फिलिप्पियनमन 2:5 - सादरी नवाँ नियम

⁵ जइसन मसीह यीशु केर स्वभाव रहे। तइसनेहें तोहर हों स्वभाव होवोक।

फिलिप्पियनमन 2:5 Iomraidhean Croise

मत्ती 11:29

मोर पाछे होई लेवा आउर मोर से सिखा, काले कि मोंय मन से सीधा आउर हृदय से नरम अहों, इ लेखे तोहरेमन अपन मन में आराम पाबा।

लूका 22:27

आखिर में बाड़ के हेके, उ जे खाएक लगिन टेबुल में बाइठ हे या उ जे पोरसेला? ओहे जे खाएक नी बाइठ हे? मगर मोंय तोहर माझे सेवक नियर अहों।

खास चेलामन केर काम 10:38

परमेश्‍वर ओहे यीशु के जे नासरत नगर केर रहेक वाला रहे, पवितर आत्मा आउर शक्ति से अभिषेक करलक आउर उ चाइरो बटे घुइम-घुइम के आदमीमन केर भलाई करते रहलक, आउर शैतान केर सताल आदमीमन के ठीक करते रहलक, काले कि परमेश्‍वर उकर संगे रहे।

खास चेलामन केर काम 20:35

मोंय तोहरे के सोउब कुछ काइर के देखालों कि का लेखे मेहनइत काइर के कमजोर आदमीमन के संभराएक चाही। तोहरे के प्रभु यीशु केर गोइठमन के याइद रखेक जरुरी अहे, उ खुद कइह हे, ‘लेवेक से देवेक धाइन अहे।’ ”

रोमानियनमन 14:15

अगर तोर बिसवासी भाई तोर खाएक केर चलते दुःखी होवेला, तो तोंय तोर बिसवासी भाई से प्रेम नी करिसला, अगर तोर खाएक केर चलते तोर भाई परमेश्‍वर केर आगया मानेक छोइड़ देवेला, तो तोंय उ खाएक केर चीज के ना खाबे, काले कि मसीह तोर बिसवासी भाई केर लगिन हों अपन जान के देई हे।

रोमानियनमन 15:3

काले कि मसीह खुद के खुश नी करलक, मगर जइसन पवितर किताब में लिखल अहे, “तोर निंदा करेक वालामन मोर निंदा करलैं।”

रोमानियनमन 15:5

मोंय प्रार्थना करोना कि धीरज आउर बिसवास में बढ़ाएक वाला परमेश्‍वर तोहरेमन के एक दोसर संगे शांति से रहेक में मदइत करोक, जइसन तोहरे यीशु मसीह केर पिछे चलाला।

1 कुरिनथियनमन 10:33

जइसन कि मोंय हों सोउब गोइठमन में सोउब केऊ के खुश रखेक केर कोशिश करोना, आउर अपन भलाई करेक केर कोशिश नी करोना, मगर बगरा से बगरा आदमीमन केर भलाई चाहोना ताकि उमन बाइच जबैं।

इफिसियनमन 5:2

मसीह केर पिछा करते दोसरमन लगिन प्रेम से भरल जिंदगी जिया, जे तोहर से प्रेम करलक आउर तोहर पापमन के उठाएक लगिन खुद के बलिदान काइर देलक। उकर से परमेश्‍वर खुश रहे, काले कि उ बलिदान उकर लगिन महकेक वाला सेंट नियर रहे।

फिलिप्पियनमन 1:1

इ चिट्ठी यीशु मसीह केर दास मोंय पौलुस आउर तीमुथियुस बटले हेके। मोंय इ चिट्ठी फिलिप्पी शहर में रहेक वाला परमेश्‍वर केर सोउब पवितर आदमीमन, अगुवामन आउर सेवकमन केर नाँव में लिखाथों, जेमन मसीह यीशु केर हेकैं।

1 पतरस 2:21

आउर तोहरेमन परमेश्‍वर बटले एहे लगिन चुनल जाय हा कि तोहरे भला काइर के हों उकर ले दुःख सहबा। मसीह हों तोहर लगिन दुःख उठाय के तोहरेमन के एगो नमूना देई के जाय हे, उ जे कोनों काइर हे तोहरे हों तइसनेहें करा।

1 पतरस 4:1

से लगिन जब मसीह काया में होई के दुःख सहलक तो तोहरेमन के हों दुःख सहेक लगिन ओहे स्वभाव से तेयार रहेक चाही जे स्वभाव उकर में रहे। काले कि अगर तोहरे मसीह लगिन दुःख सहेक ले तेयार अहा, तो तोहरे पाप नी करेक केर फैसला काइर लेई हा।

1 यूहन्ना 2:6

अगर जे केऊ इ कहेला कि मोंय परमेश्‍वर में बनल रहोना, तो उके खुद ओइसनेहें रहेक चाही जइसन यीशु रहलक।