याकूब 3:2 - सादरी नवाँ नियम

² हमरेमन से कायनों बेर गलती होई जायला। मगर जे केऊ बोलेक में गलती नी करेला ओहे सिद्ध आदमी हेके आउर उ खुद के पूरा काबू करेक पारेला।

याकूब 3:2 Iomraidhean Croise

मत्ती 12:34

हे जहरीला साँप नियर दुष्ट आदमीमन तोहरेमन बुरा होई के कइसन बेस गोइठ कहेक पारबा? काले कि जे गोइठमन मन में भरल अहे, ओहे मुँह से निकलेला।

मत्ती 12:37

काले कि जब परमेश्‍वर न्याय करी तो हरेक आदमी के अपन मुँह से कहल गोइठ केर मोताबिक उके बेकसूर चाहे दोषीदार ठहराई।”

रोमानियनमन 3:10

जइसन कि पवितर किताब में लिखल अहे, “केऊ परमेश्‍वर केर देखेक में धरमी नखे, एक झन हों निहीं।

रोमानियनमन 7:21

इ लेखे मोंय इ नियम के पाओना कि जब भलाई करेक केर इच्छा करोना, तो बुरा काम के हें करोना।

1 कुरिनथियनमन 9:27

मोंय अपन काया के काबू में रखोना ताकि इकर बुरा इच्छामन के पूरा नी करमूँ, कहीं एइसन ना होवोक कि मोंय दोसरमन के शुभ समाचार परचार काइर के खुद हें इनाम पावेक से छूइट जामूँ।

गलातियनमन 3:22

मगर पवितर किताब में लिखल अहे कि इ दुनिया केर सोउब आदमीमन पाप से बंधाल अहैं, ताकि जेमन यीशु मसीह उपरे बिसवास करैना, उमन के परमेश्‍वर उ दान के देवी जेके देवेक केर करार काइर हे।

गलातियनमन 5:17

काले कि हमरे केर काया केर इच्छामन पवितर आत्मा केर बिरोध में अहे, आउर एहे नियर पवितर आत्मा काया केर इच्छामन केर बिरोध में काम करुवायला, आउर इ दुइयो शक्ति लगातार एक दोसर से लड़ते रहेला, इ लगिन कि जे बेस काममन के तोहरे करेक चाहाला उके करेक पारबा।

कुलुसियनमन 1:28

हमरे मसीह केर बारे में परचार काइर के हर आदमी के चेतावनी देवीला, आउर उ समूचा गेयान सहित जेके परमेश्‍वर हमरे के देई हे, सोउब आदमीमन के शिक्षा देवीला। ताकि हमरे इ पक्का करेक पारब कि जब उमन परमेश्‍वर केर भीरे खड़ा होबैं, तो हर केऊ मसीह में एगो मजबूत बिसवासी होवी।

कुलुसियनमन 4:12

इपफ्रास जे तोहर शहर केर हेके आउर मसीह यीशु केर सेवक हेके, तोहरे के जोहार कहेला। उ सोउब बेरा तोहर लगिन प्रार्थना करते रहेला ताकि तोहरेमन सिद्ध होई के पूरा बिसवास केर संगे परमेश्‍वर केर इच्छा में स्थिर रहा।

याकूब 1:26

अगर केऊ खुद के परमेश्‍वर केर भक्त समझेला, आउर अपन जीभ के बुरा गोइठ गोठियाएक से नी रोकेला, तो उ खुद के धोखा देवेला आउर उकर भक्ति बेकार अहे।

याकूब 1:4

आउर धीरज के अपन पूरा काम करेक देवा कि तोहरेमन पोक्ता आउर सिद्ध होई जबा, आउर तोहर में कोनों गोइठ केर घटी ना रहोक।

याकूब 2:10

काले कि जे केऊ समूचा मूसा केर नियम के मानेला, मगर एक हें गोइठ में चुइक जायला तो उ सोउब गोइठमन में दोषी ठहइर चुकलक।

1 पतरस 3:10

काले कि पवितर किताब कहेला, “अगर केऊ अपन जिंदगी केर खुशी लेवेक चाहेला आउर बेस दिन चाहेला तो उके सावधान रहेक चाही कि उ बुरा गोइठमन के ना कहोक आउर उके एइसन गोइठमन के कहेक बंद काइर देवेक चाही जे सच नखे।

1 पतरस 5:10

परमेश्‍वर जे पूरा रीति से किरपा से भरल अहे, उ हमरे के यीशु मसीह केर संगे एक जूट होवेक केर खातिर, स्वरग में उकर जुग-जुग केर महिमा में साझादार होवेक लगिन बोलाय हे। तोहर थोरेक देरी लगिन दुःख सहेक केर पाछे, परमेश्‍वर तोहरे के बेस बनाय देवी ताकि तोहर में कोनों दोष ना रहोक आउर उ तोहर दिल के मजबूत करी आउर उकर उपरे तोहर भरसा के सचमुच में स्थिर बनाय देवी।