं, ताकि उमन हमरे के शांति आउर चैन से रहेक में सहायता करोक, आउर हमरे परमेश्‍वर केर आराधना करेक पारब आउर दोसरमन से उचित ब्यवहार करब।

1 तीमुथियुस 3:11

एहे नियर कलीसिया में सेवकमन केर जनानामन के हों, आदर केर लायक होवेक चाही, दोसरमन केर निंदा करेक वाला नी होवेक चाही, उके शांत आउर सोउब गोइठमन में बिसवास लायक होवेक चाही।

1 तीमुथियुस 3:4

उके अपन परिवार केर लगिन अच्छा इंतिजाम करेक वाला, आउर अपन छउवा पुतामन के सिखाएक वाला होवेक चाही, ताकि उमन सोउब गोइठ में आदर केर साथ उकर आगया मानोक।

1 तीमुथियुस 4:12

केखो तोर जवानी केर जिंदगी के घिरना करेक केर मोका ना मिलोक, मगर तोंय अपन बोली में, ब्यवहार में, दोसरमन से प्रेम करेक में, यीशु मसीह उपरे बिसवास करेक में, आउर पवितर जिंदगी जियेक में बिसवासीमन लगिन नमूना बाइन जा।

1 तीमुथियुस 5:10

आउर उकर नाँव भला काम करेक वाला केर रूप में जानल जायला, जे छउवा पुतामन केर ठीक से पालन-पोषण काइर हे, गोतियामन केर सेवा काइर हे, आउर परेशानी में पड़ल आदमी मनक मदइत काइर हे, आउर सोउब रकम केर भला काम के करेक में मन लगाएक वाला हेके।

1 तीमुथियुस 5:2

बुढ़िया जनानामन के अपन आयो समइझ के, आउर जवान जनानामन के जेमन तोर से छोट अहैं शुद्ध मन से बहिन समइझ के सलहा दे।

तीतुस 1:8

मगर उके गोतियामन से प्रेम करेक वाला आउर सेवा सत्कार करेक वाला, भलाई करेक केर इच्छा रखेक वाला, संयम से रहेक वाला, गलती केर पक्ष नी लेवेक वाला, पवितर आउर काया केर अंगमन के काबू में रखेक वाला होवेक चाही।

तीतुस 2:14

जे खुद के हमर लगिन बलिदान काइर देलक, आउर हमरे के सोउब रकम केर अधरम से छुटकारा देलक आउर शुद्ध काइर के हमरे के अपन लगिन खास आदमी बनाय लेलक, जे भला काम करेक लगिन पूरा पुरी तेयार रहोक।

तीतुस 2:2

मतलब बूढ़ा आदमी के संयम आउर एइसन समझदारी से ब्यवहार करेक चाही, ताकि आदमीमन उकर आदर करबैं। आउर उके परमेश्‍वर उपरे पक्का बिसवास करेक चाही, आउर दोसरमन के सच्चाई से प्रेम करेक आउर दुःखमन में धीरज धारेक चाही।

तीतुस 2:7

तोके सोउब गोइठमन में एगो नमूना नियर बेस काम काइर के दोसरमन के देखाएक चाही, ताकि दोसरमन हों उके करबैं। जब तोंय सिखाबे तो सही नीयत आउर आदर पावेक लायक सिखाबे

तीतुस 3:14

तोंय सिरिफ बिसवासीमन केर धेयान के अपन बटे करेक लगिन ना सिखाव, मगर उमन के भला काम करेक लगिन कड़ा मेहनइत करेक हों सिखाव। ताकि जे आदमीमन केर जरुरत अहे उमन केर जरुरत के पूरा करल जाओक, इ चीज बिसवासीमन के एगो मकसद केर साथ जियेक में मदइत करी।

इब्रानीमन 11:2

हमरे केर पुरखामन केर बिसवास एहे नियर रहे, जेकर चलते परमेश्‍वर उमन से खुश होलक।

इब्रानीमन 13:18

हमरे लगिन प्रार्थना करते रहा, काले कि हमरे पक्का जानिला कि हमरे केर बिवेक शुद्ध अहे, आउर हमरे सोउब काममन में जेके हमरे करिला, परमेश्‍वर के आदर देवेक चाहिला।

याकूब 1:27

हमर आबा परमेश्‍वर केर नजइर में शुद्ध आउर सच्चा भक्ति इ हेके कि अनाथमन आउर बिधवामन केर दुःखमन में उ मनक खेयाल रखेक, आउर खुद के इ दुनिया केर बुरा काममन से बचाय के रखेक।

याकूब 3:17

मगर जे गेयान परमेश्‍वर बटले आवेला उ पहिले तो पवितर होवेला, फिन शांति के पतियाएक वाला, कोमल, सभ्य, दया से भरल, बेस फारमन से लादल आउर भेद-भाव आउर कपट नी करेक वाला होवेला।

1 पतरस 1:22

काले कि सच्चाई केर पालन करेक केर चलते तोहरे के तोहर पापमन से शुद्ध करल जाय हे, अब तोहरे एक दोसर से अपन भाई नियर तन-मन आउर पूरा दिल से प्रेम करते रहा।

1 पतरस 2:12

परजाइत आदमीमन में तोहर चाइल-चलन भला होवोक, काले कि जे गोइठमन में उमन तोहरे के बुरा जाइन के बदनाम करैना, उमन तोहर भला काममन के देइख के, ओहे काममन केर चलते, न्याय केर दिन उमन परमेश्‍वर केर महिमा करोक।

1 पतरस 4:8

आउर सोउब से बेस गोइठ इ हेके कि एक दोसर से गहरा प्रेम करा काले कि अगर तोहरेमन आदमीमन से प्रेम कराला, तो तोहरे सोउब बेरा कोनोवें पाप काम के माफ करेक लगिन तेयार रहबा, जे उमन काइर हैं।

2 पतरस 3:1

हे दुलार बिसवासी भाई-बहिनमन, अब मोंय तोहरेमन के दूसरा बेर चिट्ठी लिखाथों, इ दुयो चिट्ठी के इ लगिन लीख हों ताकि जे गोइठमन के तोहरे पहिले से जानाला, उके दोबारा याइद दिवाय के तोहरे केर मन में शुद्ध बिचारमन के जगाएक पारमूँ।

1 यूहन्ना 3:18

हे दुलार छउवामन, हमरेमन बचन आउर गोइठमन से हें निहीं, मगर काममन आउर सच्चाई से हों प्रेम करब।

1 यूहन्ना 3:3

आउर जे केऊ मसीह उपरे इ आसरा रखेला उ खुद के तइसनेहें पवितर करेला जइसन उ पवितर अहे।

1 यूहन्ना 4:1

हे दुलार भाईमन, हरेक आदमी उपरे बिसवास ना करा जेमन पवितर आत्मा बटले बोलेक केर दावा करैना। मगर उमन के परखा कि उमन परमेश्‍वर बटले हेकैं कि निहीं, काले कि ढेइर बगरा झूठा परमेश्‍वर केर संदेश के बताएक वाला आदमीमन इ दुनिया में फाइल जाय हैं।