फिलिप्पियनमन 4:7 - सादरी नवाँ नियम

⁷ तब परमेश्‍वर केर शांति, जे आदमीमन केर समझ से बिलकुल बाहरे अहे, तोहर हिरदय आउर तोहर बिचारमन के मसीह यीशु में जोगाय के रखी।

फिलिप्पियनमन 4:7 Iomraidhean Croise

लूका 1:79

ताकि उ पाप में जिंदगी बिताएक वाला आउर जुग-जुग केर मौत केर खतरा में पड़ल आदमीमन के डहर देखाओक आउर हमर कदम के शांति केर डहर में आगे लेगोक।”

लूका 2:14

“स्वरग में परमेश्‍वर केर महिमा होवोक आउर धरती में उ आदमीमन के शांति मिलोक, जेमन से उ खुश अहे।”

यूहन्ना 14:27

मोंय तोहरेमन के शांति देई के जाथों, अपन शांति तोहरे के देवाथों, इ उ शांति ना लगे जेके दुनिया देवेला, तोहर जीउ ना घबराओक आउर ना डराओक।

यूहन्ना 16:33

मोंय तोहरेमन के इ गोइठमन के आगे हें बताय देलों, ताकि तोहरेमन के शांति मिलोक। दुनिया में तोहरेमन के दुःख सहेक होवी, मगर ढाढ़स बाँधा, मोंय दुनिया केर सरदार शैतान के हराय देई हों।”

रोमानियनमन 1:7

तोहरे सोउबमन केर नाँव में मोंय चिट्ठी लिखाथों जेमन रोम देस में रहाला आउर परमेश्‍वर तोहरे के प्रेम करेला, आउर तोहरे के अपन पवितर आदमी बनेक लगिन बोलाय हे। हमर आबा परमेश्‍वर आउर प्रभु यीशु मसीह बटले तोहरे के किरपा आउर शांति मिलते रहोक।

रोमानियनमन 14:17

काले कि परमेश्‍वर केर राइज में खाएक आउर पियेक खास ना लगे, मगर परमेश्‍वर केर देखेक में धरमी बनेक, आउर मेल-मिलाप आउर उ खुशी जे पवितर आत्मा से मिलेला,

रोमानियनमन 15:13

मोंय प्रार्थना करोना कि परमेश्‍वर जे आसरा करेक केर सोता हेके, तोहरेमन के बिसवास करेक में सोउब रकम केर खुशी, आनंद आउर शांति से भरपूर करोक कि पवितर आत्मा केर शक्ति से तोहर आसरा बढ़ते जाओक।

रोमानियनमन 5:1

से लगिन जब हमरे बिसवास से धरमी ठहरली, तो जे कोनों प्रभु यीशु मसीह हमर लगिन काइर हे, उकर चलते परमेश्‍वर केर संगे हमर मेल-मिलाप होई गेलक।

रोमानियनमन 8:6

इ लगिन अपन मन केर उपरे पापी स्वभाव के कब्जा करेक देवेक माउत के लानेला, मगर अपन मन केर उपरे आत्मा के कब्जा करेक देवेक जिंदगी आउर शांति के लानेला।

2 कुरिनथियनमन 10:5

से लगिन हमरे मन केर बिचारमन के आउर हरेक घमंड केर गोइठ के, जे परमेश्‍वर केर इच्छा केर बिरोध में उठेला, उके रोकिला आउर हर एक बिचारमन के काबू काइर के मसीह केर आगयाकारी बनाय देवीला।

2 कुरिनथियनमन 13:11

हे बिसवासी भाईमन, खुश रहा, सिद्ध बनते जावा, मोर सलहा के सुना, एक मन रहा, मेल-जोल से रहा, आउर प्रेम आउर शांति केर देवाइया परमेश्‍वर तोहर संगे रही।

गलातियनमन 5:22

मगर उ गुणमन जे पवितर आत्मा से सिरजेला, इमन हेकैं: प्रेम, आनंद, शांति, धीरज,

इफिसियनमन 3:19

मोंय प्रार्थना करोना कि मसीह हमरे से कइसन प्रेम करेला इके तोहरे जानेक पारबा जे आदमी केर समझ से बाहरे अहे, ताकि तोहरे केर स्वभाव परमेश्‍वर केर स्वभाव नियर बाइन जाओक।

फिलिप्पियनमन 1:1

इ चिट्ठी यीशु मसीह केर दास मोंय पौलुस आउर तीमुथियुस बटले हेके। मोंय इ चिट्ठी फिलिप्पी शहर में रहेक वाला परमेश्‍वर केर सोउब पवितर आदमीमन, अगुवामन आउर सेवकमन केर नाँव में लिखाथों, जेमन मसीह यीशु केर हेकैं।

फिलिप्पियनमन 1:2

हमर आबा परमेश्‍वर आउर प्रभु यीशु मसीह केर किरपा आउर शांति तोहरेमन के मिलते रहोक।

फिलिप्पियनमन 4:19

आउर मोर परमेश्‍वर हों अपन उ धन केर मोताबिक जे महिमा सहित यीशु मसीह में अहे, तोहर हरेक घटी के पूरा करी।

फिलिप्पियनमन 4:21

यीशु मसीह में सोउब पवितर आदमीमन के मोर जोहार कहबा। जे बिसवासी भाईमन मोर संगे अहैं तोहरेमन के जोहार कहैना।

फिलिप्पियनमन 4:9

तोहरेमन उ शिक्षामन केर पालन करते रहा, जेके मोर से सीख हा, आउर उ आगयामन के, जेके तोहरे मोर से सुइन हा आउर पाय हा, आउर उ उदाहरनमन के, जेके मोंय अपन गोइठ आउर काममन में तोहरे के देखाय हों, तब शांति केर परमेश्‍वर तोहरेमन केर संगे रही।

कुलुसियनमन 3:15

आउर मसीह जे शांति देवेला उके तोहर दिल में राइज करेक देवा काले कि तोहरे सोउब एक हें काया केर अंग हेका, से लगिन तोहरे के एक दोसर केर संगे शांति से रहेक लगिन बोलाल जाय हे, आउर तोहरे धन्यबादी बनल रहा।

2 थिस्सलुनीकियनमन 3:16

मोंय प्रार्थना करोना कि प्रभु, जे शांति केर सोता हेके सोउब नियर से तोहरे के लगातार शांति देते रहोक आउर तोहरे सोउबमन केर संग सोउब बेरा रहोक।

इब्रानीमन 13:20

आउर अब शांति केर परमेश्‍वर, जे हमर प्रभु यीशु के मोरल में से फिन जियालक, तोहरे के उकर इच्छा के पूरा करेक लगिन सोउब रकम से तेयार करोक, यीशु मसीह केर शक्ति से परमेश्‍वर तोहर में उ काममन के करुवाओक, जे उके खुश करेला। यीशु मसीह अपन लोहू बहाय के बलिदान होवेक केर चलते, भेड़ीमन केर महान चरवाहा बनलक, जेकर से जुग-जुग केर करार उपरे मोहर लाइग गेलक। उकर महिमा लगातार होते रहोक आमीन।

यहूदा 1:1

इ चिट्ठी मोंय यहूदा केर बटले हेके। मोंय यीशु मसीह केर एगो सेवक आउर याकूब केर छोट भाई हेकों। मोंय इ चिट्ठी तोहरेमन के लिखाथों जेके परमेश्‍वर अपन उपरे बिसवास करेक लगिन बोलाय हे। आबा परमेश्‍वर तोहरेमन से प्रेम करेला आउर तोहरे के यीशु मसीह में सही-सलामत राइख हे।

प्रकाशितवाक्य 1:4

इ चिट्ठी मोंय यूहन्ना केर बटले हेके, जेके मोंय आसिया परदेस केर सातों कलीसिया केर आदमीमन के लिखाथों। मोंय प्रार्थना कराथों कि तोहरे सोउबमन के परमेश्‍वर बटले किरपा आउर शांति मिलते रहोक। उ जे अहे, आउर जे रहे, आउर जे आवेक वाला अहे, आउर उ सात आत्मामन बटले, जेमन उकर सिंहासन केर भीरे अहैं।

प्रकाशितवाक्य 2:17

जेमन केर कान अहे, उमन धेयान से सुइन लेवा कि पवितर आत्मा कलीसिया केर आदमीमन से का कहेला: जे जीत जाई, उके मोंय लुकल मन्ना में से देमूँ, आउर उके एगो चरका पखना हों देमूँ, आउर उ पखना में एगो नाँव लिखल होवी, जेके उके पावेक वालामन केर सिवाय आउर केऊ नी जानी।