फिलिप्पियनमन 2:20 - सादरी नवाँ नियम

²⁰ काले कि मोर ठिना एइसन स्वभाव केर आउर केऊ दोसर आदमी नखैं, जेमन तोहर भलाई लगिन सच्चा मन से चिंता करैना।

फिलिप्पियनमन 2:20 Iomraidhean Croise

यूहन्ना 10:13

मजूरी में रखल धांगर इ लगिन भाइग जायला कि उ सिरिफ पइसा लगिन काम करेला आउर उके भेड़ीमन केर कोनों चिंता नखे।

यूहन्ना 12:6

यहूदा इ गोइठ इ लगिन नी कइह रहे कि उके गरीब आदमीमन केर चिंता रहे, मगर इ लगिन कइह रहे कि उ चोर रहे। आउर उकर ठिना उ मनक पइसा केर थैला रहत रहे आउर थैला में जे कुछ साजल जात रहे, उ उके निकलाय लेवत रहे।

रोमानियनमन 15:5

मोंय प्रार्थना करोना कि धीरज आउर बिसवास में बढ़ाएक वाला परमेश्‍वर तोहरेमन के एक दोसर संगे शांति से रहेक में मदइत करोक, जइसन तोहरे यीशु मसीह केर पिछे चलाला।

1 कुरिनथियनमन 16:10

अगर तीमुथियुस कुरिन्थुस शहर में आय जाई, तो उकर से आदर केर साथ ब्यवहार करबा, काले कि उ मोर नियर प्रभु केर काम करेला।

फिलिप्पियनमन 2:2

तो मोर इ खुशी के पूरा करा कि एक हें मन होई के रहा आउर एक हें जइसन प्रेम करा, एक हें बिचार आउर मनसा रखा।

फिलिप्पियनमन 2:22

मगर तोहरे तीमुथियुस के तो जानाला कि उकर चरितर अच्छा अहे, जइसन बेटा आबा केर संगे करेला, तइसनेहें उ शुभ समाचार के फैलाएक में मोर संगे मेहनइत काइर हे।

कुलुसियनमन 4:11

यीशु जेके आदमीमन यूस्तुस नाँव से बोलायना, तोहरेमन के जोहार कहेला। यहूदी बिश्वासीमन में से सिरिफ एहे परमेश्‍वर केर राइज केर लगिन मोर संगे काम करेक वाला आउर मोर शांति केर कारण हेके।

1 तीमुथियुस 1:2

मोंय इ चिट्ठी, हे तीमुथियुस तोके लिखाथों, तोंय मोर अपन बेटा नियर अहिस, काले कि तोंय हों यीशु मसीह में बिसवास करिसला। मोंय प्रार्थना करोना कि आबा परमेश्‍वर आउर हमर प्रभु यीशु मसीह बटले तोके किरपा, दया आउर शांति मिलते रहोक।

1 तीमुथियुस 4:6

अगर तोंय सोउब बिसवासी भाईमन के लगातार इ गोइठमन के याइद करवाते रहबे, जेकर पालन काइर के तोंय बिसवास में मजबूत होई हिस, तो तोंय मसीह केर एगो अच्छा सेवक बनबे।

2 तीमुथियुस 1:5

मोके तोर उ सच्चा बिसवास केर खेयाल आवेला, जे पहिले तोर नानी लोइस, आउर तोर आयो यूनीके में रहे, आउर मोके पूरा भरसा अहे कि उ बिसवास तोर में हों अहे।

2 तीमुथियुस 3:10

मगर हे तीमुथियुस, तोंय मोर उपदेस, चाइल चलन, आउर मोर योजना, मोंय कइसन बिसवास करोना, मोंय मुसीबतमन के कइसन सहलों, आदमीमन के कइसन प्रेम काइर हों, आउर दुःखमन में कइसन धीरज धाइर हों, इ सोउब गोइठमन के तोंय जानिसला।