लूका 8:3 - सादरी नवाँ नियम

³ आउर राजा हेरोदेस केर भंडारी खोजा केर जनाना योअन्ना रहे, आउर सूसन्ना आउर ढेइर हें जनानामन रहैं। इमन अपन धन-सम्पति से यीशु आउर उकर खास चेलामन केर सेवा-सुसइर करत रहैं।

लूका 8:3 Iomraidhean Croise

मत्ती 14:1

उ समय इसराइल देस केर एक चौथाई भाग गलील परदेस केर राजा हेरोदेस यीशु केर चमत्कार काममन केर बारे में सुनलक।

मत्ती 14:3

राजा हेरोदेस अपन भाई फिलिप्पुस केर जनाना हेरोदियास केर चलते, यूहन्ना बपतिस्मा जल संस्कार देवेक वाला के धरुवालक आउर उके हँथकड़ी लगुवाय के जेहेल घर में भितरुवाय देई रहे।

मत्ती 14:6

जब राजा हेरोदेस केर जनम दिन आलक, तो उ अपन जनम दिन में एगो भोज रखलक, इ मोका में हेरोदियास केर बेटी नाइच के राजा हेरोदेस के खुश करलक।

मत्ती 2:11

जब उमन उ घर में पोंहइच के भीतरे गेलैं तो उ छउवा के उकर आयो मरियम केर संगे देखलैं आउर ठेहुना टेइक के उकर भक्ति करलैं। तब उमन अपन-अपन थैला खोइल के उके सोना, लोहबान आउर गंधरस के भेंट चढ़ालैं।

मत्ती 20:8

साँझ के अंगूर केर बारी केर मालिक अपन मुनसी से कहलक, ‘कमियामन के बोलाव आउर पाछे आवल कमियामन से लेई के आगे आवल कमियामन तक, सोउब के मजूरी देई दे।’

मत्ती 25:40

तब मोंय राजा उमन के जबाब देमूँ, ‘मोंय तोहर से सच कहाथों कि तोहरेमन जे मोर इ छोट से छोट चेलामन में से केऊ एगो केर संगे एइसन करला, तो तोहरेमन मोर हें संगे करला।’

मत्ती 26:11

गरीब आदमीमन तो तोहरेमन केर संगे सोउब दिन रहबैं, मगर मोंय तोहरेमन केर संगे सोउब दिन नी रहमूँ।

मत्ती 27:55

हूवाँ ढेइर बगरा जनानामन जे गलील परदेस से यीशु केर सेवा करते उकर संगे आय रहैं, उमन हों दूर से इके देखत रहैं।

लूका 24:10

जेमन इ गोइठमन के खास चेलामन के बतालैं, उमन मगदला गाँव केर मरियम, योअन्ना आउर याकूब केर आयो मरियम आउर उ मनक संगे दोसर जनानामन हों रहैं।

यूहन्ना 12:6

यहूदा इ गोइठ इ लगिन नी कइह रहे कि उके गरीब आदमीमन केर चिंता रहे, मगर इ लगिन कइह रहे कि उ चोर रहे। आउर उकर ठिना उ मनक पइसा केर थैला रहत रहे आउर थैला में जे कुछ साजल जात रहे, उ उके निकलाय लेवत रहे।

खास चेलामन केर काम 13:1

अंताकिया शहर केर कलीसिया में परमेश्‍वर केर संदेश के बताएक वाला आउर उपदेस देवेक वाला ढेइर आदमीमन रहैं, उमन में बरनाबास, सिमोन, जेकर दूसरा नाँव नीगर रहे आउर कुरेन शहर केर रहेक वाला लूकियुस, आउर मनाहेम जे चौथाई देस केर राजा हेरोदेस केर संगे-संगे बाइढ़ रहे आउर शाऊल।

2 कुरिनथियनमन 8:9

तोहरेमन हमर प्रभु यीशु मसीह केर किरपा के जानाला कि उ धनी होई के हों तोहरे लगिन गरीब बाइन गेलक, ताकि उकर गरीब बाइन जाएक से तोहरेमन धनी बाइन जबा।

फिलिप्पियनमन 4:22

सोउब पवितर आदमीमन, खास काइर के जे बिसवासीमन महाराजा केर महल में अहैं, तोहरेमन के जोहार कहैना।

1 तीमुथियुस 5:10

आउर उकर नाँव भला काम करेक वाला केर रूप में जानल जायला, जे छउवा पुतामन केर ठीक से पालन-पोषण काइर हे, गोतियामन केर सेवा काइर हे, आउर परेशानी में पड़ल आदमी मनक मदइत काइर हे, आउर सोउब रकम केर भला काम के करेक में मन लगाएक वाला हेके।