याकूब 4:1 - सादरी नवाँ नियम

¹ तोहर माझे लड़ाईमन आउर झगरामन काले होवेला? इ उ स्वार्थी इच्छामन से आवेला जे तोहर अंगमन में लड़ते-भिड़ते रहेला।

याकूब 4:1 Iomraidhean Croise

मत्ती 15:19

काले कि बुरा बिचार, हत्या, दोसर जनाना केर संग संबंध बनाएक, ब्यभिचार, चोरी, झूठा गवाही आउर निंदा आदमी केर मन से हें निकलेला।

यूहन्ना 8:44

तोहर आबा शैतान हेके आउर तोहरेमन उकर इच्छा के हें पूरा करेक चाहाला। उ तो शुरु से हें हत्यारा अहे। आउर उके सच्चाई से कोनों लेना-देना नखे, काले कि सच्चाई उकर में हइये नखे। जब उ झूठ बोलेला, तो अपन स्वभाव केर मोताबिक बोलेला, काले कि उ झूठा हेके आउर झूठ केर आबा हेके।

रोमानियनमन 7:23

मगर मोके अपन काया केर अंगमन में दोसर रकम केर नियम दिसेला, जे उ नियम से लड़ेला, जेके मोर मन परमेश्‍वर केर नियम मानेला, आउर उ शक्ति मोके पाप केर गुलाम बनायला जे एखनो तक मोर काया केर अंगमन में अहे।

रोमानियनमन 7:5

काले कि जब हमरे पापी स्वभाव केर अधिकार से चलाल जात रही, तो पाप केर इच्छामन हमरे केर भीतरे काम करत रहे, आउर इ पापी इच्छामन माउत के लानेक लगिन हमरे केर काया में काम करत रहे।

रोमानियनमन 8:7

काले कि पापी स्वभाव केर कब्जा में रहेक परमेश्‍वर केर दुश्मन बनेक हेके, काले कि पापी स्वभाव ना परमेश्‍वर केर नियम केर अधीन अहे आउर ना कहियो होवी।

गलातियनमन 5:17

काले कि हमरे केर काया केर इच्छामन पवितर आत्मा केर बिरोध में अहे, आउर एहे नियर पवितर आत्मा काया केर इच्छामन केर बिरोध में काम करुवायला, आउर इ दुइयो शक्ति लगातार एक दोसर से लड़ते रहेला, इ लगिन कि जे बेस काममन के तोहरे करेक चाहाला उके करेक पारबा।

कुलुसियनमन 3:5

इ लगिन तोहरे उ बुरा काममन के करेक छोइड़ देवा जे तोहरे केर पापी स्वभाव में जुड़ल अहे। जे इ धरती में अहे मतलब ब्यभिचार, अशुद्ध काम, बुरा बिचार, बुरा लालसा आउर लोभ जे मूर्ति पूजा केर बराबइर अहे।

2 तीमुथियुस 2:23

बे मतलब केर आउर उटपटांग बक-झक से दूर रह, काले कि तोंय जानिसला, उमन से झगरा होवेला।

तीतुस 3:3

काले कि हमरे हों बिसवासी बनेक से पहिले निरबुद्धि, आउर आगया नी मानेक वाला, आउर भ्रम में पड़ल रही, आउर लगातार रकम-रकम केर बुरा काममन के करत रही, आउर सुख बिलास केर काममन के करेक में बंधाल रही, आउर हमरे अपन समय के दुष्ट काममन के करेक में बितात रही, आउर दोसरमन से हिसिंगा-डाह करेक में जिंदगी के बितात रही, दोसरमन हमरे से नफरत करत रहैं आउर हमरे एक दोसर संगे नफरत करत रही।

तीतुस 3:9

मगर तोंय बे मतलब केर उटपटांग बक झक, पुरखामन केर बंशावली, बिरोध आउर झगरामन से दूर रह, जे मूसा केर नियम केर बारे में अहे, काले कि उमन बेकार आउर कोनों फायदा केर ना लगे।

याकूब 1:14

मगर हरेक आदमी अपनेहें मन केर बुरा इच्छा से खिंचाय के आउर फाँइस के लोभाय जायला।

याकूब 4:3

तोहरेमन माँगाला फिन भी तोहरे के नी मिलेला, काले कि तोहरे बुरा इच्छा से माँगाला, ताकि अपन मौज मस्ती में उड़ाय देबा।

1 पतरस 1:14

आउर परमेश्‍वर केर आगया के माना जइसन कि बेस छउवामन अपन आबा केर आगया के मानैना। आउर उ बुरा काममन के ना करा जेके तोहरे उ बेरा करेक चाहत रहा, जब तोहरे परमेश्‍वर केर सच्चाई के नी जानत रहा।

1 पतरस 2:11

हे दुलार भाईमन, तोहरे इ दुनिया में परदेसीमन आउर डहर चलुवामन नियर रहाथा। मोंय तोहर से बिनती करोना कि दुनिया केर उ सोउब बुरा इच्छामन से बचा, काले कि उ तोहर आत्मा केर बिरोध में लड़ते रहेला।

2 पतरस 2:18

जब उमन आदमीमन के गेयान देवैना, तो उमन बेकार आउर घमंड से भरल शबदमन केर इस्तेमाल करैना। उमन आदमीमन के बतायना कि उमन उ लज्जा केर काममन के करेक लगिन आजाद अहैं जेके उमन केर काया करेक चाहेला आउर उमन के फिर से पाप करेक लगिन भरमाय देवैना, जे एखन-एखन दुष्ट जिंदगी से बाइच के निकइल हैं।

2 पतरस 3:3

सोउब से जरुरी गोइठ तोहरे के समझेक चाही कि मसीह केर घूइर आवेक से पहिले एइसन आदमीमन होबैं, जे तोहर मजाक उड़ाबैं, काले कि तोहरे बिसवास कराला कि मसीह फिन से घूइर आवी। उमन आदत से मजबूर होई के बुरा काममन के करबैं।