लूका 16:2 - सादरी नवाँ नियम

² से लगिन धनी आदमी भंडारी के बोलाय के कहलक, ‘मोंय तोर बारे में का गोइठ सुनाथों? तोंय मोर पइसा से का काइर हिस, इकर हिसाब दे, काले कि अब से आगे तोंय मोर भंडारी केर काम नी करबे।’

लूका 16:2 Iomraidhean Croise

मत्ती 12:36

आउर मोंय तोहर से कहाथों कि न्याय केर दिन आदमीमन के अपन मुँह से कहल सोउब बेकार गोइठ केर हिसाब देवेक होवी।

मत्ती 20:8

साँझ के अंगूर केर बारी केर मालिक अपन मुनसी से कहलक, ‘कमियामन के बोलाव आउर पाछे आवल कमियामन से लेई के आगे आवल कमियामन तक, सोउब के मजूरी देई दे।’

लूका 12:20

मगर परमेश्‍वर उकर से कहलक, ‘हे मूरख, एहे राइत तोंय मोइर जाबे। तब जे कोनों तोंय अपन लगिन जमा काइर हिस, उके केहर लेगी?’

लूका 12:42

प्रभु जबाब देलक, “एक बिसवास लाएक आउर बुद्धिमान भंडारी उ हेके, जेके मालिक अपन घर केर धांगरमन के संभराएक, आउर उमन के समय से खाएक देवेक केर जिम्मेदारी देवेला।

लूका 16:1

यीशु अपन चेलामन के फिन एगो कहानी बतालक, “एगो धनी आदमी केर एगो भंडारी रहे, आदमीमन उकर ठिना नालिस करलैं कि तोर भंडारी तोर सम्पति के बरबाद कराथे।

लूका 16:3

तब भंडारी अपन मन में सोचेक लगलक, ‘अब मोंय का करमूँ? मोर मालिक मोके भंडारी केर काम से निकलाय देवाथे, मोर काया में माटी कोड़ेक केर ताकत नखे आउर मोके भीख माँगेक हों लाज लगेला।

रोमानियनमन 14:12

तो फिन, हमर में से हरेक झन के अपन-अपन काम केर हिसाब परमेश्‍वर के देवेक होवी।

1 कुरिनथियनमन 1:11

काले कि हे मोर बिसवासी भाईमन, खलोय केर परिवार केर आदमीमन, मोके तोहर बारे में बताय हैं कि तोहरेमन में झगरा होवाथे।

1 कुरिनथियनमन 4:2

आउर जेके इ काम करेक केर जिम्मा देवल जाय हे, उके इ काम के करेक लगिन बिसवास लायक होवेक चाही।

1 कुरिनथियनमन 4:5

से लगिन जब तक प्रभु घूइर नी आवी केकरो न्याय ना करा, ओहे तो आदमीमन केर लुकल बिचारमन के सफा-सफा बताय देवी जेके केऊ नी जानैना, प्रभु आदमीमन केर मकसद के खोइल देवी, जे उमन केर हिरदय में अहे, तब परमेश्‍वर बटले हरेक झन केर बड़ाई होवी।

2 कुरिनथियनमन 5:10

इ जरुरी अहे कि हमरे सोउब केर हाल मसीह केर फैसला करेक केर कुरसी केर सामने खुइल जाओक, ताकि हरेक आदमी अपन-अपन भला-बुरा काममन केर बदला, जे उ, काया केर जिंदगी में काइर हे, पाओक।

1 तीमुथियुस 4:14

उ गोइठ के याइद रख, जब कलीसिया केर अगुवामन तोर उपरे अपन हाँथ राइख रहैं, आउर परमेश्‍वर अपन बरदान के उमन से भविष्यवाणी करवाय के तोके देई रहे।

1 तीमुथियुस 5:24

मोंय तोर से कहोना सेवकमन के चुनेक लगिन जल्दी ना करबे, काले कि थोरेक आदमीमन खुलेआम पाप करैना, हिंयाँ तक कि न्याय होवेक से पहिलेहें उमन बिसवासीमन केर सामने दोषी होई जायना। लेकिन थोरेक आदमीमन केर पाप ढेइर समय तक नी जानल जायला।

1 पतरस 4:10

हर एक आदमी के आबा परमेश्‍वर बटले बरदान मिल हे, आउर उ बरदान केर इस्तेमाल उके दोसर आदमीमन केर मदइत लगिन करेक चाही। उमन के अपन बरदानमन केर इस्तेमाल एगो बेस सेवक नियर ठीक ढंग से करेक चाही, जेके परमेश्‍वर अपन किरपा केर साथ देई हे।

1 पतरस 4:5

मगर एक दिन उमन जरूर परमेश्‍वर केर सामने फैसला होवेक लगिन ठड़ाबैं आउर परमेश्‍वर उमन में से हर एक झन से उ मनक धरती में करल काममन केर बारे में पूछी। आउर जिंदा आउर मोरलमन केर फैसला करी।

प्रकाशितवाक्य 20:12

फिन मोंय छोट बाड़ सोउब मोरल आदमीमन के सिंहासन केर सामने ठड़ाल देखलों। किताबमन के खोलल गेलक। फिन एक आउर किताब खोलल गेलक, मतलब जिंदगी केर किताब। जइसन उ किताबमन में लिखल रहे, तइसनेहें उ मनक काममन केर मोताबिक मोरल आदमीमन केर फैसला करल गेलक।