फिलिप्पियनमन 2:15 - सादरी नवाँ नियम

¹⁵ होले तोहरेमन टेढ़ा आउर बिगड़ल आदमीमन से भरल दुनिया में परमेश्‍वर केर सिद्ध संतानमन नियर साफ सुथरा आउर निरदोष जिंदगी बिताबा। जेमन केर माझे तोहरे जुग-जुग केर जिंदगी केर बचन के लेई के दुनिया में दीया नियर बरते दिसाला।

फिलिप्पियनमन 2:15 Iomraidhean Croise

मत्ती 10:16

देखा, मोंय तोहरेमन के भेड़ीमन नियर उमन केर माझे भेजाथों, जेमन हड़हामन नियर खतरनाक अहैं। से लगिन तोहरेमन साँपमन नियर चतूर आउर पेरवाँमन नियर सीधा बना।

मत्ती 17:17

यीशु जबाब देलक, “हे अबिसवासी आउर ढींठ आदमीमन, मोंय कतइ दिन तक तोहरेमन केर संगे रहमूँ? आउर कतइ दिन तक तोहरेमन के सहमूँ? उ छोंड़ा के मोर ठिना लाना।”

मत्ती 5:45

इकर से तोहरेमन अपन स्वरगीय आबा केर संतान बाइन जबा, काले कि उ भला आउर बुरा दुयो आदमीमन लगिन अपन बेइर उगायला, आउर धरमी आउर अधरमी दुयो आदमीमन लगिन पानी बरसायला।

मत्ती 5:48

से लगिन तोहरेमन एइसन काम काइर के देखावा कि तोहरेमन सोउब से प्रेम कराला, जइसन तोहर स्वरगीय आबा सोउब से प्रेम करेला।”

लूका 1:6

उमन दुयो परमेश्‍वर केर नजइर में धरमी रहैं, आउर प्रभु केर सोउब आगयामन आउर नियममन के माइन के उके खुश काइर रहैं।

लूका 6:35

मगर तोहरेमन अपन दुश्मनमन से प्रेम करा आउर उ मनक भलाई करा। आउर फिन पावेक केर आसरा राइख के उधरा ना देबा। तब तोहर इनाम महान होवी आउर तोहरेमन परमप्रधान केर संतान बाइन जबा, काले कि परमेश्‍वर बुरा आदमीमन केर आउर जेमन परमेश्‍वर के धन्यबाद नी देवैना, उ मनक उपरे हों दया करेला।

यूहन्ना 5:35

यूहन्ना बरते आउर चमकते दीया नियर रहे आउर उकर इंजोत में थोरेक देरी खुशी मनाएक तोहरेमन के बेस लगलक।

खास चेलामन केर काम 2:40

पतरस ढेइर गोइठमन से गवाही देई-देई के आउर इ कइह के उमन से बिनती करलक कि इ पीढ़ी केर दुष्ट आदमीमन से खुद के बचाय के रखा।

खास चेलामन केर काम 20:30

हिंयाँ तक कि तोहर अपन बिसवासी दल से हें एइसन आदमीमन निकलबैं, जेमन चेलामन के अपन बटे मिलाएक लगिन उल्टा-पुल्टा शिक्षा देबैं।

रोमानियनमन 16:19

तोहरेमन परमेश्‍वर केर आगयाकारी हेका, इके सोउब केऊ जानैना, से लगिन मोंय तोहर बारे में खुशी मनावना, मगर मोंय इ चाहोना कि तोहरेमन भलाई का हेके इके जानेक लगिन बुद्धिमान होवा, मगर बुराई लगिन निरदोष बनल रहा।

1 कुरिनथियनमन 1:8

परमेश्‍वर तोहरेमन के आखरी तक बिसवास में मजबूत हों करी, ताकि तोहरेमन उ दिन तक निरदोष रहबा, जब हमर प्रभु यीशु मसीह इ धरती में फिन से घूइर आवी।

2 कुरिनथियनमन 6:17

इ लगिन पवितर किताब में प्रभु हमरे से कहेला, “उ आदमीमन केर माझे से निकला, जेमन परमेश्‍वर केर पिछे नी चलैना, आउर अशुद्ध काममन से दूर रहा, तो मोंय तोहरेमन के ग्रहण करमूँ।

इफिसियनमन 5:27

उ अपन कलीसिया केर सोउब आदमीमन लगिन मोइर गेलक, ताकि उमन के सिद्ध बनाएक पारोक, आउर सोउब के अपन हेदना लानेक पारोक, जेमन में कोनों दोष या पाप या आउर कोनों रकम केर बुराई नी होवी, बल्कि उमन पूरा पुरी पवितर आउर निरदोष होबैं।

फिलिप्पियनमन 1:10

ताकि तोहरेमन इ चुनाव करेक केर लायक बाइन जबा कि कोन रकम केर काम करेक उचित अहे, ताकि मसीह केर दोबारा घूइर आवेक दिन तक पवितर आउर निरदोष बनल रहबा, आउर ठोकर नी खाबा।

फिलिप्पियनमन 3:6

उत्साह केर बारे में अगर कहबा तो कलीसिया के सताएक वाला, आउर यहूदी नियममन के मानेक में एगो धरमी आदमी रहों, काले कि मोंय सोउब मूसा केर नियममन के माइन हों।

1थिस्सलुनीकियनमन 5:23

परमेश्‍वर जे शांति देवेला खुद हें तोहरे के सोउब रकम से पवितर करोक, आउर तोहर आत्मा, प्राण आउर काया के हमर प्रभु यीशु मसीह केर दोबारा घूइर आवेक तक पूरा-पूरा निरदोष आउर जोगाय के रखोक।

1 तीमुथियुस 3:10

जब कलीसिया में सेवकमन के चुनल जायला, तब पहिले उमन के परखेक चाही, अगर उमन में कोनों दोष नखे, तब सेवक केर काम करेक लगिन चुनल जाएक चाही।

1 तीमुथियुस 3:2

से लगिन अगुवा के निरदोष, आउर सिरिफ एके गो जनाना केर पति, संयम से रहेक वाला, आउर जे कोनों उ करेला उकर में खुद कब्जा करेक वाला, सभ्य, अपन घर में गोतियामन केर खातिरदारी करेक वाला, आउर सिखाएक में होशियार होवेक चाही।

1 तीमुथियुस 5:14

इ लगिन मोंय सलहा देवेक चाहोना कि जवान बिधवामन बिहा करोक, आउर परिवार बसाय के अपन घर-दुरा के संभराओक, ताकि केऊ दुश्मन के बदनाम करेक केर मोका ना मिलोक।

1 तीमुथियुस 5:20

जेमन पाप करैना, तोके उमन के सोउब बिसवासीमन केर सामने डाँटेक चाही, ताकि दोसर बिसवासीमन पाप करेक से डराबैं।

1 तीमुथियुस 5:7

बिसवासीमन के इ गोइठमन केर हों आगया देते रह, ताकि केऊ उमन उपरे कोनों दोष ना लगाओक।

तीतुस 1:6

एगो सेवक के निरदोष आउर सिरिफ एके गो जनाना केर पति होवेक चाही, जेकर छउवामन बिसवासी होवोक, आउर जेकर में लुच्चा आउर मनमानी होवेक केर दोष नखे।

तीतुस 2:10

उमन मालिक केर कोनों चीजमन केर चोरी ना करोक, मगर सोउब रकम से पूरा ईमानदार रहोक। ताकि आदमीमन उ मनक बेस ब्यवहार के धेयान देबैं। आउर उ मनक बेस काम आदमीमन के हमरे केर छुटकारा देवाइया परमेश्‍वर केर बारे में संदेश सुनेक केर जरिया बनोक।

तीतुस 2:15

से लगिन हे तीतुस, मोंय चाहोना कि तोंय क्रेते टापू केर बिसवासीमन के इ गोइठमन के सिखाव, जेमन के मोंय तोके सिखाय हों आउर उके करेक लगिन उसकाव। जहाँ जरुरत होवी हूवाँ उमन के सुधराव, तोके एइसन करेक केर पूरा अधिकार अहे। जे कोनों तोंय सिखाइसला उके केऊ अनदेखा ना करोक।

इब्रानीमन 7:26

एइसनेहें महापुरोहित हमरे केर जरुरत के पूरा करेक पारेला, जे पवितर अहे, बेगर दोष केर अहे, आउर शुद्ध अहे, आउर पापीमन केर असर से दूर रहेला, आउर सोउब से उपरे स्वरग तक ऊँचा उठाल जाय हे।

1 पतरस 2:12

परजाइत आदमीमन में तोहर चाइल-चलन भला होवोक, काले कि जे गोइठमन में उमन तोहरे के बुरा जाइन के बदनाम करैना, उमन तोहर भला काममन के देइख के, ओहे काममन केर चलते, न्याय केर दिन उमन परमेश्‍वर केर महिमा करोक।

1 पतरस 2:9

मगर तोहरेमन एइसन नखा, काले कि तोहरे परमेश्‍वर केर चुनल आदमी हेका, तोहरे परमेश्‍वर केर पुरोहित हेका जे राजा हेके, तोहरेमन एइसन आदमी हेका जेमन खुद के परमेश्‍वर केर सेवा लगिन सोंइप देई हा, आउर तोहरे परमेश्‍वर केर हेका, तोहरे के परमेश्‍वर अंधार में से चुइन के अपन इंजोत में लाइन हे, ताकि तोहरे उकर अदभुत काममन केर परचार करबा।

2 पतरस 3:14

इ लगिन, हे दुलार बिसवासी भाई-बहिनमन, जबकि तोहरेमन इ गोइठमन केर होवेक केर आसरा देखाथा, तो एइसन जिंदगी जियेक लगिन सोउब लेखे से कोशिश करा, जे परमेश्‍वर के खुश करेला। आउर तोहरे शुद्ध, निरदोष आउर एक दोसर केर संगे शांति से रहा।

प्रकाशितवाक्य 2:5

से लगिन याइद कर कि तोंय कहाँ से गिर हिस, आउर तोंय पाप करेक छोइड़ दे आउर पहिले नियर काम कर। अगर तोंय पाप करेक नी छोड़बे, तो मोंय तोर ठिना आय के तोर दीया रखेक केर खूँटा के उकर ठाँव से हटाय देमूँ।

प्रकाशितवाक्य 3:9

देख, मोंय शैतान केर उ सभा केर आदमीमन के तोर वश में काइर देमूँ जे यहूदी बाइन बाइठ हैं, मगर ना लगैं, उमन झूठ कहैना, देख, मोंय एइसन करमूँ कि उमन आय के तोर पाँव में गिरबैं आउर इ जाइन लेबैं कि मोंय तोर से प्रेम करोना।