याकूब 4:4 - सादरी नवाँ नियम

⁴ हे धोखा देवाइयामन, का तोहरेमन इ नी जानाला कि दुनिया से दोस्ती करेक परमेश्‍वर से बैर करेक हेके? एहे लेखे जे केऊ दुनिया से दोस्ती करेक चाहेला, उ खुद के परमेश्‍वर केर बैरी बनायला।

याकूब 4:4 Iomraidhean Croise

मत्ती 12:39

यीशु उमन के जबाब देलक, “इ जुग केर बुरा आउर ब्यभिचारी आदमीमन चिन्हा देखेक खोजैना, मगर योना परमेश्‍वर केर संदेश के बताएक वाला केर चिन्हा के छोइड़ कोनों आउर चिन्हा उमन के नी देवल जाई।

मत्ती 16:4

इ जुग केर बुरा आउर ब्यभिचारी आदमीमन चिन्हा देखेक खोजैना मगर योना परमेश्‍वर केर संदेश के बताएक वाला केर चिन्हा के छोइड़ आउर कोनों चिन्हा उमन के नी देवल जाई।” आउर यीशु उमन के छोइड़ के चाइल गेलक।

मत्ती 6:24

केऊवे आदमी एके बेरा में दूई गो मालिक केर सेवा करेक नी पारी। उ चाहे तो एगो से बैर आउर दोसर से प्रेम करी, चाहे एगो के माइन करी आउर दोसर के तुच्छ करी। एहे नियर तोहरेमन एके बेरा में परमेश्‍वर आउर धन दुयो केर सेवा नी करेक पारबा।

लूका 19:27

मगर मोर उ बैरीमन के जे नी चाहत रहैं कि मोंय उ मनक राजा बनमूँ, उमन के हिंयाँ लाइन के मोर आगे माइर देवा।’ ”

यूहन्ना 15:19

अगर तोहरेमन दुनिया केर आदमीमन नियर होता, तो दुनिया केर आदमीमन अपन जाइन के मन से प्रेम करतैं, मगर तोहरेमन दुनिया केर आदमीमन से नाता नी रखाला। काले कि मोंय तोहरेमन के दुनिया केर आदमीमन में से चुइन लेई हों। एहे लगिन दुनिया केर आदमीमन तोहरेमन से बैर करैना।

यूहन्ना 17:14

मोंय तोर बचन के उमन के बताय देई हों, आउर दुनिया केर आदमीमन उमन से घिरना करलैं। काले कि जइसन मोर दुनिया से कोनों नाता नखे, तइसनेहें उमन केर हों दुनिया से कोनों नाता नखे।

यूहन्ना 7:7

दुनिया केर आदमीमन तोहरेमन से दुश्मनी नी करबैं, मगर मोर से करबैं, काले कि मोंय उमन केर बिरोध में इ गवाही देवोना कि उ मनक काममन बुरा अहे।

रोमानियनमन 5:10

काले कि जब हमरे परमेश्‍वर केर दुश्मन रही तब उकर बेटा केर माउत केर चलते परमेश्‍वर हमरे से मेल करलक, फिन मेल होई जाएक से मसीह केर जिंदगी केर चलते हमरे के काले नी बचाई?

रोमानियनमन 8:7

काले कि पापी स्वभाव केर कब्जा में रहेक परमेश्‍वर केर दुश्मन बनेक हेके, काले कि पापी स्वभाव ना परमेश्‍वर केर नियम केर अधीन अहे आउर ना कहियो होवी।

1 कुरिनथियनमन 1:20

तो हमरे गेयानवान आदमीमन केर बारे में का कहब? हमरे यहूदी नियम केर जानकार आदमीमन केर बारे में का कहब? हमरे इ दुनिया केर आदमीमन केर बारे में का कहब जेमन गोठियाएक में चलाँक अहैं? परमेश्‍वर उ सोउबमन के मूरख बनाय देई हे आउर उमन केर गेयान के बेकार काइर देई हे।

1 कुरिनथियनमन 1:21

काले कि परमेश्‍वर अपन गेयान से पहिलेहें देइख हे कि दुनिया केर आदमीमन उके अपन गेयान से कहियो नी जानबैं, परमेश्‍वर बिसवास करेक वालामन के बचाएक लगिन हमर शुभ समाचार परचार के इस्तेमाल करलक, जबकि थोरेक आदमीमन इके बेकार गोइठ मतलब मूरख आदमी केर गोइठ समझैना।

गलातियनमन 1:10

इ गोइठ पक्का अहे कि मोंय आदमीमन के खुश करेक निहीं मगर परमेश्‍वर के खुश करेक चाहोना। अगर मोंय अब तक आदमीमन के हें खुश करते रहतो, तो मसीह केर सेवक नी बनतो।

याकूब 1:27

हमर आबा परमेश्‍वर केर नजइर में शुद्ध आउर सच्चा भक्ति इ हेके कि अनाथमन आउर बिधवामन केर दुःखमन में उ मनक खेयाल रखेक, आउर खुद के इ दुनिया केर बुरा काममन से बचाय के रखेक।