फिलिप्पियनमन 2:1 - सादरी नवाँ नियम

¹ अगर मसीह में तोहरेमन उत्साहित अहा, आउर उकर प्रेम से आराम पाय हा। अगर तोहरेमन पवितर आत्मा केर संगे जुड़ल अहा, आउर अगर मसीह तोहरेमन लगिन दया आउर माया से भरल अहे।

फिलिप्पियनमन 2:1 Iomraidhean Croise

लूका 2:25

उ बेरा यरुशलेम शहर में सिमोन नाँव केर एगो धरमी आउर भक्त आदमी रहे। उ मसीह केर आवेक केर आसरा देखत रहे कि उ आय के इसराइली आदमीमन के शांति देवी, आउर पवितर आत्मा उकर संगे रहे।

यूहन्ना 14:18

मोंय तोहरेमन के अनाथ नी छोड़मूँ, मोंय तोहर ठिना फिन घूइर आमूँ।

यूहन्ना 14:27

मोंय तोहरेमन के शांति देई के जाथों, अपन शांति तोहरे के देवाथों, इ उ शांति ना लगे जेके दुनिया देवेला, तोहर जीउ ना घबराओक आउर ना डराओक।

यूहन्ना 17:13

मगर अब मोंय तोर ठिना आवाथों, आउर इ गोइठमन के दुनिया में रहते कहाथों। जेकर से उ मनक मन मोर खुशी से भाइर जाओक।

खास चेलामन केर काम 2:46

आउर उमन रोज दिन एक मन होई के यहूदी मनक मंदिर केर अंगना में जमा होवत रहैं, आउर घर-घर प्रभु भोज में शामिल होवत रहैं आउर खुशी आउर सीधा मन से एके संगे भात खात रहैं।

खास चेलामन केर काम 4:32

आउर चेला मनक इ दल में सोउबमन एक मन आउर एक प्राण रहैं। हिंयाँ तक कि केऊ हों अपन सम्पति के अपन नी कहात रहैं, जे कुछ उ मनक ठिना रहे, उकर में सोउब केर साझा रहे।

रोमानियनमन 5:5

आउर आसरा से लाज नी होवेला, काले कि पवितर आत्मा जेके परमेश्‍वर हमरे के देई हे उकर से परमेश्‍वर केर प्रेम हमर मन में भाइर जाय हे।

रोमानियनमन 8:26

एहे नियर जब हमरे परमेश्‍वर उपरे भरसा करेक में ढेइर कमजोर रहिला तब पवितर आत्मा हमर मदइत करेला, काले कि हमरे नी जानिला कि प्रार्थना का नियर करेक चाही, मगर पवितर आत्मा खुद हें कुंहइक-कुंहइक के जेके बताएक नी पराई, हमर लगिन प्रार्थना करेला।

1 कुरिनथियनमन 12:13

काले कि हमरे सोउब चाहे यहूदी हेकी, चाहे यूनानी, चाहे धांगर, चाहे आजाद अही, हमरे एक हें आत्मा केर द्वारा एक काया होवेक लगिन बपतिस्मा जल संस्कार लेई ही, आउर हमरे सोउब एक हें आत्मा पाय ही।

1 कुरिनथियनमन 15:31

हे बिसवासी भाईमन, जइसन इ पक्का अहे कि मोंय तोहरे उपरे घमंड करोना, काले कि तोहरेमन हमर प्रभु यीशु मसीह केर संगे एक अहा, आउर एहो पक्का अहे कि मोंय रोज दिन माउत केर खतरा में जिंदगी बिताथों।

1 कुरिनथियनमन 3:16

तोहरेमन पक्का जानाला कि तोहरे खुद परमेश्‍वर केर मंदिर हेका, आउर परमेश्‍वर केर आत्मा तोहर में बास करेला।

2 कुरिनथियनमन 13:14

प्रभु यीशु मसीह केर किरपा, आउर पवितर आत्मा केर मेल-मिलाप आउर परमेश्‍वर केर प्रेम तोहरे सोउब केर संगे होते रहोक।

2 कुरिनथियनमन 2:14

परमेश्‍वर केर धन्यबाद होवोक, काले कि हमरे मसीह केर संगे एक होई जाय ही, सेकर चलते उ हमरे के हमेशा अपन संगे अगुवाई करेला, आउर जीत देवेला। आउर परमेश्‍वर हमरे केर जरिया से मसीह केर गेयान केर सुगंध के सोउब जगा फैलायला।

गलातियनमन 4:6

काले कि हमरे उकर बेटा हेकी, से लगिन परमेश्‍वर अपन बेटा केर आत्मा के हमरे केर हिरदय में भेइज हे, जे आत्मा परमेश्‍वर के “हे आबा, हे बाप” कइह के हकायला।

गलातियनमन 5:22

मगर उ गुणमन जे पवितर आत्मा से सिरजेला, इमन हेकैं: प्रेम, आनंद, शांति, धीरज,

इफिसियनमन 4:4

हमरे सोउब एके गो काया में जुड़ल अही, (मतलब कलीसिया में) आउर हमरे सोउब के एके गो आत्मा मिल हे। जब तोहरेमन परमेश्‍वर केर आदमी बनेक लगिन चुनल गेला, तब तोहरे के जे आसरा मिल हे ओहे आसरा हमरेमन के हों मिल हे।

फिलिप्पियनमन 1:8

इकर बारे में परमेश्‍वर मोर गवाह हेके कि मोंय मसीह यीशु केर जइसन प्रेम काइर के तोहरे सोउबमन के देखेक लगिन तरसाथों।

फिलिप्पियनमन 3:3

काले कि असली खतना वाला तो हमरे हें हेकी, जे परमेश्‍वर केर आत्मा केर अगुवाई से भक्ति करिला आउर मसीह यीशु उपरे घमंड करिला, आउर अपन खुद केर काया से करल काम केर उपरे भरसा नी करिला।

कुलुसियनमन 2:2

आउर मोंय तोहरे सोउब के बिसवास में मजबूत करेक चाहोना जेकर से तोहरे प्रेम में एक संगे जोड़ल जबा आउर सच्चाई केर भरपूर समझ में धनवान बाइन जबा आउर परमेश्‍वर आबा केर लुकल गोइठ के जे मसीह हेके जाइन जबा।

कुलुसियनमन 3:12

इ लगिन जबकि परमेश्‍वर तोहरे के अपन पवितर आदमी बनेक लगिन चुइन हे आउर तोहरे से प्रेम करेला, तो तोहरे करुणा करेक वाला, भलाई करेक वाला, दीन बनेक वाला, नरम बनेक आउर सहेक केर शक्ति धारण करा।

इब्रानीमन 6:18

तो फिन हिंयाँ दूई गो गोइठ अहे, उकर करार आउर किरिया जे कहियो नी बदली, जेकर बारे में परमेश्‍वर कहियो झूठ नी बोलेला। इ लगिन हमरे जे परमेश्‍वर ठिना अपन रक्षा करेक ले आय ही आउर जे आसरा उ हमरे के देई हे, उके ढेइर हें उत्साह केर साथ धाइर ही।

1 पतरस 1:2

आबा परमेश्‍वर ढेइर पहिलेहें से तोहरेमन के चुइन लेलक आउर पवितर आत्मा केर द्वारा पवितर करलक। परमेश्‍वर एइसन इ लगिन करलक कि तोहरे यीशु मसीह केर आगया मानबा आउर उकर लोहू से शुद्ध होई जबा। मोंय प्रार्थना करोना कि परमेश्‍वर तोहरे के भरपूरी से किरपा आउर शांति देओक।

1 यूहन्ना 3:24

आउर जे परमेश्‍वर केर आगयामन के मानेला उ परमेश्‍वर में आउर परमेश्‍वर उकर में बनल रहेला। आउर इकरे से हमरेमन जानिला कि उ हमर में बास करेला, काले कि उ हमरे के अपन आत्मा देई हे।

1 यूहन्ना 4:12

परमेश्‍वर के कहियो केऊ नी देखलक, अगर हमरे एक दोसर से प्रेम करब, तो परमेश्‍वर हमर में बनल रही आउर उकर प्रेम हमर में सिद्ध होई जाय हे।

1 यूहन्ना 4:16

हमरेमन बेस लेखे जानिला आउर बिसवास हों करिला कि परमेश्‍वर हमरेमन से प्रेम करेला। परमेश्‍वर प्रेम हेके, आउर जे प्रेम में बनल रहेला उ परमेश्‍वर में बनल रहेला, आउर परमेश्‍वर उकर में बनल रहेला।