फिलिप्पियनमन 3:13 - सादरी नवाँ नियम

¹³ हे भाईमन मोंय एक काम कराथों कि जे गोइठ पहिले होई चुकलक उके भुलाय के जे गोइठ पाछे पूरा होवेक वाला है उकर में भागी होवेक लगिन मेहनइत करते आगे बढ़ते जाथों।

फिलिप्पियनमन 3:13 Iomraidhean Croise

लूका 10:42

मगर एके गो गोइठ अहे, जे चिंता करेक केर लायक अहे, आउर मरियम इके खोइज लेई हे, आउर इके उकर से केऊ लुटेक नी पारबैं।”

लूका 9:62

यीशु उकर से कहलक, “जे केऊ अपन हाँथ हार उपरे राइख के पिछे देखेला, उ परमेश्‍वर केर राइज केर लाएक नखे।”

2 कुरिनथियनमन 5:16

इ लगिन अब से हमरे केकरो फैसला काया केर मोताबिक नी करब, जबकि हमरे मसीह केर फैसला हों काया केर मोताबिक काइर रही, मगर अब एइसन नी करब।

फिलिप्पियनमन 2:12

से लगिन हे मोर दुलारामन, जब मोंय तोहर संगे रहों तब तोहरेमन सोउब बेरा परमेश्‍वर केर आगया के मानते आय हा। तइसनेहें अब मोंय तोहरे से दूर अहों, तो इ आउर हें बगरा जरुरी अहे कि एखन हों उकर आगया के माना। आउर अपन-अपन छुटकारा के पूरा करेक लगिन डराते आउर थरथराते कोशिश करते रहा।

फिलिप्पियनमन 3:12

मोंय इ दावा नी कराथों कि इ सोउब चीजमन के पहिलेहें पाय लेई हों, या सिद्ध होई चुइक हों मगर मोंय कोशिश करते आगे बढ़ते जाथों कि मोके उ मिल जाओक, जेकर लगिन यीशु मसीह मोके चुइन हे।

फिलिप्पियनमन 3:8

काले कि यीशु मसीह के जानेक बाकी सोउब चीजमन से किमती अहे, से लगिन मोंय सोउब चीजमन के बेकार समझोना। जेकर चलते मोंय सोउब चीजमन के छोइड़ देलों, आउर उमन के कचरा समझोना, जेकर से मोंय मसीह के जानमूँ।

इब्रानीमन 6:1

इ लगिन आवा मसीह केर बारे में जे हमरे के पहिले सिखाल जाय हे, उ शुरु केर शिक्षा केर गोइठमन के घरी-घरी दोहराएक छोइड़ देवब। हमरे सिद्ध बनेक केर शिक्षामन उपरे धेयान करब, अब हमरे माउत बटे लेगेग वाला पाप काम करेक के छोड़ेक, आउर परमेश्‍वर में बिसवास करेक,

2 पतरस 3:8

हे दुलार बिसवासी भाई-बहिनमन, इ गोइठ के जरूर याइद रखा कि प्रभु केर नजइर में एक दिन हजार साल केर नियर अहे आउर हजार साल एक दिन केर नियर अहे, उकर देखेक में दुइयो बराबइर अहे।