लूका 16:3 - सादरी नवाँ नियम

³ तब भंडारी अपन मन में सोचेक लगलक, ‘अब मोंय का करमूँ? मोर मालिक मोके भंडारी केर काम से निकलाय देवाथे, मोर काया में माटी कोड़ेक केर ताकत नखे आउर मोके भीख माँगेक हों लाज लगेला।

लूका 16:3 Iomraidhean Croise

मत्ती 20:8

साँझ के अंगूर केर बारी केर मालिक अपन मुनसी से कहलक, ‘कमियामन के बोलाव आउर पाछे आवल कमियामन से लेई के आगे आवल कमियामन तक, सोउब के मजूरी देई दे।’

मरकुस 10:46

यरुशलेम शहर बटे जाएक बेरा यीशु आउर उकर चेलामन यरीहो शहर में आलैं। जइसनेहें यीशु आउर उकर चेलामन आउर एगो बड़का भीड़ यरीहो शहर से निकलत रहे, ओहे बेरा तिमाई केर बेटा बरतिमाई जे कि अंधरा रहे सड़क केर किनारे बाइठ के भीख माँगत रहे।

लूका 12:17

तब उ सोचेक लगलक, ‘मोंय अब का करमूँ? मोर ठिना तो अपन सोउब उपज के रखेक लगिन बड़का ठाँव नखे।’

लूका 16:2

से लगिन धनी आदमी भंडारी के बोलाय के कहलक, ‘मोंय तोर बारे में का गोइठ सुनाथों? तोंय मोर पइसा से का काइर हिस, इकर हिसाब दे, काले कि अब से आगे तोंय मोर भंडारी केर काम नी करबे।’

लूका 16:20

आउर लाजर नाँव केर एगो गरीब आउर घावाहा आदमी रहे, उके आदमीमन रोज दिन उकर घर केर फाटक ठिना छोइड़ देवत रहैं।

लूका 16:22

आउर एक दिन एइसन होलक कि उ गरीब आदमी मोइर गेलक, आउर स्वरगदूतमन उके लेई के अब्राहम ठिना आदर केर साथ बइठाय देलैं, थोरेक दिन केर पाछे उ धनी आदमी हों मोइर गेलक।

लूका 16:4

अब मोंय जाइन गेलों कि मोके का करेक चाही ताकि जब मोंय भंडारी केर काम से निकलाल जामूँ तो आदमीमन मोर मदइत करबैं।’

लूका 18:4

उ ढेइर दिन तक उकर गोइठ के नी मानलक मगर आखरी में अपन मन में बिचार करलक, ‘मोंय ना तो परमेश्‍वर से डरावना आउर ना कोनों आदमी केर परवाह करोना।

यूहन्ना 9:8

तब पड़ोसीमन आउर उ आदमीमन जेमन आगे उके भीख माँगते देइख रहैं, कहेक लगलैं, “का इ ओहे ना लगे, जे बाइठ के भीख माँगत रहे?”

खास चेलामन केर काम 3:2

आउर आदमीमन एगो जनम से लंगड़ा आदमी के रोज दिन यहूदी मनक मंदिर केर फाटक ठिना जे सुन्दर कहायला लाइन के बइठाय देवत रहैं, ताकि उ मंदिर में जाएक वाला आदमीमन से भीख माँगोक।

खास चेलामन केर काम 9:6

मगर अब उठ आउर नगर में जा। हूवाँ तोके बताय देवल जाई कि तोके का करेक अहे।”

2 थिस्सलुनीकियनमन 3:11

हमरे सुनिला कि तोहर में से थोरेक आदमीमन आलसी अहैं, आउर कोनों काम नी करैना, मगर दोसरमन केर काम के बिगड़ायना।