मरकुस 1:1 - सादरी नवाँ नियम

¹ इ किताब में परमेश्‍वर केर बेटा, यीशु मसीह केर बारे में शुभ समाचार लिखल अहे।

मरकुस 1:1 Iomraidhean Croise

मत्ती 14:33

इ देइख के जे चेलामन डोंगा उपरे रहैं, ठेहुना टेइक के उकर भक्ति काइर के कहलैं, “सचमुच तोंय परमेश्‍वर केर बेटा हेकिस।”

मत्ती 17:5

उ कहते हें रहे कि एगो चमकीला बदरी उमन के ढाँइप देलक, आउर उ बदरी में से इ शबद सुनालक, “इ मोर दुलार बेटा हेके, जेकर से मोंय खुश अहों, इकर गोइठ के सुना।”

मत्ती 3:17

आउर स्वरग से परमेश्‍वर केर इ आवाज सुनालक, “इ मोर दुलार बेटा हेके, जेकर से मोंय ढेइर खुश अहों।”

मत्ती 4:3

तब शैतान भीरे आय के उकर से कहलक, “अगर तोंय परमेश्‍वर केर बेटा हेकिस, तो इ पखना के कइह दे कि रोटी बाइन जाओक ताकि तोंय उके खाएक पारबे।”

लूका 1:35

स्वरगदूत उके जबाब देलक, “पवितर आत्मा तोर उपरे उतरी, आउर परमप्रधान केर शक्ति तोर उपरे छाँई करी। से लगिन तोर से जे बेटा जनमी, उ पवितर होवी आउर परमेश्‍वर केर बेटा कहाई।

यूहन्ना 1:14

आउर बचन एगो आदमी बनलक आउर उ आदमी किरपा आउर सच्चाई से भाइर के हमर माझे रहलक। आउर हमरे उकर एइसन महिमा देखली, जइसन परमेश्‍वर आबा केर बटे से आवल एकलौता बेटा केर महिमा।

यूहन्ना 1:34

मोंय खुद देखलों आउर तोहरेमन से सच कहाथों कि एहे परमेश्‍वर केर बेटा हेके।”

यूहन्ना 1:49

तब नतनएल उके जबाब देलक, “हे गुरु, तोंय परमेश्‍वर केर बेटा हेकिस आउर इसराइल देस केर राजा हेकिस।”

यूहन्ना 20:31

मगर इमन के इ लगिन लिखल जाय हे कि तोहरेमन उकर उपरे बिसवास करबा कि यीशु हें परमेश्‍वर केर बेटा मसीह हेके, आउर उकर उपरे बिसवास काइर के जुग-जुग केर जिंदगी के पावा।

यूहन्ना 3:16

काले कि परमेश्‍वर दुनिया केर आदमीमन से एइसन प्रेम करलक कि उ अपन एकलौता बेटा के देई देलक, ताकि जे केऊ उकर उपरे बिसवास करी, उ नाश नी होवी मगर जुग-जुग केर जिंदगी पावी।

यूहन्ना 6:69

आउर हमरे बिसवास करिला आउर जानिला कि परमेश्‍वर केर पवितर आदमी तोंय हें हेकिस।”

खास चेलामन केर काम 1:22

मतलब यीशु मसीह के यूहन्ना से बपतिस्मा जल संस्कार लेवेक से लेई के, उके स्वरग में उठाय लेवल जाएक तक इ आदमी हमरे केर संगे प्रभु यीशु केर जी उठेक केर गवाह बनोक।”

खास चेलामन केर काम 13:24

जेकर आवेक से पहिले यूहन्ना इसराइल देस केर सोउब आदमीमन के बतात रहे, ‘पाप करेक छोइड़ देवा आउर बपतिस्मा जल संस्कार लेवा, तब परमेश्‍वर तोहर पापमन के क्षमा करी।’

रोमानियनमन 8:3

काले कि जे काम के मूसा केर नियम हमरे केर पापी स्वभाव केर चलते कमजोर होई के नी करेक पारलक, उके परमेश्‍वर करलक मतलब अपनेहें बेटा के हमरे नियर पापी बनाय के, आउर हमरे केर पापमन लगिन बलिदान होवेक ले भेइज के पापी काया केर बराबइर में, आउर पाप केर बलिदान होवेक लगिन भेइज के, परमेश्‍वर मसीह केर काया में पाप केर दंड देलक।

रोमानियनमन 8:32

परमेश्‍वर अपन नीज बेटा के हों नी बचालक, मगर उके हमरे सोउब केर खातिर दुश्मनमन के जिम्मा देई देलक, तो परमेश्‍वर उ सोउब कुछ के हों हमरे के देवी, जेके देवेक केर करार काइर हे।