फिलिप्पियनमन 2:16 - सादरी नवाँ नियम

¹⁶ ताकि मोंय मसीह केर फिन से घूइर आवेक केर दिन इ गोइठ लगिन घमंड करमूँ कि मोर दौड़-धूप आउर मोर मेहनइत बेकार नी होलक।

फिलिप्पियनमन 2:16 Iomraidhean Croise

मत्ती 10:27

जे गोइठ के मोंय तोहरेमन से अंधार में कहाथों, उके इंजोत में कहबा आउर जे कुछ मोंय तोहरेमन के कान में धीरे से सुनालों, उके तोहरेमन खुइल के सोउब केर सामने परचार करबा।

लूका 12:8

मोंय तोहर से कहाथों, जे केऊ मोके आदमीमन केर सामने माइन लेवी कि उ मोर चेला हेके, तो मोंय आदमी केर बेटा हों परमेश्‍वर केर स्वरगदूत मनक सामने, उके अपन चेला माइन लेमूँ।

यूहन्ना 6:63

आत्मा हें जिंदगी देवेला, काया से कोनों फायदा नखे। मोंय तोहरेमन के जे गोइठ के बतालों, उ आत्मा आउर जिंदगी हेके।

यूहन्ना 6:68

सिमोन पतरस उके जबाब देलक, “हे प्रभु, हमरे केकर ठिना जाब? जुग-जुग केर जिंदगी केर गोइठमन तो तोरे ठिना अहे।

खास चेलामन केर काम 13:26

हे मोर इसराइली भाईमन, तोहरे जे अब्राहम केर संतान हेका आउर परमेश्‍वर केर डार मानाला, परमेश्‍वर तोहर ठिना यीशु केर बारे में इ छुटकारा केर संदेश भेइज हे।

1 कुरिनथियनमन 1:8

परमेश्‍वर तोहरेमन के आखरी तक बिसवास में मजबूत हों करी, ताकि तोहरेमन उ दिन तक निरदोष रहबा, जब हमर प्रभु यीशु मसीह इ धरती में फिन से घूइर आवी।

1 कुरिनथियनमन 9:26

इकरे चलते मोंय निशाना के देइख के कुदोना, जइसन कि एगो पहलवान अपन मुटका के हवा में नी चलायला मगर अपन बिरोधी केर काया में चलायला, सेहे लेखे मोंय अपन मसीही जिंदगी के एगो खास मकसद से जियोना।

2 कुरिनथियनमन 1:14

जइसन तोहरे में से केतना झन माइन लेई हैं कि हमरे केर चलते तोहरे घमंड कराला, तइसनेहें हमरे हों तोहरेमन केर चलते प्रभु यीशु केर घूइर आवेक दिन घमंड करब।

गलातियनमन 2:2

मोंय हूवाँ इ लगिन गेलों काले कि परमेश्‍वर मोके जाएक कइह रहे। जब मोंय हूवाँ गेलों, तो हूवाँ केर बढ़ियाँ समझल जाएक वाला अगुवामन से अलगे मिललों आउर उ शुभ समाचार केर बारे में बतालों, जेके मोंय परजाइत आदमीमन केर माझे परचार काइर रहों। ताकि जे मोंय बितल समय में काइर हों, चाहे जे मोंय आवेक वाला समय में करमूँ उ बेकार ना होवोक।

गलातियनमन 4:11

मोंय तोहरे केर बारे में चिंता करोना कि तोहरे लगिन जे मेहनइत मोंय काइर हों, उ कहीं बेकार ना होई जाओक।

फिलिप्पियनमन 1:10

ताकि तोहरेमन इ चुनाव करेक केर लायक बाइन जबा कि कोन रकम केर काम करेक उचित अहे, ताकि मसीह केर दोबारा घूइर आवेक दिन तक पवितर आउर निरदोष बनल रहबा, आउर ठोकर नी खाबा।

फिलिप्पियनमन 1:6

आउर मोके इ गोइठ केर भरसा अहे कि परमेश्‍वर जे तोहर में बेस काम शुरु काइर हे, ओहे उके यीशु मसीह केर घूइर आवेक दिन तक पूरा करी।

1थिस्सलुनीकियनमन 2:19

भला हमरे केर आसरा, या खुशी या बड़ाई केर मुकुट केमन हेकैं? का हमर प्रभु यीशु केर सामने उकर घूइर आवेक केर बेरा तोहरेमन हें नी होबा?

1थिस्सलुनीकियनमन 3:5

इ लगिन जब मोर से तोहरेमन केर बिसवास केर हाल जानल बिना रहल नी गेलक, तो मोंय तोहरे केर बिसवास केर हाल जानेक लगिन तीमुथियुस के भेजलों, काले कि मोंय डरात रहों कहीं एइसन ना होवोक कि परीक्षा करेक वाला शैतान तोहरे के फँसाय तो नी लेई हे, आउर हमर मेहनइत बेकार तो नी होई गेलक।

इब्रानीमन 4:12

परमेश्‍वर केर बचन तो जिंदा आउर काम करेक वाला हेके, उ दुइयो आरा धार करल तलवाइर से हों बगरा चोखा अहे। उ आत्मा आउर प्राण, आउर काया केर जोड़, आउर गुदा तक पोंहइच जायला, आउर हमरे केर हिरदय केर सोच आउर बिचार के परखेला।

1 पतरस 1:23

काले कि तोहरेमन के परमेश्‍वर बटले नवाँ जिंदगी मिल हे। तोहरे के जे जिंदगी मिल हे उ एइसन चीजमन से नी मिल हे कि उ नाश होवी बल्कि एइसन चीज से मिल हे जे जुग-जुग लगिन रही। मतलब परमेश्‍वर केर जिंदा आउर जुग-जुग केर बचन से मिल हे।

1 यूहन्ना 1:1

हमरे एगो एइसन आदमी केर बारे में लिखाथी, जे जिंदगी केर बचन हेके। उ दुनिया केर सिरजन से पहिले से रहे, जेकर बारे में हमरे सुनली, आउर अपन आँइख से देखली, बल्कि जेके हमरे धेयान से देखली आउर हाँथ से छुली।

प्रकाशितवाक्य 22:17

आत्मा आउर दुलहिन दुइयो कहैना, “आव!” आउर सुनेक वालामन हों कहोक, “आव!” जे पियासा अहे, उ आवोक, आउर जे केऊ चाही, उ जीवन केर पानी मुफत में लेवोक।