याकूब 4:5 - सादरी नवाँ नियम

⁵ का तोहरेमन इ सोचाथा कि पवितर किताब बेकार हें कहेला कि जे पवितर आत्मा के उ हमर भीतरे बसाय हे, उ सिरिफ एहे इच्छा रखेला कि हमरे सिरिफ उकरे आराधना करब?

याकूब 4:5 Iomraidhean Croise

यूहन्ना 10:35

जेमन ठिना परमेश्‍वर केर बचन पोहोंचलक, अगर उमन के पवितर किताब में ईश्‍वर कहल जाहे, तो इ गोइठ सच हेके।

यूहन्ना 19:37

फिन पवितर किताब केर एगो आउर ठाँव में इ लिखल अहे, “जेके उमन बेइध हैं, उकर उपरे ओहोमन केर नजइर होवी।”

यूहन्ना 7:42

पवितर किताब में लिखल अहे कि मसीह राजा दाऊद केर बंश से आउर बैतलेहम नगर से आवी जहाँ राजा दाऊद रहत रहे।”

खास चेलामन केर काम 7:9

आउर याकूब केर बेटामन अपन भाई यूसुफ के जलन से मिसर देस जाएक वालामन ठिना बेइच देलैं, मगर परमेश्‍वर उकर संगे रहे।

रोमानियनमन 1:29

से लगिन उमन सोउब रकम केर पाप, बुराई, स्वार्थी आउर घिरना से भाइर गेलैं। आउर उमन हिसिंगा, आउर हत्या, आउर झगरा, आउर झूठ, आउर एक दोसर लगिन बुरा सोच से हों भरल अहैं, आउर चुगली करेक वाला,

रोमानियनमन 9:17

पवितर किताब में लिखल अहे परमेश्‍वर मिसर केर राजा फिरौन से कहलक, “मोंय तोके एहे लगिन राजा बनाय हों कि तोर में अपन शक्ति देखामूँ, आउर मोर नाँव केर परचार गोटा दुनिया उपरे होवोक।”

1 कुरिनथियनमन 6:19

तोहरेमन पक्का जानाला कि तोहर काया पवितर आत्मा केर मंदिर हेके, आउर पवितर आत्मा जे तोहरे के परमेश्‍वर बटले मिल हे, उ तोहर में बसल अहे, आउर तोहरे परमेश्‍वर केर हेका।

2 कुरिनथियनमन 6:16

आउर परमेश्‍वर केर मंदिर केर रिश्ता मूर्तिमन से नखे, काले कि हमरे तो जिंदा परमेश्‍वर केर मंदिर हेकी, जइसन पवितर किताब में परमेश्‍वर कइह हे, “मोंय इ आदमीमन केर संगे रहमूँ आउर उमन केर संगे चलमूँ-फिरमूँ, मोंय उमन केर परमेश्‍वर होमूँ, आउर उमन मोर आदमी होबैं।”

गलातियनमन 3:8

आउर पवितर किताब में ढेइर पहिले इ लिखल अहे कि परमेश्‍वर परजाइत आदमीमन के बिसवास से धरमी ठहराई, पहिलेहें से अब्राहम के इ शुभ समाचार सुनाय देलक कि तोर में सोउब जाइतमन आशीष पाबैं।

तीतुस 3:3

काले कि हमरे हों बिसवासी बनेक से पहिले निरबुद्धि, आउर आगया नी मानेक वाला, आउर भ्रम में पड़ल रही, आउर लगातार रकम-रकम केर बुरा काममन के करत रही, आउर सुख बिलास केर काममन के करेक में बंधाल रही, आउर हमरे अपन समय के दुष्ट काममन के करेक में बितात रही, आउर दोसरमन से हिसिंगा-डाह करेक में जिंदगी के बितात रही, दोसरमन हमरे से नफरत करत रहैं आउर हमरे एक दोसर संगे नफरत करत रही।