फिलिप्पियनमन 2:13 - सादरी नवाँ नियम

¹³ काले कि परमेश्‍वर तोहरे में काम कराथे, आउर इच्छा आउर शक्ति देवाथे कि तोहरेमन ओहे काम करबा जेकर से परमेश्‍वर खुश होवेला।

फिलिप्पियनमन 2:13 Iomraidhean Croise

लूका 12:32

तोहरेमन भेड़ीमन केर एगो छोटका झूँड़ नियर अहा, से लगिन कोनोवें गोइठ से ना डरावा। काले कि तोहर आबा परमेश्‍वर केर इच्छा अहे कि उ तोहरेमन के राइज देवी।

लूका 2:14

“स्वरग में परमेश्‍वर केर महिमा होवोक आउर धरती में उ आदमीमन के शांति मिलोक, जेमन से उ खुश अहे।”

यूहन्ना 3:27

यूहन्ना जबाब देलक, “जब तक आदमी के स्वरग से नी देवल जाई तब तक उ कोनों पावेक नी पारी।

यूहन्ना 6:45

परमेश्‍वर केर संदेश के बताएक वालामन केर किताब में इ लिखल अहे, ‘उमन सोउब परमेश्‍वर से शिक्षा पाबैं।’ हर आदमी जे आबा परमेश्‍वर केर सुनेला आउर उकर से सीखेला, उ मोर ठिना आवेला।

यूहन्ना 6:65

यीशु उमन से कहलक, “से लगिन मोंय तोहरेमन से कइह रहों कि जब तक केखो आबा परमेश्‍वर बटले इ बरदान ना देवल जाय, तब तक उ मोर ठिना आवेक नी पारी।”

खास चेलामन केर काम 11:21

आउर प्रभु केर शक्ति उ मनक उपरे रहे, आउर ढेइर आदमीमन उमन केर संदेश उपरे बिसवास काइर के प्रभु यीशु केर उपरे बिसवास करेक शुरु करलैं।

रोमानियनमन 12:3

मोंय उ किरपा केर चलते जे मोके मिल हे तोहर में से हरेक झन से कहोना, तोहरे के जइसन समझेक चाही उकर से बाइढ़ के केऊ हों खुद के ना समझबा, मगर जइसन परमेश्‍वर हरेक के बिसवास केर मात्रा बाँइट देई हे तइसनेहें बेस बुद्धि केर संगे खुद के समझबा।

रोमानियनमन 9:11

आउर हिंयाँ तक कि उमन केर जनम से पहिले, या उमन केर भला आउर बुरा करेक से पहिले, परमेश्‍वर रिबका से कहलक “तोर बड़का बेटा छोटका बेटा केर सेवा करी” परमेश्‍वर एइसन इ देखाएक लगिन कहलक कि उ अपन इच्छा केर मोताबिक काम करेला, इ निहीं कि उमन कोनों काइर रहैं।

रोमानियनमन 9:16

परमेश्‍वर उके चुनेला जेकर में उ अपन दया देखाएक चाहेला, उकर चुनेक इकर में टिकल नखे कि आदमीमन का चाहैना या का करेक खोजैना।

1 कुरिनथियनमन 12:6

हमरे केर जिंदगी में परमेश्‍वर अलग-अलग तरीका से काम करेला, मगर इ ओहे परमेश्‍वर हेके जे हमरे केर जरिया से काम करेला।

1 कुरिनथियनमन 15:10

मगर मोंय जे कुछ भी अहों परमेश्‍वर केर किरपा से अहों, आउर उकर किरपा मोर उपरे ढेइर बड़का काम करलक, आउर मोंय यीशु केर चुनल दोसर खास चेलामन से बाइढ़ के मेहनइत हों करलों। फिन भी इ मोर बटले निहीं, मगर परमेश्‍वर केर किरपा से होलक जे मोर उपरे रहे।

2 कुरिनथियनमन 3:5

हमरे इ नी कहिला कि कोनों करेक लगिन हमरे खुद लायक अही, मगर परमेश्‍वर हमरे के लायक बनायला।

इफिसियनमन 1:11

ओहे यीशु केर चलते जेकर से हमरे जुड़ल अही, बपौती अधिकार पावेक नियर हमरे परमेश्‍वर से अधिकार के पाली, जेकर लगिन उ अपन योजना केर मोताबिक पहिलेहें से हमरे के चुइन रहे।

इफिसियनमन 1:5

काले कि परमेश्‍वर हमरे के प्रेम करलक आउर अपन इच्छा आउर भला मकसद केर मोताबिक, हमरे के अपन लगिन पहिले से ठहरालक कि हमरे यीशु मसीह केर बटले उकर बाल-पोस बेटा बनब।

इफिसियनमन 1:9

आउर जे कोनों यीशु मसीह हमर लगिन करलक, उकर से परमेश्‍वर अपन लुकल योजना के हमरे के देखालक।

इफिसियनमन 2:8

जब तोहरे बिसवास करला तब परमेश्‍वर तोहरे के अपन किरपा से बचाय लेलक। तोहरे खुद से नी बचता, इ तो परमेश्‍वर केर दान हेके।

2 थिस्सलुनीकियनमन 1:11

इ लगिन हमरे लगातार तोहरे ले प्रार्थना हों करिला, ताकि परमेश्‍वर तोहरेमन के उके करेक केर लाएक बनाओक, जेके करेक लगिन उ तोहरे के बोलाय हे, आउर उ अपन शक्ति से तोहर हर भला इच्छा के पूरा करोक आउर हर उ काम के सफल करोक, जे तोहरे केर बिसवास केर बदली में अहे।

2 तीमुथियुस 1:9

जे हमरे के बचालक आउर पवितर जिंदगी जियेक लगिन बोलालक, उ हमरे के हमर बेस काममन केर चलते निहीं। मगर अपन योजना केर मोताबिक यीशु मसीह के हमर लगिन दुनिया में मोरेक ले भेजेक केर चलते हमर उपरे किरपा करलक।

1 पतरस 1:3

हमर प्रभु यीशु मसीह केर आबा आउर परमेश्‍वर केर धन्यबाद होवोक, जे अपन बड़का दया से आउर प्रभु यीशु मसीह केर मोरल में से जी उठेक केर द्वारा से हमरे के नवाँ जिंदगी देई हे, आउर जुग-जुग केर जिंदगी केर आसरा देई हे।