लूका 11:2 - सादरी नवाँ नियम

² यीशु उमन से कहलक, “जब तोहरेमन प्रार्थना करबा, तो इ लेखे करबा: ‘हे हमरे केर आबा परमेश्‍वर, तोर नाँव पवितर मानल जाओक, तोर राइज आवोक।

लूका 11:2 Iomraidhean Croise

मत्ती 10:32

जे केऊ मोके आदमीमन केर सामने माइन लेवी कि उ मोर चेला हेके, तो मोंय हों अपन स्वरगीय आबा केर सामने उके अपन चेला माइन लेमूँ।

मत्ती 3:2

“पाप करेक छोइड़ देवा आउर परमेश्‍वर उपरे बिसवास करा, काले कि स्वरग राइज भीरे आय जाय हे।”

मत्ती 5:16

ओहे लेखे तोहरेमन केर ब्यवहार आदमीमन केर सामने चमकोक जेकर से उमन तोहरेमन केर भला काममन के देइख के तोहरेमन केर आबा केर, जे स्वरग में अहे, बड़ाई करोक।

लूका 11:1

एक बेर यीशु कोनों ठाँव में प्रार्थना करत रहे, आउर जब उ प्रार्थना काइर के सिरालक, तो अपन चेलामन में से एगो उकर से कहलक, “हे प्रभु, जइसन यूहन्ना अपन चेलामन के प्रार्थना करेक सिखालक, तइसनेहें हमरे के हों तोंय सिखाय दे।”

रोमानियनमन 1:7

तोहरे सोउबमन केर नाँव में मोंय चिट्ठी लिखाथों जेमन रोम देस में रहाला आउर परमेश्‍वर तोहरे के प्रेम करेला, आउर तोहरे के अपन पवितर आदमी बनेक लगिन बोलाय हे। हमर आबा परमेश्‍वर आउर प्रभु यीशु मसीह बटले तोहरे के किरपा आउर शांति मिलते रहोक।

रोमानियनमन 8:15

तोहरेमन के गुलामी केर आत्मा नी मिल हे कि फिन तोहरे परमेश्‍वर से डराबा, मगर पवितर आत्मा तोहरे के परमेश्‍वर केर संतान बनायला, जेकर से हमरे हे आबा कइह के हकाइला।

1 कुरिनथियनमन 1:3

मोंय प्रार्थना करोना कि परमेश्‍वर हमर आबा आउर प्रभु यीशु मसीह तोहरे उपरे किरपा करोक आउर शांति देवोक।

2 कुरिनथियनमन 1:2

मोंय प्रार्थना करोना कि हमरे केर आबा परमेश्‍वर आउर प्रभु यीशु मसीह तोहरेमन उपरे किरपा करोक आउर शांति देवोक।

गलातियनमन 1:4

हमर आबा परमेश्‍वर केर इच्छा केर मोताबिक मसीह यीशु खुद के हमरे केर पापमन केर क्षमा लगिन बलिदान काइर देलक। ताकि हमरे इ दुनिया केर आदमीमन केर बुरा असर से बचल रहब।

इफिसियनमन 1:2

मोंय प्रार्थना करोना कि हमर आबा परमेश्‍वर आउर प्रभु यीशु मसीह केर बटले तोहरेमन के किरपा आउर शांति मिलते रहोक।

फिलिप्पियनमन 1:2

हमर आबा परमेश्‍वर आउर प्रभु यीशु मसीह केर किरपा आउर शांति तोहरेमन के मिलते रहोक।

फिलिप्पियनमन 4:20

हमर आबा परमेश्‍वर केर महिमा जुग-जुग होते रहोक। आमीन।

कुलुसियनमन 1:2

मोंय इ चिट्ठी मसीह केर पवितर आदमीमन के आउर बिसवास लायक भाईमन के लिखाथों, जेमन कुलुस्से शहर में रहैना। हमर आबा परमेश्‍वर बटले तोहरेमन के किरपा आउर शांति मिलते रहोक।

1थिस्सलुनीकियनमन 1:1

इ चिट्ठी मोंय पौलुस आउर सीलास आउर तीमुथियुस बटले हेके। जेके हमरे थिस्सलुनीके शहर केर कलीसिया केर बिसवासीमन केर नाँव में लीख ही, जेमन आबा परमेश्‍वर आउर प्रभु यीशु मसीह में जुड़ल अहैं। मोंय प्रार्थना करोना कि परमेश्‍वर तोहरेमन उपरे किरपा करोक आउर तोहरे के शांति देवोक।

1थिस्सलुनीकियनमन 1:3

आउर जब हमरे अपन परमेश्‍वर से प्रार्थना करिला, तो तोहरे केर उ काम के जेके बिसवास से कराला, आउर दोसरमन केर परती प्रेम देखाएक लगिन कठिन मेहनइत कराला, आउर यीशु मसीह केर घूइर आवेक केर आसरा से दुःख में तोहरेमन केर धीरज के लगातार याइद करिला।

2 थिस्सलुनीकियनमन 2:16

हमरे हमर प्रभु यीशु मसीह से आउर हमर आबा परमेश्‍वर से प्रार्थना करिला, जे हमरे से प्रेम करेला, आउर अपन किरपा से जुग-जुग केर शांति आउर सोउब से बेस आसरा देई हे।

प्रकाशितवाक्य 11:15

जब सातवाँ दूत तुरही फुँकलक, तो स्वरग में से जोर से रकम-रकम केर आवाज इ कहते सुनाई देलक, “दुनिया केर राइज हमर प्रभु केर आउर उकर मसीह केर होई गेलक आउर उ जुग-जुग राइज करी।”

प्रकाशितवाक्य 15:4

हे प्रभु, के तोर से नी डराई आउर तोर नाँव केर महिमा नी करी? काले कि सिरिफ तोंय हें पवितर अहिस। सोउब जाइत केर आदमीमन आय के तोर भीरे आराधना करबैं, काले कि तोर फैसला केर काम दिस्तार होई जाय हे।”

प्रकाशितवाक्य 19:6

फिन मोंय बड़का भीड़ केर नियर आवाज सुनलों। उ आवाज ढेइर पानी केर नियर आउर बदरी केर गरजेक केर नियर रहे। उमन कहलैं, “हाल्लेलूयाह! उकर स्तुति होवोक, काले कि प्रभु हमर परमेश्‍वर सर्वशक्तिमान राइज करेला।

प्रकाशितवाक्य 20:4

फिन मोंय थोरेक सिंहासन देखलों। उ मनक उपरे थोरेक आदमीमन बाइठ रहैं। आउर उमन के फैसला करेक केर अधिकार देवल गेलक। मोंय उमन केर आत्मामन के हों देखलों, जेमन केर मूँड़ यीशु केर गवाही देवेक आउर परमेश्‍वर केर बचन केर परचार केर खातिर काटल जाय रहे, आउर जेमन ना तो उ खूंखार जानवर केर, आउर ना उकर मूर्ति केर पूजा काइर रहैं, आउर ना उकर छाप अपन माथा आउर हाँथ उपरे लेई रहैं। उमन जिंदा होई के मसीह केर संगे हजार बरिस तक राइज करते रहलैं।