लूका 10:2 - सादरी नवाँ नियम

² आउर यीशु अपन चेलामन से कहलक, “जइसन खेतमन में अन्न पाइक जाय हे, मगर कटइयामन थोर अहैं। तइसनेहें ढेइर आदमीमन परमेश्‍वर केर संदेश के सुइन के बिसवास करेक ले तेयार अहैं। मगर उमन के परमेश्‍वर केर राइज केर बारे में बताएक लगिन आदमीमन थोर अहैं। से लगिन परमेश्‍वर से प्रार्थना करा कि उ अपन संदेश के बताएक वालामन के भेजोक।

लूका 10:2 Iomraidhean Croise

मत्ती 20:1

यीशु आगे कहलक, “स्वरग केर राइज उ खेत मालिक नियर अहे, जे अपन अंगूर केर बारी में काम करेक लगिन कमियामन के बोलाएक बाड़ बिहाने घर से निकललक।

मरकुस 13:34

मोर धरती के छोड़ेक आउर घूइर आवेक केर तरीका इ लेखे अहे, जइसन एगो आदमी जे परदेस जाएक बेरा अपन घर के छोइड़ जायला, आउर जाएक से आगे अपन धांगरमन के काम बतायला आउर घर केर पहरादार के उकर घूइर आवेक तक जागते रहेक केर आगया देवेला।

मरकुस 16:15

तब यीशु उमन से कहलक, “तोहरेमन समूचा दुनिया में जावा आउर सोउब आदमीमन के इ शुभ समाचार के सुनावा।

मरकुस 16:20

आउर यीशु केर चेलामन सोउब ठाँव में जाय-जाय के आदमीमन केर माझे इ शुभ समाचार केर परचार करलैं, आउर प्रभु यीशु उमन के काम करेक केर शक्ति देलक आउर उ मनक चमत्कार केर काम इ साबित करते गेलक कि उ मनक संदेश सच हेके। आमीन।

लूका 9:1

यीशु फिन बारह खास चेलामन के एक संगे बोलाय के, उमन के सोउब रकम केर भूतमन के निकलाएक, आउर बेमारीमन के दूर करेक केर शक्ति आउर अधिकार देलक।

खास चेलामन केर काम 11:19

स्तिफनुस केर मोराय जाएक केर पाछे, जे बिसवासीमन यरुशलेम शहर के छोइड़ देई रहैं, उमन फिरते-फिरते फीनीके परदेस, साइप्रस टापू आउर सीरिया परदेस अंताकिया शहर तक पोंहइच गेलैं। उमन यहूदी आदमीमन के छोइड़ आउर केखो परमेश्‍वर केर बचन नी सुनात रहैं।

खास चेलामन केर काम 13:2

जब इमन उपास काइर के प्रभु केर भक्ति करत रहैं, तो पवितर आत्मा उमन से कहलक, “मोर उ काम लगिन बरनाबास आउर शाऊल के अलग करा, जेकर लगिन मोंय उमन के बोलाय हों।”

खास चेलामन केर काम 13:4

इ लेखे बरनाबास आउर शाऊल पवितर आत्मा केर चलाएक से अन्ताकिया शहर से सिलूकिया टापू केर नगर तक चाइल गेलैं आउर हूवाँ से जहाज उपरे चाइढ़ के साइप्रस टापू गेलैं।

खास चेलामन केर काम 20:28

से लगिन तोहरे खुद केर आउर उ दल केर रखवाली करा जेकर लगिन पवितर आत्मा तोहरे के अगुवा चुइन हे, ताकि तोहरे परमेश्‍वर केर कलीसिया केर देखभाल करबा, जेके उ अपन बेटा केर लोहू देई के कीन लेई हे।

खास चेलामन केर काम 22:21

आउर प्रभु यीशु मोर से कहलक, ‘चाइल जा, काले कि मोंय तोके सोउब जाइत केर आदमीमन ठिना दूर-दूर तक भेजमूँ।’”

खास चेलामन केर काम 8:4

मगर जे बिसवासी आदमीमन तितिर-बितिर होई जाय रहैं, उमन घुइम-घुइम के शुभ समाचार केर परचार करत रहैं।

1 कुरिनथियनमन 12:28

आउर परमेश्‍वर इ कलीसिया में हमरे के करेक लगिन अलग-अलग काम देई हे, पहिला खास चेलामन, दूसरा परमेश्‍वर केर संदेश के बताएक वालामन, तीसरा उपदेस देवेक वालामन, फिन चमत्कार केर काम करेक वालामन, फिन चंगा करेक वालामन, आउर भलाई करेक वालामन, आउर अगुवाई करेक वालामन, आउर पवितर आत्मा से दोसर-दोसर भाषा बोलेक वालामन।

1 कुरिनथियनमन 15:10

मगर मोंय जे कुछ भी अहों परमेश्‍वर केर किरपा से अहों, आउर उकर किरपा मोर उपरे ढेइर बड़का काम करलक, आउर मोंय यीशु केर चुनल दोसर खास चेलामन से बाइढ़ के मेहनइत हों करलों। फिन भी इ मोर बटले निहीं, मगर परमेश्‍वर केर किरपा से होलक जे मोर उपरे रहे।

2 कुरिनथियनमन 6:1

आउर हमरे जे परमेश्‍वर संगे काम करेक वाला हेकी, तोहरे से अरजी करिला कि उकर किरपा जे तोहर उपरे होई हे, उके बेकार ना जाएक देवा।

फिलिप्पियनमन 2:21

काले कि सोउबमन अपन फायदा केर खोजार में रहैना, ना कि यीशु मसीह केर।

फिलिप्पियनमन 2:25

मगर मोंय इपफ्रुदीतुस के तोहर ठिना भेजेक जरुरी समझलों जे मोर भाई, आउर संगे-संगे काम करेक वाला, आउर शुभ समाचार केर परचार काम में मोर संगे एगो पलटन नियर काम करेक वाला, आउर मोर जरुरत में मदइत करेक लगिन तोहरे बटले भेजल दूत हेके।

फिलिप्पियनमन 2:30

काले कि उ मसीह केर काम लगिन अपन जान केर खतरा उठाय के मौत केर भीरे पोंहइच जाय रहे, ताकि मोर सेवा केर काम में जे मदइत तोहरे दूर रहेक केर चलते नी करेक पारत रहा, उके उ पूरा करोक।

कुलुसियनमन 1:29

एहे लगिन मोंय उकर उ महाशक्ति केर मोताबिक, जे मोर में शक्ति केर संगे काम करेला मेहनइत करोना, आउर एइसन करेक लगिन मोंय कठिन मेहनइत हों करोना।

कुलुसियनमन 4:12

इपफ्रास जे तोहर शहर केर हेके आउर मसीह यीशु केर सेवक हेके, तोहरे के जोहार कहेला। उ सोउब बेरा तोहर लगिन प्रार्थना करते रहेला ताकि तोहरेमन सिद्ध होई के पूरा बिसवास केर संगे परमेश्‍वर केर इच्छा में स्थिर रहा।

1थिस्सलुनीकियनमन 2:9

हे भाईमन, तोहरेमन हमर मेहनइत आउर दुःख के याइद कराला, कि हमरे इ लगिन राइत दिन काम धंधा करते तोहरेमन में परमेश्‍वर केर शुभ समाचार परचार करली, ताकि तोहर में से केकरो उपरे भार ना होवोक।

1थिस्सलुनीकियनमन 5:12

आउर हे भाईमन, हमरे तोहर से बिनती करिला कि जेमन तोहर में मेहनइत करैना, आउर प्रभु में तोहर अगुवा हेकैं, आउर तोहरेमन के शिक्षा देवैना, उमन केर इज्जत करा।

2 थिस्सलुनीकियनमन 3:1

हे भाईमन, आखरी गोइठ इ हेके कि हमर लगिन प्रार्थना करते रहा ताकि हमरे जल्दी हें सोउब ठाँव में प्रभु यीशु मसीह केर संदेश के फैलाएक पारब, आउर आदमीमन इकर उपरे ओइसनेहें बिसवास करोक जइसन तोहरे काइर रहा।

1 तीमुथियुस 4:10

से लगिन हमरे इ जिंदगी के पावेक लगिन कठिन मेहनइत करिला, काले कि हमरे जिंदा परमेश्‍वर उपरे आसरा करिला जे सोउब आदमीमन केर छुटकारा देवाइया हेके, खास काइर के उमन के जेमन उकर उपरे बिसवास करैना।

2 तीमुथियुस 4:5

मगर तोंय सोउब समय खुद के काबू में रख, चाहे तोके कोनोवें दुःख उठाएक काले नी पड़ी, सोउब दुःखमन के सह आउर शुभ समाचार केर परचार लगिन कड़ा मेहनइत कर। एगो परमेश्‍वर केर दास नियर उ सोउब काममन के कर जेके करेक ले परमेश्‍वर तोके जिम्मा सोंइप हे।

फिलेमोन 1:1

इ चिट्ठी मोंय पौलुस आउर भाई तीमुथियुस बटले हेके। मोंय जेहेल में बंद अहों काले कि मोंय यीशु मसीह केर शुभ समाचार केर परचार करोना। इ चिट्ठी के हमर दुलारा संगी आउर संगे काम करेक वाला फिलेमोन के लिखाथों।

इब्रानीमन 3:6

मसीह एगो बेटा नियर परमेश्‍वर केर परिवार में बिसवास लायक अहे, अगर हमरे अपन साहस आउर उ आसरा में बिसवास के बनाय के राखिला, तो हमरे उकर परिवार हेकी।

प्रकाशितवाक्य 2:1

उ मोके एहो कहलक, “इफिसुस शहर केर कलीसिया केर स्वरगदूत के इ संदेश लीख कि मोंय ओहे हेकों जे सात गो तइरगन अपन भतखाइया हाँथ में लेवल अहों आउर सोना केर सात गो दीया रखेक केर खूँटा केर माझे चलोना-फिरोना। मोंय तोके जे कहाथों उके सुन: