लूका 11:1 - सादरी नवाँ नियम

¹ एक बेर यीशु कोनों ठाँव में प्रार्थना करत रहे, आउर जब उ प्रार्थना काइर के सिरालक, तो अपन चेलामन में से एगो उकर से कहलक, “हे प्रभु, जइसन यूहन्ना अपन चेलामन के प्रार्थना करेक सिखालक, तइसनेहें हमरे के हों तोंय सिखाय दे।”

लूका 11:1 Iomraidhean Croise

लूका 10:42

मगर एके गो गोइठ अहे, जे चिंता करेक केर लायक अहे, आउर मरियम इके खोइज लेई हे, आउर इके उकर से केऊ लुटेक नी पारबैं।”

लूका 11:2

यीशु उमन से कहलक, “जब तोहरेमन प्रार्थना करबा, तो इ लेखे करबा: ‘हे हमरे केर आबा परमेश्‍वर, तोर नाँव पवितर मानल जाओक, तोर राइज आवोक।

लूका 6:12

आउर उ दिनमन में यीशु प्रार्थना करेक लगिन पहार उपरे गेलक, आउर परमेश्‍वर से प्रार्थना करेक में राइत भइर बिताय देलक।

लूका 7:13

उकर आयो के देइख के प्रभु के उकर उपरे दया आय गेलक, आउर उकर से कहलक, “ना काँद।”

लूका 7:19

तब यूहन्ना अपन चेलामन में से दूई झन के बोलाय के प्रभु ठिना इ पूछेक लगिन भेजलक, “का तोंय हें आवेक वाला मसीह हेकिस, जेके परमेश्‍वर हमरे के बचाएक ले भेजेक केर करार काइर हे, या हमरे दोसर केर आसरा देखब?”

लूका 9:18

जब यीशु एकले प्रार्थना करत रहे, आउर चेलामन उकर संगे रहैं, तो यीशु उमन से पूछलक, “आदमीमन मोके का कहैना?”

लूका 9:28

इ गोइठमन केर आठ दिन पाछे यीशु, पतरस, याकूब, आउर याकूब केर छोट भाई यूहन्ना के अपन संगे लेई के प्रार्थना करेक लगिन पहार उपरे गेलक।

इब्रानीमन 5:7

यीशु इ दुनिया केर जिंदगी जियेक केर बेरा में जे उके माउत से बचाएक पारत रहे, जोर से हकाय-हकाय के, आउर काइंद-काइंद के उकर से प्रार्थना आउर बिनती करलक आउर आदर केर संगे समर्पण केर चलते उकर सुनल गेलक।

यहूदा 1:20

मगर हे दुलार बिसवासी भाई-बहिनमन, तोहरेमन बगरा पवितर बिसवास में बढ़ोतरी लगिन एक दोसर केर मदइत करते रहा, आउर पवितर आत्मा केर अगुवाई में प्रार्थना करते रहा।