लूका 8:2 - सादरी नवाँ नियम

² आउर थोरेक जनानामन हों यीशु केर संगे रहैं, जेमन के यीशु भूतमन से आउर बेमारीमन से ठीक काइर रहे। आउर उ जनानामन इमन हेकैं: मगदला गाँव केर मरियम जे मगदलीनी कहल जात रहे, उकर में से सात गो भूतमन के निकलाय रहे।

लूका 8:2 Iomraidhean Croise

मत्ती 4:24

आउर उकर इ खबर गोटा सीरिया परदेस में फाइल गेलक। आदमीमन सोउब बेमरियामन के जेमन कायनों रकम केर बेमारीमन आउर दुःखमन में जकड़ल रहैं आउर जेमन में भूतमन रहैं, आउर मिरगी गिरेक वालामन आउर लकवा मारल आदमीमन के उकर ठिना लानलैं आउर यीशु उमन के ठीक करलक।

मरकुस 16:1

जब यहूदी मनक आराम केर दिन बीत गेलक, तो मगदला गाँव केर मरियम, याकूब केर आयो मरियम आउर सलोमी बेस महकेक वाला चीजमन के यहूदी रीति केर मोताबिक यीशु केर काया उपरे लगाएक लगिन कीन लानलैं।

मरकुस 16:9

हफ्ता केर पहिला दिन बिहान होते हें यीशु जी उइठ के सोउब से आगे मगदला गाँव केर मरियम के देखाई देलक। यीशु उकर में से सात गो भूतमन के निकलाय रहे।

लूका 23:27

आदमी मनक बड़का भीड़ हों उकर पिछे-पिछे जात रहे आउर उमन में जनानामन हों रहैं, जे उकर लगिन छाती पीट-पीट के काँदत रहैं।

लूका 23:49

यीशु केर सोउब जान-चिन्हार आदमीमन थोरेक दूर में ठड़ाय रहैं, उमन में जनानामन हों रहैं जे गलील परदेस से उकर संगे आय रहैं, उमन इ सोउब घटना के देखत रहैं।

लूका 23:55

जे जनानामन यीशु केर संगे गलील परदेस से आय रहैं, उमन यूसुफ केर पिछे-पिछे जाय के उ कबर के देखलैं, आउर एहो कि उकर लाश का लेखे रखल जाय हे।

लूका 8:30

यीशु भूत से पूछलक, “तोर का नाँव हेके?” उ कहलक, “मोर नाँव फौज हेके।” काले कि उ आदमी में ढेइर भूतमन रहैं।

यूहन्ना 19:25

यीशु केर क्रूस ठिना उकर आयो, उकर आयो केर बहिन, क्लोपास केर जनाना मरियम आउर मगदला गाँव केर मरियम ठड़ाय रहैं।

खास चेलामन केर काम 1:14

इमन अक्सर इ ठाँव में जमा होवत रहैं। हिंयाँ थोरेक जनानामन आउर यीशु केर आयो मरियम आउर उकर भाईमन केर संगे एक मन होई के प्रार्थना करत रहैं।