लूका 3:3 - सादरी नवाँ नियम

³ आउर यूहन्ना बपतिस्मा जल संस्कार देवेक वाला यरदन नदी केर आसे-पासे केर सोउब इलाका में, आदमीमन केर माझे जाय के इ परचार करेक लगलक कि पाप करेक छोइड़ देवा आउर बपतिस्मा जल संस्कार लेवा, तब परमेश्‍वर तोहर पाप के क्षमा करी।

लूका 3:3 Iomraidhean Croise

मत्ती 3:11

मोंय तो पानी से तोहरेमन के पाप करेक छोड़ेक केर बपतिस्मा जल संस्कार देवोना, मगर जे मोर पाछे आवेक वाला अहे, उ मोर से शक्तिशाली अहे, मोंय उकर जूता उठाएक केर लाएक हों नखों। उ तोहरेमन के पवितर आत्मा आउर आइग से बपतिस्मा देवी।

लूका 1:16

आउर इसराइली आदमीमन में से ढेइर आदमीमन के प्रभु परमेश्‍वर बटे घुराय लानी।

लूका 1:77

आउर प्रभु केर आदमीमन के छुटकारा केर बारे में बताबे, जेकर से उमन के अपन पापमन से क्षमा मिलेला।

लूका 4:1

यीशु पवितर आत्मा से भरल, यरदन नदी से घुरलक, आउर चालीस दिन तक पवितर आत्मा केर सिखाएक से सुनसान ठाँव में घुमत रहलक।

यूहन्ना 1:28

इ गोइठमन यरदन नदी केर पार बैतनिय्याह गाँव में होलक, जहाँ यूहन्ना बपतिस्मा जल संस्कार देवत रहे।

यूहन्ना 3:26

यूहन्ना केर चेलामन उकर ठिना आय के उकर से कहलैं, “हे गुरु, देख, जे आदमी यरदन नदी केर उ पखारी तोर संगे रहे, आउर जेकर बारे में तोंय हमरे के बताय रहिस, उ बपतिस्मा जल संस्कार देवाथे, आउर सोउब आदमीमन उकर ठिना जाएक लाइग हैं।”

खास चेलामन केर काम 13:24

जेकर आवेक से पहिले यूहन्ना इसराइल देस केर सोउब आदमीमन के बतात रहे, ‘पाप करेक छोइड़ देवा आउर बपतिस्मा जल संस्कार लेवा, तब परमेश्‍वर तोहर पापमन के क्षमा करी।’

खास चेलामन केर काम 19:4

पौलुस कहलक, “यूहन्ना उ आदमीमन के बपतिस्मा जल संस्कार देलक, जेमन पाप करेक छोइड़ देलैं आउर परमेश्‍वर बटे आय गेलैं। मगर यूहन्ना आदमीमन से कहलक कि यीशु केर उपरे बिसवास करा, उ मोर पाछे आवेक वाला अहे, आउर उ मसीह हेके।”

खास चेलामन केर काम 22:16

अब काले देरी कराथिस? उठ, अपन पापमन केर क्षमा पावेक लगिन यीशु उपरे बिसवास काइर के बपतिस्मा जल संस्कार ले।’