लूका 16:1 - सादरी नवाँ नियम

¹ यीशु अपन चेलामन के फिन एगो कहानी बतालक, “एगो धनी आदमी केर एगो भंडारी रहे, आदमीमन उकर ठिना नालिस करलैं कि तोर भंडारी तोर सम्पति के बरबाद कराथे।

लूका 16:1 Iomraidhean Croise

मत्ती 20:8

साँझ के अंगूर केर बारी केर मालिक अपन मुनसी से कहलक, ‘कमियामन के बोलाव आउर पाछे आवल कमियामन से लेई के आगे आवल कमियामन तक, सोउब के मजूरी देई दे।’

लूका 12:42

प्रभु जबाब देलक, “एक बिसवास लाएक आउर बुद्धिमान भंडारी उ हेके, जेके मालिक अपन घर केर धांगरमन के संभराएक, आउर उमन के समय से खाएक देवेक केर जिम्मेदारी देवेला।

लूका 15:13

थोरहें दिन केर पाछे छोटका बेटा अपन सोउब सम्पति के लेई के परदेस चाइल गेलक आउर हूवाँ माउज-मस्ती केर काम में अपन सोउब सम्पति के उड़ाय देलक।

लूका 15:30

मगर जब तोर इ बेटा घूइर आलक, जे तोर सम्पति के बेश्या मनक पिछे उड़ाय देलक, सेकर लगिन तोंय बड़का भोज राइख हिस।’

लूका 16:19

यीशु आउर आगे कहलक, “एगो धनी आदमी रहे, जे महंगा आउर मलमल लुगा पिंधल रहत रहे आउर रोज दिन सुख-चाइन आउर धूम-धाम से रहत रहे।

लूका 16:2

से लगिन धनी आदमी भंडारी के बोलाय के कहलक, ‘मोंय तोर बारे में का गोइठ सुनाथों? तोंय मोर पइसा से का काइर हिस, इकर हिसाब दे, काले कि अब से आगे तोंय मोर भंडारी केर काम नी करबे।’

लूका 19:20

आउर तीसरा हों आय के कहलक, ‘हे मालिक, देख, तोर सोना केर सिक्का इ हेके, जेके मोंय गमछा में बाइंध के राइख रहों।

लूका 8:3

आउर राजा हेरोदेस केर भंडारी खोजा केर जनाना योअन्ना रहे, आउर सूसन्ना आउर ढेइर हें जनानामन रहैं। इमन अपन धन-सम्पति से यीशु आउर उकर खास चेलामन केर सेवा-सुसइर करत रहैं।

तीतुस 1:7

काले कि अगुवा के परमेश्‍वर केर काम सोंपल जाएक केर चलते निरदोष होवेक चाही, उके ना घमंडी, ना तुरते खिसाएक वाला, ना पियंक्कड़, ना मार पीट करेक वाला, आउर ना ही रुपया केर लालची होवेक चाही।

याकूब 4:3

तोहरेमन माँगाला फिन भी तोहरे के नी मिलेला, काले कि तोहरे बुरा इच्छा से माँगाला, ताकि अपन मौज मस्ती में उड़ाय देबा।

1 पतरस 4:10

हर एक आदमी के आबा परमेश्‍वर बटले बरदान मिल हे, आउर उ बरदान केर इस्तेमाल उके दोसर आदमीमन केर मदइत लगिन करेक चाही। उमन के अपन बरदानमन केर इस्तेमाल एगो बेस सेवक नियर ठीक ढंग से करेक चाही, जेके परमेश्‍वर अपन किरपा केर साथ देई हे।