फिलिप्पियनमन 2:8 - सादरी नवाँ नियम

⁸ आउर आदमी केर रूप में दिस्तार होई के खुद के नरम बनाय देलक, आउर परमेश्‍वर केर हिंयाँ तक आगयाकारी रहलक कि मौत, हाँ, क्रूस केर मौत के हों साइह लेलक।

फिलिप्पियनमन 2:8 Iomraidhean Croise

मत्ती 17:2

हूवाँ उ मनक आगे यीशु केर रूप बदइल गेलक आउर उकर मुँह बेइर लेखे चमकेक लगलक आउर उकर लुगा इंजोत लेखे चरका होई गेलक।

मत्ती 26:39

फिन यीशु थोरेक दूर आगे गेलक आउर ठेहुना टेइक के परमेश्‍वर से प्रार्थना करेक लगलक, “हे मोर आबा, अगर तोर योजना में इ होवेक पराई, तो मोर उपरे आवेक वाला इ दुःख से मोके बचाय ले, फिन भी जइसन मोंय चाहोना तइसन ना कर, मगर जे तोंय चाहिसला ओहे कर।”

मत्ती 26:42

फिन उ दूसरी बेर जाय के इ प्रार्थना करलक, “हे मोर आबा, अगर इ दुःख के उठाएक मोर लगिन जरुरी अहे, तो तोर हें इच्छा पूरा होवोक।”

लूका 9:29

जब उ प्रार्थना करते हें रहे, तो उकर चेहरा केर रूप बदइल गेलक, आउर उकर लुगा चरका होई के चमकेक लगलक।

यूहन्ना 10:18

केऊ मोर जीउ के मोर से लुटेक नी पारी, मोंय अपन मरजी से मोर जीउ के बलिदान करोना। मोके अपन जीउ के बलिदान करेक आउर उके फिन से पावेक केर अधिकार अहे। मोके अपन आबा परमेश्‍वर बटे से इ आगया मिल हे।”

यूहन्ना 14:31

मगर इ जरुरी अहे कि दुनिया केर आदमीमन जाइन जाओक कि मोंय आबा परमेश्‍वर से प्रेम करोना। आउर आबा परमेश्‍वर मोके जइसन आगया देई हे, तइसनेहें मोंय करोना। चला उठा, हमरे हिंयाँ से जाब।”

यूहन्ना 15:10

अगर तोहरेमन मोर आगयामन के मानबा, तो मोर प्रेम में बनल रहबा, जइसन मोंय अपन आबा परमेश्‍वर केर आगयामन के मानोना, आउर उकर प्रेम में बनल रहोना।

यूहन्ना 4:34

यीशु उमन से कहलक, “जे मोके भेइज हे उकर इच्छा के मानेक आउर उकर काम के पूरा करेक, जेकर जिम्मा उ मोके देई हे, एहे मोर खाएक हेके।

खास चेलामन केर काम 8:33

उकर अपमान करल गेलक आउर उके न्याय नी मिललक। आउर केऊ उकर बंश केर बारे में बताएक नी पारबैं, काले कि इकर से आगे कि धरती में उकर केऊ बंश होतैं, आदमीमन उके माइर मोरालैं।

रोमानियनमन 5:19

काले कि जइसन एक आदमी केर आगया नी मानेक से ढेइर आदमीमन पापी ठहरलैं, तइसनेहें एक आदमी केर आगया मानेक से ढेइर आदमीमन धरमी ठहरबैं।

2 कुरिनथियनमन 8:9

तोहरेमन हमर प्रभु यीशु मसीह केर किरपा के जानाला कि उ धनी होई के हों तोहरे लगिन गरीब बाइन गेलक, ताकि उकर गरीब बाइन जाएक से तोहरेमन धनी बाइन जबा।

गलातियनमन 3:13

मसीह जे हमर लगिन सरपाल गेलक, हमरे के कीन के मूसा केर नियम केर सराप से छुटकारा देलक। काले कि पवितर किताब में लिखल अहे, जे केऊ क्रूस उपरे लटकाल जायला उ सरपाल जायला।

तीतुस 2:14

जे खुद के हमर लगिन बलिदान काइर देलक, आउर हमरे के सोउब रकम केर अधरम से छुटकारा देलक आउर शुद्ध काइर के हमरे के अपन लगिन खास आदमी बनाय लेलक, जे भला काम करेक लगिन पूरा पुरी तेयार रहोक।

इब्रानीमन 12:2

आउर बिसवास के सिरजाएक वाला आउर सिद्ध करेक वाला यीशु बटे धेयान लगाय रहब। जे उ खुशी केर लगिन, जे उके आवेक वाला दिन में मिलेक वाला रहे, लाज केर कोनों फिकिर नी काइर के क्रूस उपरे दुःख साइह के मोरलक आउर सिंहासन में परमेश्‍वर केर भतखाइया आरा बाइठ गेलक।

इब्रानीमन 12:4

तोहरेमन केर दुष्ट शक्ति से लड़ेक बेरा एइसन मुठभेड़ नी होई हे कि तोहरे केर लोहू बोइह हे।

1 पतरस 2:24

जब मसीह क्रूस उपरे मोरलक, तो उ अपन काया में हमर पाप केर बदली में दंड के सहलक, उ एइसन इ लगिन करलक ताकि अब हमरे आगे पाप करेक छोइड़ के धरमी जिंदगी जियब, आउर उ अपन काया में माउर खाय के घवाहा होई गेलक जेकर से हमरे चंगा होई गेली।

1 पतरस 3:18

मोंय इ कहोना काले कि मसीह हों हमरे केर पापमन केर खातिर दुःख सहलक आउर मोइर गेलक। उ बस एक बेर मोरलक उके दोबारा फिन से मोरेक केर जरुरत नखे, उ एगो धरमी आदमी रहे जे पापी आदमीमन लगिन मोरलक कि उ हमरे के आबा परमेश्‍वर में लेगेग पारोक, उमन उकर काया के तो माइर मोरालैं मगर परमेश्‍वर उके पवितर आत्मा केर शक्ति से फिन से जिंदा काइर देलक।