फिलिप्पियनमन 1:30 - सादरी नवाँ नियम

³⁰ तोहरेमन के हों ओइसनेहें दुःख उठाएक अहे जइसन तोहरेमन मोके दुःख उठाते देइख रहा, जब मोंय तोहर संगे फिलिप्पी शहर में रहों, आउर एखन हों जे दुःख मोके जेहेल में होवाथे उके सुनाथा।

फिलिप्पियनमन 1:30 Iomraidhean Croise

यूहन्ना 16:33

मोंय तोहरेमन के इ गोइठमन के आगे हें बताय देलों, ताकि तोहरेमन के शांति मिलोक। दुनिया में तोहरेमन के दुःख सहेक होवी, मगर ढाढ़स बाँधा, मोंय दुनिया केर सरदार शैतान के हराय देई हों।”

फिलिप्पियनमन 1:13

हिंयाँ तक कि रोमी महाराजा केर राइज में समूचा पलटन आउर बचल सोउब आदमीमन में इ साबित होई जाय हे कि मोंय मसीह केर सेवक होवेक केर चलते जेहेल में अहों।

कुलुसियनमन 1:29

एहे लगिन मोंय उकर उ महाशक्ति केर मोताबिक, जे मोर में शक्ति केर संगे काम करेला मेहनइत करोना, आउर एइसन करेक लगिन मोंय कठिन मेहनइत हों करोना।

कुलुसियनमन 2:1

मोंय चाहोना कि तोहरेमन जाइन लेवा, कि मोंय तोहरे आउर उमन लगिन जेमन लौदीकिया शहर में अहैं, आउर उ सोउबमन केर लगिन जेमन से मोंय नी भेटाय हों कइसन मेहनइत करोना।

1थिस्सलुनीकियनमन 2:2

मगर तोहरेमन जानाला कि हमरे पहिले फिलिप्पी शहर में दु:ख उठाली आउर हुड़दंग सहली, आउर परमेश्‍वर हमरे के एइसन साहस देलक कि हमरे परमेश्‍वर केर शुभ समाचार के हिंयाँ थिस्सलुनीके शहर में हों भारी बिरोधमन केर होते हुए हों तोहरेमन के सुनाली।

1 तीमुथियुस 6:12

लड़ाई में एगो बेस पलटन नियर जे हार नी मानेला, तोके हों परमेश्‍वर केर उपरे भरसा करेक आउर उकर आगयामन के मानेक नी छोड़ेक चाही, तोंय उ जुग-जुग केर जिंदगी के मजबूती से धाइर ले जेकर लगिन तोंय बोलाल जाय हिस, आउर तोंय ढेइर गवाहमन केर सामने मजबूती से कइह रहिस कि मसीह केर उपरे भरसा करिसला।

2 तीमुथियुस 4:7

मोंय यीशु मसीह केर सेवा करेक में कड़ा मेहनइत काइर हों, जेके करेक लगिन यीशु मसीह मोके देई रहे, मोंय आखरी समय तक बिसवास में बनल अहों।

इब्रानीमन 12:1

से लगिन जबकि ढेइर आदमीमन केर जिंदगी से बिसवास केर गवाही मिल हे, जे एगो बड़का भीड़ नियर हमर चाइरो आरा अहे, तो आवा हमरे हरेक रोकेक वाला चीज, आउर फँसाएक वाला पाप के दूर काइर के, उ डहर में धीरज से चलब जेकर में हमरे के चलेक अहे।

इब्रानीमन 12:4

तोहरेमन केर दुष्ट शक्ति से लड़ेक बेरा एइसन मुठभेड़ नी होई हे कि तोहरे केर लोहू बोइह हे।

प्रकाशितवाक्य 12:11

आउर उमन मेमना केर लोहू केर खातिर आउर अपन गवाही केर बचन केर खातिर, उकर उपरे जीत पालैं, आउर उमन अपन प्राण केर मोह छोइड़ के माउत के अपनाय लेलैं।