लूका 10:3 - सादरी नवाँ नियम

³ जावा, मोंय तोहरेमन के भेड़ीमन नियर उमन केर माझे भेजाथों, जेमन हड़हामन नियर खतरनाक अहैं।

लूका 10:3 Iomraidhean Croise

मत्ती 10:16

देखा, मोंय तोहरेमन के भेड़ीमन नियर उमन केर माझे भेजाथों, जेमन हड़हामन नियर खतरनाक अहैं। से लगिन तोहरेमन साँपमन नियर चतूर आउर पेरवाँमन नियर सीधा बना।

मत्ती 10:22

तोहरेमन मोर उपरे बिसवास कराला से लगिन आदमीमन तोहरेमन से नफरत करबैं, मगर जे आदमीमन दुःख तकलीफ केर आखरी बेरा तक मोर उपरे भरसा करबैं आउर हार नी मानबैं उमन के परमेश्‍वर बचाय लेई।

मत्ती 7:15

झूठा संदेश देवेक वालामन से सावधान रहबा, उमन भेड़ीमन केर भेष धाइर के तोहर ठिना आवैना, मगर हकीकत में उमन नोकसान पोंहचाएक वाला भेड़ियामन नियर रहैना।

लूका 10:4

तोहरेमन डहर लगिन ना पैसा, ना झोला, ना जूता लेगबा, आउर ना डहर में केखो जोहार करबा।

यूहन्ना 10:12

मगर मजूरी में रखल धांगर, जे ना चरवाहा हेके आउर ना भेड़ीमन केर मालिक हेके, उ हाड़हा के आते देइख के भेड़ीमन के छोइड़ के भाइग जायला। आउर हाड़हा उ मनक झूँड़ में हमला काइर के उमन के तितिर-बितिर काइर देवेला।

यूहन्ना 15:20

जे गोइठ मोंय तोहरेमन के बताय रहों, उके याइद करा। धांगर अपन मालिक से बाड़ नी होवेला, अगर उमन मोके, जे मालिक हेकों सतालैं, तो तोहरेमन के हों सताबैं। अगर उमन मोर बचन के माइन हैं, तो तोहर बचन के हों मानबैं।

यूहन्ना 16:2

उमन तोहरेमन के यहूदी मनक प्रार्थना घरमन में से निकलाय देबैं, हिंयाँ तक कि उ समय आवाथे, जब तोहरेमन के मोराएक वालामन इ बुझबैं कि उमन परमेश्‍वर केर सेवा कराथैं।

खास चेलामन केर काम 20:29

मोंय जानोना कि मोर जाएक केर पाछे झूठा शिक्षा देवेक वाला आदमीमन आबैं आउर बिसवासी आदमीमन के ढेइर नोकसान पोंहचाबैं। उमन एइसन होबैं जइसन फाइर खाएक वाला भेड़ियामन, जे भेड़ीमन के फाइर खायना।

खास चेलामन केर काम 9:16

आउर मोंय उके बतामूँ कि आदमीमन के मोर बारे में बताएक केर चलते उके कइसन-कइसन दुःख उठाएक होवी।”

खास चेलामन केर काम 9:2

आउर उकर से दमिश्क नगर केर यहूदी मनक प्रार्थना घरमन केर नाँव चिट्ठी माँगलक, जेकर में उके इ अधिकार देवल गेलक कि अगर हूवाँ प्रभु यीशु केर डहर में चलेक वाला मरदानामन चाहे जनानामन मिलबैं, तो उ उमन के बाइंध के यरुशलेम शहर लेई आवी।