यूहन्ना 3:3 - सादरी नवाँ नियम

³ यीशु उके जबाब देलक, “मोंय तोर से सच-सच कहाथों, अगर केऊ नवाँ सिरा से नी जनमी तो उ परमेश्‍वर केर राइज के देखेक नी पारी।”

यूहन्ना 3:3 Iomraidhean Croise

मत्ती 16:17

यीशु उके जबाब देलक, “हे सिमोन योना केर बेटा, तोंय धाइन हेकिस, काले कि इ गोइठ केऊ आदमी बटले नी आय हे, मगर मोर आबा जे स्वरग में अहे, इ गोइठ के तोर उपरे दिस्तार काइर हे।

मत्ती 19:24

मोंय फिन तोहरे से कहाथों, जे लेखे ऊँट के सूई केर टोका में ढूइक के निकलेक कठिन अहे, उकर से हों बगरा धनवान आदमी के परमेश्‍वर केर राइज में ढूकेक कठिन अहे।”

मत्ती 21:31

इ दुयो झन में से केहर आबा केर इच्छा के पूरा करलक?” उमन कहलैं, “बाड़ बेटा” यीशु उमन से कहलक, “मोंय तोहरेमन से सच कहाथों कि मालगुजारी लेवाइयामन आउर बेश्यामन तोहर से आगे परमेश्‍वर केर राइज में ढूकबैं।

मत्ती 5:18

काले कि मोंय तोहरे से सच कहाथों, आकाश आउर धरती मिट जाई तो मिट जाई, मगर मूसा केर नियम में जे गोइठ लिखल अहे, उ जब तक पूरा नी होवी, तब तक उकर में से एको मात्रा या एको बिंदु हों नी मिटी।

मरकुस 10:14

यीशु इ देइख के खिसाय के उमन से कहलक, “छउवामन के मोर ठिना आवेक देवा, उमन के मना ना करा, काले कि जे आदमीमन इ छउवामन नियर बिसवास लायक आउर नरम अहैं, ओहेमन परमेश्‍वर केर राइज में रहबैं।

मरकुस 9:47

आउर एहे लेखे अगर तोर आँइख तोके पाप करुवायला तो उके निकलाय दे। काना होई के हों परमेश्‍वर केर राइज में जाएक तोर लगिन ठीक अहे, मगर दुयो आँइख केर रहते नरक में जाएक ठीक नखे।

यूहन्ना 1:13

उमन ना तो आयो-आबा से, ना आदमी केर इच्छा से आउर ना आदमी केर संतान पावेक केर इच्छा से जनइम हैं, मगर उमन परमेश्‍वर से जनइम हैं।

यूहन्ना 1:5

आउर उ इंजोत अंधार में चमकेला आउर अंधार उके बुताएक नी पारलक।

यूहन्ना 1:51

फिन यीशु उकर से एहो कहलक, “मोंय तोहरेमन से सच-सच कहाथों कि तोहरेमन स्वरग के खोलल आउर परमेश्‍वर केर स्वरगदूतमन के मोंय आदमी केर बेटा केर उपरे उतरते आउर मोर से फिन स्वरग जाते देखबा।”

यूहन्ना 12:40

“परमेश्‍वर उ मनक आँइख के अंधरा काइर देलक, ताकि उमन ना देखोक, आउर उ मनक दिमाग के बंद काइर देलक, ताकि उमन ना बुझोक, कहीं एइसन ना होवोक कि उमन देइख के आउर बुइझ के मोर बटे घूइर आबैं आउर मोंय उमन के ठीक काइर देमूँ।”

यूहन्ना 3:4

नीकुदेमुस उकर से पूछलक, “एगो आदमी जब बूढ़ा होई जाई तो उ कइसन जनम लेवेक पारी? का उ अपन आयो केर गर्भ में दूसरी बेर ढूइक के जनम लेवेक पारी?”

2 कुरिनथियनमन 4:4

आउर उ अबिसवासीमन नी बुझैना, जे मनक बुद्धि के इ दुनिया केर ईश्‍वर शैतान अंधरा काइर देई हे, ताकि उमन मसीह केर महिमा केर बारे में आवेक वाला शुभ समाचार केर इंजोत के देखेक नी पारबैं, जे परमेश्‍वर कइसन अहे इके देखायला।

2 कुरिनथियनमन 5:17

अगर केकरो रिश्ता मसीह केर संगे अहे, तो उ नवाँ सिरजन हेके, पुरना पापी स्वभाव दूर होई गेलक, देखा, नवाँ जिंदगी केर शुरुवात होई गेलक।

गलातियनमन 6:15

काले कि खतना करुवाएक से चाहे नी करुवाएक से कोनों फरक नी पड़ेला, मगर परमेश्‍वर पवितर आत्मा केर शक्ति से तोहरे के एगो नवाँ आदमी बनाय हे, एहे खास गोइठ हेके।

इफिसियनमन 2:1

तोहरेमन ठिना पहिले परमेश्‍वर केर नवाँ जिंदगी नी रहे, तोहरे तो अपन बुरा काममन आउर पापमन केर चलते मोरल आदमीमन नियर रहा।

तीतुस 3:5

आउर हमरे के हमर पाप केर दंड से बचालक, आउर इ धरम केर काममन केर चलते निहीं, जे हमरे खुद करली, मगर अपन दया केर चलते हमरे उपरे किरपा करलक, आउर परमेश्‍वर हमरे के अपन पवितर आत्मा देई के बचालक, जे हमरे केर पापमन के धोई देलक आउर नवाँ जिंदगी आउर नवाँ स्वभाव देलक।

याकूब 3:17

मगर जे गेयान परमेश्‍वर बटले आवेला उ पहिले तो पवितर होवेला, फिन शांति के पतियाएक वाला, कोमल, सभ्य, दया से भरल, बेस फारमन से लादल आउर भेद-भाव आउर कपट नी करेक वाला होवेला।

1 पतरस 1:3

हमर प्रभु यीशु मसीह केर आबा आउर परमेश्‍वर केर धन्यबाद होवोक, जे अपन बड़का दया से आउर प्रभु यीशु मसीह केर मोरल में से जी उठेक केर द्वारा से हमरे के नवाँ जिंदगी देई हे, आउर जुग-जुग केर जिंदगी केर आसरा देई हे।

1 यूहन्ना 2:29

अगर तोहरेमन जानाला कि परमेश्‍वर धरमी हेके, तो एहो जानाला कि जे केऊ उ काम के करेला जे काम परमेश्‍वर केर नजइर में बेस हेके, तो उ परमेश्‍वर केर संतान हेके।

1 यूहन्ना 3:9

जे केऊ परमेश्‍वर केर संतान हेके उ पाप करते नी रहेला, काले कि उकर में परमेश्‍वर केर स्वभाव अहे। आउर उ पाप करबे नी करी काले कि उ परमेश्‍वर से जनइम हे।

1 यूहन्ना 5:1

जे केऊ इ बिसवास करेला कि यीशु हें मसीह हेके उ परमेश्‍वर केर संतान हेके। आउर जे केऊ आबा परमेश्‍वर से प्रेम करेला उ उकर संतानमन से हों प्रेम करेला।

1 यूहन्ना 5:18

हमरेमन जानिला कि जे केऊ परमेश्‍वर केर संतान हेके उ पाप करते नी रहेला, मगर परमेश्‍वर केर बेटा यीशु उकर रक्षा करते रहेला आउर दुष्ट शैतान उके छुवेक हों नी पारेला।

1 यूहन्ना 5:4

काले कि जे केऊ परमेश्‍वर केर संतान हेके, उ दुनिया के जीत लेवेला आउर उ जीत जेकर से दुनिया में जीत मिलेला उ हमरे केर बिसवास हेके।

प्रकाशितवाक्य 3:14

लौदीकिया शहर केर कलीसिया केर स्वरगदूत के इ संदेश लीख: मोंय ओहे हेकों जे आमीन आउर बिसवास लायक आउर सच्चा गवाह हेके। आउर परमेश्‍वर जे कोनों बनाय हे उकर निचोड़ हेके। मोंय तोके जे कहाथों उके सुन: