फिलिप्पियनमन 3:1 - सादरी नवाँ नियम

¹ से लगिन हे मोर बिसवासी भाईमन, प्रभु में खुश रहा। ओहे गोइठमन तोहरेमन के घरी-घरी लिखेक में मोके तो कोनों तकलीफ नी होवेला, काले कि इ गोइठमन तोहरे के झूठा शिक्षामन से बचेक में मदइत करी।

फिलिप्पियनमन 3:1 Iomraidhean Croise

मत्ती 5:12

तब खुशी मनाबा आउर रिझबा, काले कि तोहरेमन के स्वरग में बड़का इनाम भेटाई। तोहरेमन से ढेइर समय पहिले हों उमन परमेश्‍वर केर संदेश के बताएक वालामन के एहे लेखे सताय रहैं।

लूका 1:47

आउर मोर आत्मा मोर छुटकारा देवाइया परमेश्‍वर से खुश अहे।

रोमानियनमन 5:11

आउर सिरिफ एहे निहीं, मगर अब तो हमरे केर प्रभु यीशु मसीह केर चलते परमेश्‍वर से हमरे केर मेल होई गेलक, से लगिन हमरे परमेश्‍वर में खुश अही।

2 कुरिनथियनमन 13:11

हे बिसवासी भाईमन, खुश रहा, सिद्ध बनते जावा, मोर सलहा के सुना, एक मन रहा, मेल-जोल से रहा, आउर प्रेम आउर शांति केर देवाइया परमेश्‍वर तोहर संगे रही।

इफिसियनमन 6:10

तोहरेमन लगिन मोर आखरी गोइठ इ हेके, प्रभु केर शक्ति से आत्मा में मजबूत होवा।

फिलिप्पियनमन 3:3

काले कि असली खतना वाला तो हमरे हें हेकी, जे परमेश्‍वर केर आत्मा केर अगुवाई से भक्ति करिला आउर मसीह यीशु उपरे घमंड करिला, आउर अपन खुद केर काया से करल काम केर उपरे भरसा नी करिला।

फिलिप्पियनमन 4:4

प्रभु में सोउब बेरा खुश रहा। मोंय फिन कहोना, खुश रहा।

फिलिप्पियनमन 4:8

से लगिन हे संगी बिसवासी भाईमन, जे गोइठमन सच हेके, आउर जे गोइठमन आदर केर लायक हेके, आउर जे गोइठमन उचित हेके, आउर जे गोइठमन पवितर हेके, आउर जे गोइठमन दोसरमन के सुहायला, आउर जे गोइठमन मन के शोभेला, जे गोइठमन बढ़ियाँ हेके आउर जेके दोसरमन बेस पतियायना ओहे गोइठमन में तोहरे धेयान लगावा।

1थिस्सलुनीकियनमन 4:1

हे भाईमन, हमरे प्रभु यीशु केर नाँव में तोहर से बिनती करिला कि तोहरेमन इ नियर जिंदगी बितावा जे परमेश्‍वर के खुश करेला, जइसन हमरे तोहरे के सिखाय ही। तोहरे पहिले से हें इ नियर जिंदगी बिताथा, आउर हमरे तोहरे के एइसन करेक लगिन आउर हें बगरा उसकाइला।

1थिस्सलुनीकियनमन 5:16

सोउब बेरा खुशी से रहा।

याकूब 1:2

हे मोर भाईमन, जब तोहरेमन में रकम-रकम केर बिपइत आवी, तब तोहरे इके ढेइर खुशी केर गोइठ समझबा।

1 पतरस 3:8

आखरी में, मोंय तोहरे से इ कहेक चाहाथों कि तोहरे सोउब एकजूट रहा, आउर एक दोसर केर फिकिर करा, भाई-बहिन केर प्रेम नियर दोसरमन से प्रेम करा, दोसर मनक उपरे दया करा, एक दोसर केर संगे नरम बना।

1 पतरस 4:13

सिरिफ इकर बारे में खुश रहा, काले कि तोहरे के उ दुःखमन में एक हिस्सा मिल हे जे मसीह के मिल रहे। इकर चलते, जब मसीह सोउब आदमीमन उपरे अपन महिमा के दिस्तार करेक लगिन फिन से आवी, तो तोहर खुशी सच में बाड़ होवी।

2 पतरस 3:1

हे दुलार बिसवासी भाई-बहिनमन, अब मोंय तोहरेमन के दूसरा बेर चिट्ठी लिखाथों, इ दुयो चिट्ठी के इ लगिन लीख हों ताकि जे गोइठमन के तोहरे पहिले से जानाला, उके दोबारा याइद दिवाय के तोहरे केर मन में शुद्ध बिचारमन के जगाएक पारमूँ।