फिलिप्पियनमन 3:9 - सादरी नवाँ नियम

⁹ आउर उकर में जुड़ल रहमूँ; मसीह में इ लेखे जुड़ल जाएक मोर अपन धरम केर काम से निहीं जे मूसा केर नियम के मानेक केर उपरे टिकल अहे, मगर इ उ नियर धरमी बनेक से होई हे जे सिरिफ मसीह में बिसवास करेक से परमेश्‍वर मोके देवेला।

फिलिप्पियनमन 3:9 Iomraidhean Croise

मत्ती 9:13

से लगिन तोहरेमन जाय के सीख लेवा कि इकर का मतलब हेके। मोंय अपन लगिन बलिदान नी चाहोना मगर इ चाहोना कि तोहरेमन दोसर मनक उपरे दया करा। काले कि मोंय उ आदमीमन के पाप करेक से छोड़वाएक लगिन बोलाएक नी आय हों जेमन खुद के धरमी बुझैना, मगर मोंय उमन के पाप करेक से छोड़वाएक लगिन बोलाएक आय हों जेमन जानैना कि हमरे पापी अही।”

रोमानियनमन 1:17

काले कि शुभ समाचार में बिसवास करेक से परमेश्‍वर हमरे के अपन देखेक में पूरा-पुरी धरमी बनायला। जइसन कि पवितर किताब में लिखल अहे, “उ आदमी जे बिसवास करेक केर चलते परमेश्‍वर केर देखेक में धरमी बाइन हे, उ जिंदा रही।”

रोमानियनमन 10:10

काले कि धरमी बनेक लगिन मन से बिसवास करल जायला, आउर छुटकारा पावेक लगिन मुँह से कबुलल जायला।

रोमानियनमन 16:7

भाई अंद्रुनीकुस आउर बहिन यूनियास के जोहार, जेमन मोर अपन जाइत इसराइली हेकैं, आउर मोर संगे जेहेल जाय रहैं, उमन के यीशु केर चुनल खास चेलामन बढ़ियाँ से जानैना, आउर उमन मोर से पहिले मसीह केर चेला बाइन रहैं।

रोमानियनमन 5:21

जइसन एक आदमी केर पाप केर चलते माउत सोउब आदमीमन में फाइल गेलक, तइसनेहें हमर प्रभु यीशु मसीह केर चलते परमेश्‍वर केर किरपा हों हमरे के धरमी ठहरालक आउर जुग-जुग केर जिंदगी देवेला।

रोमानियनमन 8:1

से लगिन अब जेमन मसीह यीशु में अहैं, उमन के परमेश्‍वर दंड नी देवी। (काले कि उमन काया केर मोताबिक निहीं बल्कि आत्मा केर मोताबिक चलैना।)

रोमानियनमन 8:3

काले कि जे काम के मूसा केर नियम हमरे केर पापी स्वभाव केर चलते कमजोर होई के नी करेक पारलक, उके परमेश्‍वर करलक मतलब अपनेहें बेटा के हमरे नियर पापी बनाय के, आउर हमरे केर पापमन लगिन बलिदान होवेक ले भेइज के पापी काया केर बराबइर में, आउर पाप केर बलिदान होवेक लगिन भेइज के, परमेश्‍वर मसीह केर काया में पाप केर दंड देलक।

1 कुरिनथियनमन 1:30

मगर परमेश्‍वर तोहरे के यीशु मसीह में एक काइर हे, जेकर से उ हमरे के अपन गेयान देई हे। आउर परमेश्‍वर हमरे के अपन देखेक में धरमी हों बनायला, यीशु मसीह केर चलते हमरे पवितर बनाल जाय ही आउर यीशु मसीह हमरे के पाप से छुटकारा देई हे।

2 कुरिनथियनमन 5:17

अगर केकरो रिश्ता मसीह केर संगे अहे, तो उ नवाँ सिरजन हेके, पुरना पापी स्वभाव दूर होई गेलक, देखा, नवाँ जिंदगी केर शुरुवात होई गेलक।

2 कुरिनथियनमन 5:21

मसीह, जे पाप से अनजान रहे, उखे परमेश्‍वर हमर लगिन पाप ठहरालक, ताकि हमरे उकर नजइर में धरमी बनेक पारब, काले कि मसीह हमरे केर पापमन केर दंड के अपन उपरे उठाय लेलक।

गलातियनमन 2:16

हमरे यहूदी बिसवासीमन जानिला कि मूसा केर नियम के माइन के केऊ हों आदमी परमेश्‍वर केर देखेक में धरमी नी बनेला। से लगिन हमरे यीशु मसीह उपरे बिसवास करली, काले कि हमरे मूसा केर नियम के माइन के निहीं मगर सिरिफ यीशु मसीह उपरे बिसवास काइर के धरमी बनब। इ लगिन कि मूसा केर नियम के माइन के केऊ हों धरमी बनेक नी पारेला।

फिलिप्पियनमन 3:6

उत्साह केर बारे में अगर कहबा तो कलीसिया के सताएक वाला, आउर यहूदी नियममन के मानेक में एगो धरमी आदमी रहों, काले कि मोंय सोउब मूसा केर नियममन के माइन हों।

2 तीमुथियुस 1:9

जे हमरे के बचालक आउर पवितर जिंदगी जियेक लगिन बोलालक, उ हमरे के हमर बेस काममन केर चलते निहीं। मगर अपन योजना केर मोताबिक यीशु मसीह के हमर लगिन दुनिया में मोरेक ले भेजेक केर चलते हमर उपरे किरपा करलक।

तीतुस 3:5

आउर हमरे के हमर पाप केर दंड से बचालक, आउर इ धरम केर काममन केर चलते निहीं, जे हमरे खुद करली, मगर अपन दया केर चलते हमरे उपरे किरपा करलक, आउर परमेश्‍वर हमरे के अपन पवितर आत्मा देई के बचालक, जे हमरे केर पापमन के धोई देलक आउर नवाँ जिंदगी आउर नवाँ स्वभाव देलक।

इब्रानीमन 6:18

तो फिन हिंयाँ दूई गो गोइठ अहे, उकर करार आउर किरिया जे कहियो नी बदली, जेकर बारे में परमेश्‍वर कहियो झूठ नी बोलेला। इ लगिन हमरे जे परमेश्‍वर ठिना अपन रक्षा करेक ले आय ही आउर जे आसरा उ हमरे के देई हे, उके ढेइर हें उत्साह केर साथ धाइर ही।

याकूब 3:2

हमरेमन से कायनों बेर गलती होई जायला। मगर जे केऊ बोलेक में गलती नी करेला ओहे सिद्ध आदमी हेके आउर उ खुद के पूरा काबू करेक पारेला।

2 पतरस 1:1

मोंय सिमोन पतरस जे यीशु मसीह केर सेवक आउर चुनल खास चेला हेकों, इ चिट्ठी के उमन के लिखाथों, जेमन हमर परमेश्‍वर आउर छुटकारा देवाइया यीशु मसीह केर धरमी होवेक से हमर जइसन ढेइर किमती बिसवास पाय हैं।

1 यूहन्ना 3:4

जे केऊ पाप करेला उ परमेश्‍वर केर नियम केर बिरोध करेला। आउर इ नियम के नी मानेक हें पाप हेके।