फिलिप्पियनमन 4:5 - सादरी नवाँ नियम

⁵ तोहरे केर नरम स्वभाव के सोउब आदमीमन जाइन जाओक, प्रभु जल्दी हें स्वरग से घूइर आवाथे।

फिलिप्पियनमन 4:5 Iomraidhean Croise

मत्ती 6:25

“से लगिन मोंय तोहरेमन से कहाथों कि इ दुनिया में अपन जीउ लगिन इ चिंता ना करबा कि हमरे का खाब, आउर का पियब, आउर ना अपन काया लगिन कि का पिंधब। का जीउ खाएक केर चीजमन से आउर काया पिंधेक केर लुगा से बाइढ़ के नखे?

मत्ती 6:34

से लगिन काइल केर बारे में चिंता ना करा, काले कि काइल अपन चिंता खुद हें काइर लेवी। आइज लगिन आइज हें केर दुःख ढेइर अहे।”

लूका 21:34

से लगिन तोहरेमन सावधान रहा, कहीं एइसन ना होवोक कि तोहरेमन माउज-मस्ती, नशापान आउर इ दुनिया केर चिंतामन से सुस्त होई जबा आउर उ दिन अचका एगो फंदा नियर तोहर उपरे आय जाई।

1 कुरिनथियनमन 16:22

हे हमरे केर प्रभु, आव!

1 कुरिनथियनमन 6:7

जब तोहर में से एगो बिसवासी दोसर बिसवासी के फैसला लगिन कछैरी में लेगेला, तो तोहरे एक दोसर केर संगे बिसवासी जिंदगी जियेक से हाइर गेला, तोहरे लगिन इ भला होतक कि अगर केऊ बिसवासी तोहर बुराई करेला तो उके करेक देवा। अगर केऊ बिसवासी धोखा देई के तोहर चीजमन के लेई लेवेला तो उके लेवेक देवा।

1 कुरिनथियनमन 8:13

से लगिन, अगर मूर्तिमन के चढ़ाल चीजमन के खाएक दोसर बिसवासी भाईमन लगिन बिसवास में कमजोर होवेक केर कारण बनेला, तो मोंय ओइसन चीजमन के कहियो कोनों रीति से नी खामूँ, ताकि मोंय दोसर बिसवासी भाईमन केर बिसवास के कमजोर करेक वाला नी बनमूँ।

1 कुरिनथियनमन 9:25

आउर हरेक पहलवान अपन काया केर सोउब रकम केर इच्छामन के रोकेला, उ तो एगो मुरझाएक वाला मुकुट के पावेक लगिन इ सोउब के करेला। मगर हमरे तो उ मुकुट के पावेक लगिन मेहनइत करिला जे मुरझाएक वाला नखे।

2 कुरिनथियनमन 10:1

थोरेक आदमीमन कहैना कि जब मोंय तोहर संगे रहोना तो नरम रहोना, मगर जब तोहर से दूर रहोना तो साहस करोना, से लगिन मोंय पौलुस तोहरे से अरजी करोना कि यीशु मसीह केर धीरज आउर नरम जिंदगी केर चलते मोंय उकर नमूना केर पालन करोना।

2 थिस्सलुनीकियनमन 2:2

तोहरेमन अचका कोनों भविष्यवाणी या उपदेस सुइन के या कोनों चिट्ठी पइढ़ के, जेमन के हमरे बटले लिखल जाय हे समझल जायला, अपन बिवेक के हेराय ना देबा, जेमन में बताल जाय हे कि प्रभु केर दिन आय चुइक हे, तोहरे अपन मन में ना घबरावा।

तीतुस 3:2

केखो बदनाम ना करोक आउर ना केकरो से झगरा लड़ोक, मगर किरपा करेक वाला स्वभाव से रहोक, आउर सोउब आदमीमन केर संगे नरम बाइन के रहोक।

इब्रानीमन 10:25

आउर परमेश्‍वर केर आराधना करेक लगिन एक दोसर केर संगे जमा होवेक नी छोड़ब, जइसन कि केतना बिसवासीमन करैना, मगर हमरे के एक दूसरा के उसकाएक आउर चेताएक अहे, खास काइर के अब जबकि यीशु मसीह केर दोबारा घूइर आवेक केर बेरा भीरे पोंहचाथे।

इब्रानीमन 10:37

काले कि पवितर किताब में लिखल अहे, “परमेश्‍वर कहेला, अब ढेइर थोर समय बाइच हे कि आवेक वाला आवी आउर देरी नी करी।

1 पतरस 1:11

मसीह केर आत्मा उमन में रहे, आउर उमन के बतात रहे कि मसीह कइसन दुःख उठाई आउर उके कइसन महिमा देवल जाई। इ लगिन उमन इ खोज-बीन करलैं कि मसीह केहर होवी आउर इ सोउब कहिया होवी।

1 पतरस 4:7

सोउब गोइठमन केर अंत तुरते होवेक वाला अहे, से लगिन ठीक से सोचा आउर खुद के काबू में रखा, ताकि तोहरे प्रार्थना लगिन तेयार रहेक पारबा।

प्रकाशितवाक्य 22:20

जे इ गोइठमन केर गवाही देवेला, उ इ कहेला, “हाँ, मोंय जल्दी आवेक वाला अहों।” आमीन। हे प्रभु यीशु आव!

प्रकाशितवाक्य 22:7

यीशु कहलक, “देख, मोंय जल्दी आवेक वाला अहों! धाइन अहे उ, जे इ किताब केर भविष्यवाणी केर गोइठमन के मानेला।”