लूका 3:11 - सादरी नवाँ नियम

¹¹ यूहन्ना बपतिस्मा जल संस्कार देवेक वाला उमन के जबाब देलक, “जेकर ठिना दूई गो झुला अहे, उ एगो के उके देई देवोक, जेकर ठिना नखे आउर जेकर ठिना खाएक अहे ओहो एइसनेहें करोक।”

लूका 3:11 Iomraidhean Croise

मत्ती 25:40

तब मोंय राजा उमन के जबाब देमूँ, ‘मोंय तोहर से सच कहाथों कि तोहरेमन जे मोर इ छोट से छोट चेलामन में से केऊ एगो केर संगे एइसन करला, तो तोहरेमन मोर हें संगे करला।’

लूका 11:41

से लगिन तोहरेमन गरीब आदमीमन के दान देई के, अपन मन के सफा करा, आउर देखा, सोउब कुछ तोहर लगिन ठीक होई जाई।

लूका 18:22

इ गोइठ सुइन के यीशु उकर से कहलक, “तोर में एखन हों एगो गोइठ केर घटी अहे। अपन सोउब कुछ बेइच के गरीबमन के बाँइट दे, अगर तोंय एइसनेहें करबे तो स्वरग में धन मिली, इ काममन के काइर के मोर पिछे होई ले आउर मोर चेला बाइन जा।”

लूका 19:8

जक्कई ठड़ाय के प्रभु यीशु से कहलक, “हे प्रभु, देख, मोंय अपन आधा सम्पति के गरीब आदमीमन के दान काइर देमूँ आउर अगर मोंय केकरो से अन्याय काइर के बगरा मालगुजारी लेई हों, तो उके चाइर गुणा घुराय देमूँ।”

यूहन्ना 13:29

यहूदा ठिना पइसा केर थैला रहत रहे, से लगिन थोरेक चेलामन बुझलैं कि यीशु उकर से इ कहलक, “हमरे के परब लगिन जे कुछ चाही, उके कीन ले,” या “गरीब आदमीमन के थोरेक दान देई दे।”

खास चेलामन केर काम 10:2

उ परमेश्‍वर केर उपरे बिसवास करेक वाला आदमी रहे, उ आउर उकर परिवार केर सोउब आदमीमन परमेश्‍वर से डरात रहैं। उ गरीब यहूदी आदमीमन के ढेइर दान देवत रहे आउर परमेश्‍वर से बराबइर प्रार्थना करत रहे।

खास चेलामन केर काम 10:31

आउर कहेक लगलक, ‘हे कुरनेलियुस! तोर प्रार्थना आउर तोर देवल दान परमेश्‍वर ठिना पोंहइच जाय हे, परमेश्‍वर तोके याइद काइर हे।

खास चेलामन केर काम 10:4

कुरनेलियुस स्वरगदूत के धेयान से देखलक आउर डराय के उकर से कहलक, “हे प्रभु! का हेके” स्वरगदूत उके जबाब देलक, “तोर प्रार्थना आउर तोर देवल दान परमेश्‍वर केर सामने पोंहइच हे, आउर उ तोके याइद काइर हे।

इफिसियनमन 4:28

चोरी करेक वाला फिन चोरी ना करोक, बल्कि उके अपन हाँथ से ईमानदारी से काम करेक चाही, ताकि गरीबमन के देवेक ले उकर ठिना भरपूर चीजमन रहोक।

1 तीमुथियुस 6:17

इ दुनिया केर धनी आदमीमन के आगया दे कि उमन घमंडी ना बनोक आउर जल्दी सिराएक वाला धन उपरे आसरा ना राइख के परमेश्‍वर उपरे आसरा रखोक, जे हमर सोउब जरुरत केर चीजमन के भरपूर देवेला।

1 तीमुथियुस 6:18

उमन के बेस काम करेक लगिन कह, आउर ढेइर बगरा भलाई करेक लगिन, आउर दयालु बनेक लगिन कह, आउर दोसर आदमीमन के जे कोनों बेस चीजमन केर जरुरत अहे, उ चीजमन के देवेक लगिन तेयार रहोक।

इब्रानीमन 6:10

काले कि परमेश्‍वर भला अहे, उ तोहरे जे काम काइर हा, आउर दोसर बिसवासीमन केर मदइत काइर के परमेश्‍वर के प्रेम देखाय हा उके नी भुलाई। आउर तोहरे एखनो तक उमन केर मदइत करते अहा उखो याइद करी।

याकूब 1:27

हमर आबा परमेश्‍वर केर नजइर में शुद्ध आउर सच्चा भक्ति इ हेके कि अनाथमन आउर बिधवामन केर दुःखमन में उ मनक खेयाल रखेक, आउर खुद के इ दुनिया केर बुरा काममन से बचाय के रखेक।

याकूब 2:14

हे मोर भाईमन, अगर केऊ कही कि मोंय प्रभु यीशु मसीह में बिसवास करोना आउर उ भला काम नी करी तो इकर से उके का फायदा? का एइसन बिसवास कहियो उके बचाएक पारी?

1 यूहन्ना 3:17

मगर जेकर ठिना दुनिया केर धन-सम्पति होवी आउर उ अपन भाई के तंगहाली में देइख के उकर उपरे दया नी करी, तो उकर में परमेश्‍वर केर प्रेम कइसन बनल रहेक पारी?

1 यूहन्ना 4:20

अगर केऊ कही कि मोंय परमेश्‍वर से प्रेम करोना आउर अपन संगी बिसवासी से बैर करी तो उ झूठा हेके। काले कि जे अपन संगी बिसवासी से जेके उ देइख हे प्रेम नी करेला, तो उ परमेश्‍वर से हों जेके उ नी देइख हे प्रेम करेक नी पारी।