फिलिप्पियनमन 2:2 - सादरी नवाँ नियम

² तो मोर इ खुशी के पूरा करा कि एक हें मन होई के रहा आउर एक हें जइसन प्रेम करा, एक हें बिचार आउर मनसा रखा।

फिलिप्पियनमन 2:2 Iomraidhean Croise

यूहन्ना 3:29

दूल्हा, दुलहिन से बिहा करेला मगर दूल्हा केर संग, जे उकर ठिना ठड़ाल रहेला, उ दूल्हा केर गोइठ सुइन के ढेइर खुश होवेला। ओहे लेखे मोर दिल हों खुशी से भाइर जाय हे। आउर अब उ खुशी पूरा होई जाय हे।

खास चेलामन केर काम 1:14

इमन अक्सर इ ठाँव में जमा होवत रहैं। हिंयाँ थोरेक जनानामन आउर यीशु केर आयो मरियम आउर उकर भाईमन केर संगे एक मन होई के प्रार्थना करत रहैं।

खास चेलामन केर काम 2:1

यहूदी मनक पिन्तेकुस्त केर परब केर दिन सोउब चेलामन एक ठाँव में जमा होई रहैं।

खास चेलामन केर काम 2:46

आउर उमन रोज दिन एक मन होई के यहूदी मनक मंदिर केर अंगना में जमा होवत रहैं, आउर घर-घर प्रभु भोज में शामिल होवत रहैं आउर खुशी आउर सीधा मन से एके संगे भात खात रहैं।

खास चेलामन केर काम 5:12

खास चेलामन से ढेइर चिन्हा आउर चमत्कार केर काम आदमीमन केर माझे होवत रहे आउर मसीह केर सोउब बिसवासीमन एक मन होई के राजा सुलैमान केर बरामदा में जमा होवत रहैं।

रोमानियनमन 12:16

सोउब केर संगे एके नियर ब्यवहार करा, घमंडी ना होवा, मगर गरीब दुःखीमन केर संगे संगति रखा, अपन नजइर में बुद्धिमान ना होवा।

1 कुरिनथियनमन 1:10

हे बिसवासी भाईमन, मोंय हमर प्रभु यीशु मसीह केर अधिकार से तोहरेमन से हाँथ जोइर के अरजी करोना कि तोहरे सोउब एक दोसर केर गोइठ के माना, आउर तोहर माझे फूट ना होवोक मगर एक हें मन आउर एक हें बिचार काइर के मिल के रहा।

2 कुरिनथियनमन 13:11

हे बिसवासी भाईमन, खुश रहा, सिद्ध बनते जावा, मोर सलहा के सुना, एक मन रहा, मेल-जोल से रहा, आउर प्रेम आउर शांति केर देवाइया परमेश्‍वर तोहर संगे रही।

2 कुरिनथियनमन 2:3

मोंय इ चिट्ठी के तोहरेमन के इ लगिन लिखलो कि मोर आवेक से एइसन ना होवोक कि जेमन से मोके खुशी मिलेक चाही, उमन से मोंय उदास होमूँ, काले कि मोके तोहरे सोउबमन उपरे इ गोइठ केर भरसा अहे कि जे खुशी मोके अहे, ओहे खुशी तोहरे सोउबमन केर हों अहे।

2 कुरिनथियनमन 7:7

आउर ना सिरिफ उकर आवेक से मगर उकर उ शांति से हों, जे तीतुस के तोहर बटले मिल रहे, उ हमरे के बतालक कि तोहरे मोके केतना देखेक चाहाला, आउर जे कोनों तोहरेमन करला उकर बारे में तोहरे के दुःख अहे, आउर तोहरे कइसन मोर बारे में चिंता कराला।

फिलिप्पियनमन 1:4

आउर अपन प्रार्थना में खुशी से तोहरे सोउब केर लगिन सोउब बेरा बिनती करोना।

फिलिप्पियनमन 2:16

ताकि मोंय मसीह केर फिन से घूइर आवेक केर दिन इ गोइठ लगिन घमंड करमूँ कि मोर दौड़-धूप आउर मोर मेहनइत बेकार नी होलक।

फिलिप्पियनमन 2:20

काले कि मोर ठिना एइसन स्वभाव केर आउर केऊ दोसर आदमी नखैं, जेमन तोहर भलाई लगिन सच्चा मन से चिंता करैना।

फिलिप्पियनमन 4:2

मोंय यूओदिया आउर सुन्तुखे दुइयो बहिन से बिनती कराथों कि तोहरे मेल-मिलाप से रहा।

कुलुसियनमन 2:5

काले कि अगर मोंय तोहरेमन से दूर अहों, फिन भी मोंय एइसन अहों जइसन तोहर संगे हें अहों, आउर नियम मोताबिक तोहर चाइल-चलन, आउर मसीह उपरे पोक्ता बिसवास के देइख के खुश अहों।

2 थिस्सलुनीकियनमन 2:13

हे प्रभु केर दुलारा भाईमन, इ उचित अहे कि हमरे लगातार तोहर लगिन परमेश्‍वर के धन्यबाद देवब। काले कि उ दुनिया केर सिरजन से पहिले तोहरे के चुइन लेई हे ताकि तोहरे के बचाएक पारोक। उ पवितर आत्मा केर काममन से जे तोहरे के शुद्ध करेला, आउर यीशु मसीह केर बारे में सच्चा संदेश उपरे तोहर बिसवास करेक केर चलते तोहरे के बचायला।

2 तीमुथियुस 1:4

मोके याइद अहे कि तोंय कतइ काइंद रहिस जब हमरे एक दोसर से जुदा होली, मोंय तोर काँदेक के याइद काइर के राइत दिन तोर से भेंट करेक केर इच्छा रखोना कि खुशी से भाइर जामूँ।

फिलेमोन 1:20

हे भाई इ फायदा मोके प्रभु में तोर बटे से मिलोक, मसीह में मोर जीव के हरा-भरा काइर दे।

2 यूहन्ना 1:4

मोंय इ सुइन के ढेइर खुशी होलों कि तोर थोरेक छउवामन सच्चाई केर डहर में चलाथैं, जइसन कि हमरेमन के आबा परमेश्‍वर बटले आगया मिल हे।

3 यूहन्ना 1:4

मोके आउर कोनों गोइठ से एतना खुशी नी होतक जेतना इ सुइन के कि मोर छउवामन सच्चाई केर डहर में चलैना।