फिलिप्पियनमन 1:21 - सादरी नवाँ नियम

²¹ काले कि अगर मोंय जिंदा रहमूँ तो मसीह लगिन रहमूँ, आउर अगर मोइर जामूँ तो इ मोर लगिन आउर हें भला होवी काले कि मोंय मसीह केर संगे रहमूँ।

फिलिप्पियनमन 1:21 Iomraidhean Croise

1 कुरिनथियनमन 1:30

मगर परमेश्‍वर तोहरे के यीशु मसीह में एक काइर हे, जेकर से उ हमरे के अपन गेयान देई हे। आउर परमेश्‍वर हमरे के अपन देखेक में धरमी हों बनायला, यीशु मसीह केर चलते हमरे पवितर बनाल जाय ही आउर यीशु मसीह हमरे के पाप से छुटकारा देई हे।

2 कुरिनथियनमन 5:1

काले कि हमरे जानिला कि जब हमर दूई दिन केर काया, जे धरती में अहे, नाश होई जाई, तो हमरे के परमेश्‍वर बटले स्वरग में एगो एइसन घर मिली, जे हाँथ केर बनाल घर ना लगे मगर सोउब दिन लगिन स्वरग में बनल अहे।

2 कुरिनथियनमन 5:6

से लगिन हमरे सोउब बेरा निसचिंत रहिला, आउर जानिला कि जब तक हमरे काया में अही, तब तक अपन घर जाएक नी पारब जहाँ प्रभु रहेला।

2 कुरिनथियनमन 5:8

इ लगिन हमरे निसचिंत रहिला आउर जब हमरे मोरब तो काया से अलग होई के, प्रभु केर संगे अपन घर में रहेक आउर हें बेस समझिला।

गलातियनमन 2:20

इ एइसन अहे जइसन मोंय मसीह केर संगे क्रूस उपरे मोइर गेलों, आउर अब मोंय जिंदा नी रहलों, बल्कि मसीह मोर में जिंदा अहे। आउर मोंय काया में अब जे जिंदा अहों, तो सिरिफ उ बिसवास से जिंदा अहों, जे परमेश्‍वर केर बेटा उपरे अहे, जे मोर से प्रेम करलक, आउर मोर लगिन खुद के देई देलक।

गलातियनमन 6:14

मगर मोंय क्रूस उपरे चढ़ाल हमर प्रभु यीशु मसीह के छोइड़ आउर कोनों गोइठ में घमंड करेक नी चाहोना। काले कि उकर माउत केर चलते, जे कोनों चीज इ दुनिया केर आदमीमन लगिन किमती अहे, मोर लगिन उकर कोनों कीमत नखे। आउर दुनिया केर आदमीमन केर बिचार से मोर हों कोनों कीमत नखे।

फिलिप्पियनमन 1:20

मोर दिल केर इच्छा आउर आसरा इ हेके कि मोंय कोनोवें गोइठ में नी लजामूँ, मगर मोके मसीह केर बारे में बोलेक केर हिम्मत होवोक, जइसन मोंय आगे हों काइर रहों। चाहे मोंय जिंदा रहमूँ चाहे मोइर जामूँ, मोर पूरा जिंदगी से मसीह केर बड़ाई सोउब बेरा करते रहमूँ।

फिलिप्पियनमन 1:22

मगर, अगर काया में जिंदा रहेक हें मसीह केर काम करेक लगिन फायदा अहे, तो मोंय नी जानोना कि कोन के चुनमूँ।

फिलिप्पियनमन 1:23

मोंय दुयो केर माझे असमंजस में अहों; जीव तो चाहेला कि मोइर के मसीह ठिना जाय के रहमूँ, काले कि इ ढेइर हें बेस हेके।

फिलिप्पियनमन 2:21

काले कि सोउबमन अपन फायदा केर खोजार में रहैना, ना कि यीशु मसीह केर।

कुलुसियनमन 3:4

मसीह जे हमरे के नवाँ जिंदगी देवेला, जब दोबारा इ धरती में घूइर आवी, तब तोहरेमन हों उकर संगे आबा आउर उकर महिमा में शामिल होबा।

प्रकाशितवाक्य 14:13

फिन मोंय स्वरग से इ आवाज के इ कहते सुनलों, “लीख: धाइन हेकैं उ मुरदामन, जे अब से प्रभु में बिसवास करते मोरायना।” पवितर आत्मा कहेला, “हाँ, काले कि उमन अपन सोउब मेहनइत से आराम पाबैं, आउर उमन केर काम उमन केर संगे होई लेवेला।”