फिलिप्पियनमन 2:12 - सादरी नवाँ नियम

¹² से लगिन हे मोर दुलारामन, जब मोंय तोहर संगे रहों तब तोहरेमन सोउब बेरा परमेश्‍वर केर आगया के मानते आय हा। तइसनेहें अब मोंय तोहरे से दूर अहों, तो इ आउर हें बगरा जरुरी अहे कि एखन हों उकर आगया के माना। आउर अपन-अपन छुटकारा के पूरा करेक लगिन डराते आउर थरथराते कोशिश करते रहा।

फिलिप्पियनमन 2:12 Iomraidhean Croise

मत्ती 11:12

यूहन्ना बपतिस्मा जल संस्कार देवेक वाला से लेई के एखन तक स्वरग राइज आगे बढ़ाथे, आउर बलवान आदमीमन इके नाश करेक केर कोशिश कराथैं।

मत्ती 11:29

मोर पाछे होई लेवा आउर मोर से सिखा, काले कि मोंय मन से सीधा आउर हृदय से नरम अहों, इ लेखे तोहरेमन अपन मन में आराम पाबा।

खास चेलामन केर काम 16:29

तब दरोगा दीया मंगुवाय के भीतरे कूइद के गेलक आउर थरथराते पौलुस आउर सीलास केर आगे गिरलक।

खास चेलामन केर काम 9:6

मगर अब उठ आउर नगर में जा। हूवाँ तोके बताय देवल जाई कि तोके का करेक अहे।”

रोमानियनमन 2:7

परमेश्‍वर उमन के जेमन बेस काम में स्थिर रइह के महिमा, आउर आदर, आउर नाश नी होवेक वाला जिंदगी केर खोजार में अहैं, उमन के उ जुग-जुग केर जिंदगी देवी।

1 कुरिनथियनमन 15:58

से लगिन हे मोर दुलार बिसवासी भाईमन, बिसवास में स्थिर बनल रहा आउर झूठा शिक्षामन केर चलते प्रभु से दूर ना होवा, आउर प्रभु केर काम में हमेशा बढ़ते जावा, काले कि तोहरे इ जानाला कि जे कोनों तोहरे प्रभु लगिन कराथा, उ बेकार नी होवी मगर उकर इनाम मिली।

1 कुरिनथियनमन 2:3

आउर मोंय अपन कमजोरी आउर डार केर संगे, आउर ढेइर थरथराते तोहर संगे रहलों।

1 कुरिनथियनमन 4:14

मोंय तोहरेमन के लजुवाएक लगिन इ गोइठमन के नी लिखोना, मगर मोर मकसद तोहरेमन के नियम केर पालन करुवाएक अहे, काले कि तोहरेमन मोर छउवामन नियर अहा जेमन से मोंय सचमुच में प्रेम करोना।

2 कुरिनथियनमन 7:15

आउर जब उके याइद आवेला कि तोहरे सोउबमन आगयाकारी अहा, आउर कइसन तोहरे डराते आउर थरथराते उकर से भेंट करला, तो तोहर खातिर उकर प्रेम आउर हें बाइढ़ जायला।

इफिसियनमन 6:5

हे धांगरमन, जेमन दुनिया में तोहर मालिक हेकैं, उ मनक ईमानदारी आउर सच्चाई केर साथ आदर आउर सम्मान करा, जइसन मसीह केर आदर आउर सम्मान कराला।

फिलिप्पियनमन 1:27

तोहरे सिरिफ एतना करा कि तोहर चाइल-चलन मसीह केर शुभ समाचार केर लायक होवोक। चाहे मोंय आय के तोहरेमन के देखमूँ, चाहे नी हों आमूँ, तो तोहरे केर बारे में एहे सुनमूँ कि तोहरेमन एक हें मन होई के स्थिर अहा, आउर एक संग मिल के शुभ समाचार में बिसवास लगिन मेहनइत करते रहाला।

फिलिप्पियनमन 1:29

इ सोउब दया मसीह केर चलते तोहर उपरे होलक कि तोहरे ना सिरिफ उकर उपरे बिसवास करा, मगर उकर लगिन दुःख हों उठावा।

फिलिप्पियनमन 1:5

काले कि तोहरेमन आदमीमन के यीशु मसीह केर बारे में शुभ समाचार बताएक में मोर मदइत काइर हा। इ काम के तोहरे जे दिन यीशु मसीह केर बारे में शुभ समाचार उपरे बिसवास करला सेहे दिन से कराथा, आउर एखन तक करते आवाथा।

फिलिप्पियनमन 1:6

आउर मोके इ गोइठ केर भरसा अहे कि परमेश्‍वर जे तोहर में बेस काम शुरु काइर हे, ओहे उके यीशु मसीह केर घूइर आवेक दिन तक पूरा करी।

फिलिप्पियनमन 2:19

मोके प्रभु यीशु में आसरा अहे कि मोंय तीमुथियुस के तोहर ठिना तुरते भेजमूँ, होले तोहर दशा सुइन के मोंय खुश होमूँ।

फिलिप्पियनमन 4:1

इ लगिन हे मोर बिसवासी भाईमन, मोंय तोहरे से ढेइर प्रेम करोना आउर तोहरे से भेंट करेक केर आसरा कराथों तोहरेमन मोर खुशी आउर मुकुट हेका। हे दुलारा भाईमन, प्रभु उपरे बिसवास में स्थिर रहा।

फिलिप्पियनमन 4:15

हे फिलिप्पी शहर केर आदमीमन, तोहरेमन खुद हें जानाला कि शुभ समाचार परचार केर शुरु में जब मोंय मकिदुनिया परदेस से चाइल गेलों तब तोहरेमन के छोइड़ आउर कोनों कलीसिया लेवेक-देवेक केर बारे में मोर मदइत नी करलक।

1थिस्सलुनीकियनमन 1:3

आउर जब हमरे अपन परमेश्‍वर से प्रार्थना करिला, तो तोहरे केर उ काम के जेके बिसवास से कराला, आउर दोसरमन केर परती प्रेम देखाएक लगिन कठिन मेहनइत कराला, आउर यीशु मसीह केर घूइर आवेक केर आसरा से दुःख में तोहरेमन केर धीरज के लगातार याइद करिला।

2 तीमुथियुस 2:10

जेमन के परमेश्‍वर चुइन हे, मोंय उमन केर फायदा लगिन सोउब रकम केर दुःख सहोना। ताकि उमन हों यीशु मसीह उपरे बिसवास करोक आउर छुटकारा पाओक, आउर उ महिमा के पाओक जे जुग-जुग लगिन अहे।

इब्रानीमन 12:1

से लगिन जबकि ढेइर आदमीमन केर जिंदगी से बिसवास केर गवाही मिल हे, जे एगो बड़का भीड़ नियर हमर चाइरो आरा अहे, तो आवा हमरे हरेक रोकेक वाला चीज, आउर फँसाएक वाला पाप के दूर काइर के, उ डहर में धीरज से चलब जेकर में हमरे के चलेक अहे।

इब्रानीमन 4:1

इ लगिन जबकि परमेश्‍वर हमरे के आराम केर ठाँव में जाएक ले करार काइर हे, तो हमरे के ढेइर सावधान रहेक चाही, ताकि तोहर में से केऊ उ आराम केर ठाँव में जाएक केर मोका से छूइट ना जाओक।

इब्रानीमन 4:11

से लगिन हमरे के उ आराम केर ठाँव में जाएक लगिन कड़ा मेहनइत करेक अहे, हमर में से केखो उमन नियर नी होवेक चाही, जेमन परमेश्‍वर केर आगया के मानेक से इनकार काइर देलैं, जब हमरे परमेश्‍वर केर आगयामन के मानब तब हें हमरे आराम केर ठाँव में जाएक पारब।

इब्रानीमन 5:9

आउर सिद्ध बाइन के, अपन आगया मानेक वाला सोउब आदमीमन ले जुग-जुग लगिन छुटकारा देवेक वाला बाइन गेलक।

1 पतरस 2:11

हे दुलार भाईमन, तोहरे इ दुनिया में परदेसीमन आउर डहर चलुवामन नियर रहाथा। मोंय तोहर से बिनती करोना कि दुनिया केर उ सोउब बुरा इच्छामन से बचा, काले कि उ तोहर आत्मा केर बिरोध में लड़ते रहेला।

2 पतरस 3:18

मगर हमर प्रभु आउर छुटकारा देवाइया यीशु मसीह केर किरपा आउर गेयान में बढ़ते जावा। उकरे महिमा एखन हों होवोक, आउर युग-युग होते रहोक। आमीन।