फिलिप्पियनमन 2:22 - सादरी नवाँ नियम

²² मगर तोहरे तीमुथियुस के तो जानाला कि उकर चरितर अच्छा अहे, जइसन बेटा आबा केर संगे करेला, तइसनेहें उ शुभ समाचार के फैलाएक में मोर संगे मेहनइत काइर हे।

फिलिप्पियनमन 2:22 Iomraidhean Croise

खास चेलामन केर काम 16:2

उकर लुस्त्रा नगर आउर इकुनियुम शहर केर बिसवासी भाईमन में बेस नाँव रहे।

रोमानियनमन 5:4

आउर परमेश्‍वर हमरे के ग्रहण करेला काले कि हमरे धीरज धारेक सीख ही, आउर इ लगिन कि परमेश्‍वर हमरे के ग्रहण करेला, से लगिन हमरे के आसरा अहे।

1 कुरिनथियनमन 16:10

अगर तीमुथियुस कुरिन्थुस शहर में आय जाई, तो उकर से आदर केर साथ ब्यवहार करबा, काले कि उ मोर नियर प्रभु केर काम करेला।

1 कुरिनथियनमन 4:17

इ लगिन मोंय तीमुथियुस के जे प्रभु में मोर दुलार आउर बिसवास लाएक बेटा हेके, तोहरे ठिना भेइज हों, उ तोहरेमन के यीशु मसीह में मोर ब्यवहार के याइद करवाई, जेके मोंय हर जगा आउर हरेक कलीसिया में उपदेस देवोना।

2 कुरिनथियनमन 2:9

काले कि मोंय इ लगिन हों लीख रहों कि तोहरेमन के परइख लेमूँ कि तोहरे मोर सोउब गोइठमन के मानेक लगिन तेयार अहा कि निहीं।

2 कुरिनथियनमन 8:22

आउर हमरे उ दुइयो झन केर संगे, एगो आउर बिसवासी भाई के भेइज ही, जेके हमरे कायनों बेर परइख के ढेइर गोइठमन में जोशीला पाय ही, मगर अब तोहरेमन उपरे उके पूरा भरसा अहे, इकर चलते उ आउर हें ढेइर जोशीला अहे।

2 कुरिनथियनमन 8:24

इ लगिन अपन प्रेम आउर हमर उ घमंड जे तोहर बारे में अहे, कलीसियामन केर सामने उमन के सिद्ध काइर के दिखावा।

2 कुरिनथियनमन 8:8

मोंय आगया तो नी देवाथों, मगर दोसरमन केर जोश से तोहर प्रेम केर सच्चाई के परखेक लगिन कहाथों।

फिलिप्पियनमन 1:12

हे भाईमन, मोंय चाहोना कि तोहरेमन इ जाइन लेवा कि मोर उपरे जे बीत हे, उकर से शुभ समाचार के हें फैलेक में मदइत मिल हे।

फिलिप्पियनमन 1:16

जेमन भला बिचार से परचार करैना, उमन मोर से प्रेम करेक केर चलते करैना, काले कि उमन जानैना कि मोंय शुभ समाचार केर रक्षा करेक केर चलते जेहेल में अहों।

फिलिप्पियनमन 1:5

काले कि तोहरेमन आदमीमन के यीशु मसीह केर बारे में शुभ समाचार बताएक में मोर मदइत काइर हा। इ काम के तोहरे जे दिन यीशु मसीह केर बारे में शुभ समाचार उपरे बिसवास करला सेहे दिन से कराथा, आउर एखन तक करते आवाथा।

फिलिप्पियनमन 1:7

तोहर लगिन मोर इ बिचार सही हेके काले कि मोंय तोहरेमन से ढेइर प्रेम करोना, काले कि जब मोंय जेहेल घर में अहों, चाहे शुभ समाचार केर रक्षा कराथों आउर इके साबित कराथों, तो तोहरे मोर इ किरपा में शामिल होई जावाला जेके परमेश्‍वर मोर उपरे काइर हे।

फिलिप्पियनमन 2:20

काले कि मोर ठिना एइसन स्वभाव केर आउर केऊ दोसर आदमी नखैं, जेमन तोहर भलाई लगिन सच्चा मन से चिंता करैना।

1 तीमुथियुस 1:18

हे बेटा तीमुथियुस, मोंय तोके उ गोइठमन के याइद करेक ले कहाथों, जे पहिले भविष्यवाणीमन में तोर बारे में कहल जाय रहे, मोंय तोके इ आगया सोपाथों कि तोंय उमन केर मोताबिक झूठा सिखाएक वालामन केर बिरोध में लड़ाई के लड़ते रह।

1 तीमुथियुस 1:2

मोंय इ चिट्ठी, हे तीमुथियुस तोके लिखाथों, तोंय मोर अपन बेटा नियर अहिस, काले कि तोंय हों यीशु मसीह में बिसवास करिसला। मोंय प्रार्थना करोना कि आबा परमेश्‍वर आउर हमर प्रभु यीशु मसीह बटले तोके किरपा, दया आउर शांति मिलते रहोक।

1 तीमुथियुस 4:6

अगर तोंय सोउब बिसवासी भाईमन के लगातार इ गोइठमन के याइद करवाते रहबे, जेकर पालन काइर के तोंय बिसवास में मजबूत होई हिस, तो तोंय मसीह केर एगो अच्छा सेवक बनबे।

2 तीमुथियुस 1:2

हे तीमुथियुस, मोंय तोर नाँव से इ चिट्ठी के लिखाथों, तोंय मोर लगिन एगो दुलार बेटा नियर अहिस। मोंय प्रार्थना करोना कि आबा परमेश्‍वर आउर हमर प्रभु यीशु मसीह तोर उपरे किरपा आउर दया करते रहोक, आउर शांति देते रहोक।

2 तीमुथियुस 3:10

मगर हे तीमुथियुस, तोंय मोर उपदेस, चाइल चलन, आउर मोर योजना, मोंय कइसन बिसवास करोना, मोंय मुसीबतमन के कइसन सहलों, आदमीमन के कइसन प्रेम काइर हों, आउर दुःखमन में कइसन धीरज धाइर हों, इ सोउब गोइठमन के तोंय जानिसला।

तीतुस 1:4

मोंय इ चिट्ठी, हे तीतुस तोके लिखाथों, तोंय मोर अपन बेटा नियर अहिस काले कि तोंय हों यीशु मसीह में बिसवास करिसला। मोंय प्रार्थना करोना कि आबा परमेश्‍वर आउर छुटकारा देवाइया यीशु मसीह बटले तोके किरपा आउर शांति मिलते रहोक।