लूका 2:9 - सादरी नवाँ नियम

⁹ अचका प्रभु केर एगो दूत उ मनक भीरे आय के ठड़ालक, आउर प्रभु केर तेज रोशनी उ मनक चाइरो बटे चमइक गेलक, आउर उमन मूरखे डराय गेलैं।

लूका 2:9 Iomraidhean Croise

मत्ती 1:20

जब उ इकर बारे में सोचते हें रहे कि परमेश्‍वर केर दूत उके सपना में दिस्तार देई के कहेक लगलक, “हे यूसुफ! राजा दाऊद केर बंश, तोंय अपन मंगेतर मरियम के बिहा काइर के अपन ठिना लानेक से ना डराव, काले कि जे उकर गर्भ में अहे, उ पवितर आत्मा केर शक्ति से अहे।

लूका 1:28

स्वरगदूत उकर ठिना भीतरे आय के कहलक, “मरियम तोके मोर जोहार, तोर उपरे परमेश्‍वर केर ढेइर दया होई हे, उ तोर संगे अहे।”

लूका 2:8

आउर उ इलाका में थोरेक चरवाहामन रहैं, जेमन राइत के मैदान में डेरा काइर के अपन झूँड़ केर पहरा देवत रहैं।

लूका 24:4

उमन इ सोउब देइख के ताजुब होवत रहैं, सेहे बेरा दूई गो मरदानामन चमचमाते लुगा पिंधल उ मनक ठिना आय के ठड़ालैं।

यूहन्ना 12:41

यशायाह इ गोइठमन के इ लगिन बतालक कि समय से आगे यीशु केर महिमा देइख रहे, आउर उकर बारे कइह रहे।

खास चेलामन केर काम 12:7

अचका प्रभु केर एगो स्वरगदूत पतरस केर भीरे आय के ठड़ालक आउर पूरा कोठरी में इंजोत होई गेलक। आउर पतरस के थपथपाय के जगालक आउर कहलक, “जल्दी उठ!” आउर उकर हाँथ से सिकड़ तुरते खुइल के गिर गेलक।

खास चेलामन केर काम 27:23

काले कि परमेश्‍वर जेकर मोंय सेवक हेकों, आउर जेकर भक्ति करोना, उकर स्वरगदूत आइज राइत मोर ठिना आय के कहलक,

खास चेलामन केर काम 5:19

मगर राइत के प्रभु केर एगो स्वरगदूत जेहेल घर केर दुरा खोइल के उमन के बाहरे लाइन के कहलक,

2 कुरिनथियनमन 3:18

जब हमरे सोउब केर चेहरा से परदा उइठ जायला, तो उ चेहरा से प्रभु केर चमक चमकेला, जइसन कि आयना में दिसेला, तब परमेश्‍वर हमरे के चमकदार से चमकदार महिमा में बदलते जायला, इ प्रभु केर काम हेके जे पवितर आत्मा हेके।

2 कुरिनथियनमन 4:6

इ लगिन कि परमेश्‍वर कहलक, “अंधार में से इंजोत चमकोक,” आउर ओहे परमेश्‍वर हमरे के हमर हिरदय में दीया नियर समझ के देलक, ताकि हमरे परमेश्‍वर केर महिमा के देखेक पारली, जे यीशु मसीह में दिसेला।

1 तीमुथियुस 3:16

आउर इकर में शंका नखे कि परमेश्‍वर जे शिक्षामन के खोइल देई हे, उ पूरा पुरी सच्चा अहे। मतलब, उ जे आदमी केर रूप में दिस्तार होलक, आउर उके पवितर आत्मा बटले परमेश्‍वर केर बेटा केर रूप में साबित करल गेलक, स्वरगदूतमन उके देखलैं, चेलामन दुनिया केर सोउब देस में उकर बारे में आदमीमन के खुश खबरी सुनालैं, दुनिया भइर केर आदमीमन उकर उपरे बिसवास करलैं, आउर परमेश्‍वर उके उपरे स्वरग में उठाय लेलक।

इब्रानीमन 12:21

हिंयाँ तक कि मूसा हों कहलक, “इ दर्शन एइसन डरडरा अहे कि मोंय ढेइर डरावना आउर थरथरावना हों।”

प्रकाशितवाक्य 18:1

इकर पाछे मोंय एगो स्वरगदूत के स्वरग से उतरते देखलों, जेकर ठिना ढेइर शक्ति रहे आउर धरती उकर तेज रोशनी से चमइक गेलक।

प्रकाशितवाक्य 20:11

फिन मोंय एगो बड़का चरका सिंहासन आउर उके जे उकर उपरे बाइठ रहे, देखलों। उकर सामने से धरती आउर आकाश भाइग गेलैं, आउर उमन केर कहीं पता नी चललक।