लूका 8:1 - सादरी नवाँ नियम

¹ इकर पाछे यीशु नगर-नगर आउर गाँव-गाँव में परचार करेक, आउर परमेश्‍वर केर राइज केर शुभ समाचार के घुइम-घुइम के सुनाएक लगलक। आउर उकर बारह खास चेलामन उकर संगे रहैं।

लूका 8:1 Iomraidhean Croise

मत्ती 11:1

यीशु अपन बारह खास चेलामन के आगया देवेक केर पाछे, हूवाँ से उ मनक नगरमन में उपदेस देवेक आउर परचार करेक ले चाइल गेलक।

मत्ती 13:19

जे केऊ परमेश्‍वर केर राइज केर बचन के सुइन के नी बुझेला, उ आदमी डहर किनारे केर भूंई नियर अहे, उके जे कोनों बचन बताल जाय रहे, शैतान आय के उकर मन से बचन के निकलाय देवेला आउर उ बुझेक नी पारेला।

मत्ती 4:23

आउर यीशु गोटा गलील परदेस में घुइम-घुइम के यहूदी मनक प्रार्थना घरमन में उपदेस देते आउर राइज केर शुभ समाचार परचार करते आउर आदमीमन केर हर रकम केर बेमारी आउर कमजोरी के दूर करते रहलक।

मत्ती 9:35

यीशु आउर उकर चेलामन गलील परदेस केर कायनों नगर आउर गाँवमन में घुमत रहैं आउर यीशु यहूदी मनक प्रार्थना घरमन में उपदेस देते रहलक आउर परमेश्‍वर केर राइज केर शुभ समाचार परचार करते आउर हर रकम केर बेमारी आउर कमजोरीमन के दूर करते रहलक।

मरकुस 1:39

तब यीशु गोटा गलील परदेस केर ढेइर नगरमन में गेलक, आउर हूवाँ केर यहूदी मनक प्रार्थना घर में जाय-जाय के परचार करलक आउर भूतमन के हों निकलालक।

लूका 1:80

आउर बालक यूहन्ना बढ़ेक लगलक आउर आत्मा में मजबूत होते गेलक, आउर उ इसराइली आदमीमन केर माझे उपदेस देवेक केर दिन तक सुनसान ठाँव में रहलक।

लूका 20:1

एक दिन यीशु यहूदी मनक मंदिर में आदमीमन के उपदेस देवत रहे आउर शुभ समाचार सुनात रहे, सेहे बेरा धरम केर अगुवामन केर संगे यहूदी मुध पुरोहितमन आउर मूसा केर नियम के सिखाएक वालामन यीशु ठिना आय के ठड़ाय गेलैं।

लूका 4:18

“प्रभु केर आत्मा मोर उपरे अहे, काले कि उ मोके इकर लगिन भेइज हे कि मोंय गरीब आदमीमन के शुभ समाचार सुनामूँ, बंधुवामन के छोड़ामूँ, अंधरामन केर आँइख खोलमूँ आउर दबल-कुचल आदमीमन के आजाद करमूँ,

लूका 9:6

आउर उमन निकइल के गाँव-गाँव में शुभ समाचार सुनाते, आउर हर ठाँव में आदमीमन के ठीक करते फिरलैं।

खास चेलामन केर काम 10:38

परमेश्‍वर ओहे यीशु के जे नासरत नगर केर रहेक वाला रहे, पवितर आत्मा आउर शक्ति से अभिषेक करलक आउर उ चाइरो बटे घुइम-घुइम के आदमीमन केर भलाई करते रहलक, आउर शैतान केर सताल आदमीमन के ठीक करते रहलक, काले कि परमेश्‍वर उकर संगे रहे।

खास चेलामन केर काम 13:32

हमरे तोहरे के उ शुभ समाचार के सुनाइला, जेकर बारे में परमेश्‍वर हमर बाप दादामन से करार काइर रहे।

रोमानियनमन 10:15

आउर इकर से पहिले कि केऊ प्रभु केर बारे में केखो बताई, उके भेजल जाएक जरुरी अहे। एहे लगिन पवितर किताब में लिखल अहे, “उमन केर गोड़ कतइ सुंदर अहे जेमन शुभ समाचार सुनायना!”