लूका 8:8 - सादरी नवाँ नियम

⁸ आउर थोरेक बिहीन बेस भूंई उपरे गिरलक आउर ओंकइर के सौ गुणा फार लानलक।” इ कइह के यीशु जोर से कहलक, “जे केऊ मोर इ गोइठ के धेयान से सुनाथा, उमन से मोंय कहाथों, इकर बारे में समझेक केर कोशिश करा।”

लूका 8:8 Iomraidhean Croise

मत्ती 11:15

जे केऊ मोर इ गोइठ के धेयान से सुनाथा, उमन से मोंय कहाथों कि इकर बारे में समझेक केर कोशिश करा।

मत्ती 13:23

एहे लेखे उपजाऊ भूंई नियर उ आदमी अहे, जेकर उपरे बिहीन गिरलक, उ बचन के सुइन के बुझेला आउर अपन जिंदगी में बढ़ियाँ फार लानेला, जे लेखे बेस बिहीन फार लानेला, केऊ सौ गुणा, केऊ साठ गुणा, आउर केऊ तीस गुणा।”

मरकुस 4:20

आउर एहे लेखे थोरेक आदमीमन उ उपजाऊ भूंई नियर अहैं, जेकर में बिहीन बुनल गेलक, उमन बचन सुइन के उके अपनाय लेवैना आउर अपन जिंदगी में बढ़ियाँ फार लानैना, केऊ तीस गुणा, केऊ साठ गुणा, आउर केऊ सौ गुणा।”

मरकुस 4:23

अगर केऊ मोर इ गोइठ के धेयान से सुनाथा, उमन इकर बारे में समझेक केर कोशिश करा।”

मरकुस 4:8

लेकिन थोरेक बिहीन उपजाऊ भूंई उपरे गिरलक, आउर उ ओंकइर के फूललक-फारलक, आउर केऊ तीस गुणा, केऊ साठ गुणा, आउर केऊ सौ गुणा फार लानलक।”

मरकुस 7:16

जे केऊ मोर इ गोइठ के धेयान से सुनाथा, इकर बारे में समझेक केर कोशिश करा।”

लूका 14:35

उ ना तो भूंई केर काम में आउर ना माइद केर काम में आवी। उके आदमीमन बाहरे फेइक देबैं। जे केऊ मोर इ गोइठ के धेयान से सुनाथा, उमन से मोंय कहाथों, इकर बारे में समझेक केर कोशिश करा।”

लूका 8:15

मगर थोरेक आदमीमन उ उपजाऊ भूंई नियर अहैं, जेमन बचन सुइन के भला आउर ईमानदार मन में जोगाय के रखैना आउर स्थिर रइह के फार लानैना।

लूका 8:7

आउर थोरेक बिहीन काँटा झूँड़ केर माझे गिरलक, आउर काँटा झूँड़ संगे-संगे बाइढ़ के उके दबाय देलक।

इफिसियनमन 2:10

काले कि हमरे परमेश्‍वर केर बनाल हेकी, उ हमरे के यीशु मसीह में उकर भला काममन के करेक लगिन बनाय हे, जे काममन के करेक लगिन परमेश्‍वर हमरे के पहिले से तेयार काइर हे।

कुलुसियनमन 1:10

आउर तोहरे एइसन जिंदगी जियेक पारबा जइसन प्रभु चाहेला, आउर तोहर चाइल-चलन प्रभु केर आदमीमन केर चाइल-चलन नियर होवोक ताकि तोहरेमन सोउब रकम से प्रभु के खुश करबा, आउर तोहरे लगातार सोउब रकम केर अच्छा काम करते रहबा। आउर परमेश्‍वर के जानेक में लगातार बढ़ते जबा।

प्रकाशितवाक्य 13:9

जेमन केर कान अहे उमन धेयान से सुइन लेवा।

प्रकाशितवाक्य 2:11

जेमन केर कान अहे, उमन धेयान से सुइन लेवा कि पवितर आत्मा कलीसिया केर आदमीमन से का कहेला: जे जीत जाई, उके दूसरा मरण से कोनों हानि नी होवी।

प्रकाशितवाक्य 2:7

जेमन केर कान अहे उमन धेयान से सुइन लेवा कि पवितर आत्मा कलीसिया केर आदमीमन से का कहेला। जे जीत जाई, उके मोंय उ जिंदगी केर गाँछ में से जे परमेश्‍वर केर स्वरग लोक में अहे, खाएक लगिन फार देमूँ।

प्रकाशितवाक्य 3:13

जेमन केर कान अहे, उमन धेयान से सुइन लेवा कि पवितर आत्मा कलीसिया केर आदमीमन से का कहेला।

प्रकाशितवाक्य 3:6

जेमन केर कान अहे, उमन धेयान से सुइन लेवा कि पवितर आत्मा कलीसिया केर आदमीमन से का कहेला।