याकूब 3:1 - सादरी नवाँ नियम

¹ हे मोर भाईमन, तोहर में से ढेइरमन परमेश्‍वर केर बचन के सिखाएक वाला ना बनबा, काले कि तोहरे जानाला कि हमरे सिखाएक वालामन केर आउर हें कड़ाई से फैसला करल जाई।

याकूब 3:1 Iomraidhean Croise

मत्ती 10:24

चेला अपन गुरु से बाड़ नी होवेला, आउर ना धांगर अपन मालिक से बाड़ होवेला।

मत्ती 23:13

हे ढोंगी मूसा केर नियम के सिखाएक वाला आउर फरीसी दल केर आदमीमन, तोहर उपरे हाय! तोहरेमन आदमीमन केर लगिन स्वरग राइज केर दुरा के बंद काइर देवाला, तोहरेमन खुद हें उकर में नी ढूकाला आउर जेमन ढूकेक खोजैना ओहोमन के ढूकेक नी देवाला।

मत्ती 23:14

हे ढोंगी मूसा केर नियम के सिखाएक वाला आउर फरीसी आदमीमन, तोहर उपरे हाय! तोहरेमन बिधवा जनाना मनक घर के धोखा से लुइट लेवाला आउर खुद के धरमी देखाएक लगिन ढेइर देरी तक प्रार्थना करते रहाला, से लगिन तोहरेमन के बगरा सजा भेटाई।

मत्ती 9:11

इ देइख के फरीसी दल केर आदमीमन यीशु केर चेलामन से कहलैं, “तोहरेमन केर गुरु मालगुजारी लेवेक वालामन आउर पापीमन केर संगे काले खायला?”

लूका 16:2

से लगिन धनी आदमी भंडारी के बोलाय के कहलक, ‘मोंय तोर बारे में का गोइठ सुनाथों? तोंय मोर पइसा से का काइर हिस, इकर हिसाब दे, काले कि अब से आगे तोंय मोर भंडारी केर काम नी करबे।’

लूका 6:37

केखो दोष ना लगावा तो परमेश्‍वर हों तोहरे उपरे दोष नी लगाई। केखो दोषी ना ठहरावा तो परमेश्‍वर हों तोहरेमन के दोषी नी ठहराई, क्षमा करा तो परमेश्‍वर तोहरेमन के हों क्षमा करी।

यूहन्ना 3:10

इ सुइन के यीशु उके जबाब देलक, “तोंय इसराइली आदमीमन केर महान गुरु हेकिस। तोके इ गोइठमन के बुझेक चाही।

खास चेलामन केर काम 13:1

अंताकिया शहर केर कलीसिया में परमेश्‍वर केर संदेश के बताएक वाला आउर उपदेस देवेक वाला ढेइर आदमीमन रहैं, उमन में बरनाबास, सिमोन, जेकर दूसरा नाँव नीगर रहे आउर कुरेन शहर केर रहेक वाला लूकियुस, आउर मनाहेम जे चौथाई देस केर राजा हेरोदेस केर संगे-संगे बाइढ़ रहे आउर शाऊल।

1 कुरिनथियनमन 12:28

आउर परमेश्‍वर इ कलीसिया में हमरे के करेक लगिन अलग-अलग काम देई हे, पहिला खास चेलामन, दूसरा परमेश्‍वर केर संदेश के बताएक वालामन, तीसरा उपदेस देवेक वालामन, फिन चमत्कार केर काम करेक वालामन, फिन चंगा करेक वालामन, आउर भलाई करेक वालामन, आउर अगुवाई करेक वालामन, आउर पवितर आत्मा से दोसर-दोसर भाषा बोलेक वालामन।

2 कुरिनथियनमन 5:10

इ जरुरी अहे कि हमरे सोउब केर हाल मसीह केर फैसला करेक केर कुरसी केर सामने खुइल जाओक, ताकि हरेक आदमी अपन-अपन भला-बुरा काममन केर बदला, जे उ, काया केर जिंदगी में काइर हे, पाओक।

इफिसियनमन 4:11

आउर यीशु मसीह थोरेक आदमीमन के अपन चुनल खास चेला ठहराय के, आउर थोरेक के परमेश्‍वर केर संदेश के बताएक वाला, थोरेक के शुभ समाचार सुनाएक वाला, थोरेक के चरवाहा, आउर थोरेक के उपदेस देवेक वाला ठहराय के देई देलक।

1 तीमुथियुस 1:7

आउर उमन मूसा केर नियम के सिखाएक वाला तो बनेक चाहैना, मगर जे गोइठमन के उमन सिखायना आउर ढेइर जोर देई के सिखायना, उके उमन खुद हें नी बुझैना।

1 तीमुथियुस 2:7

मोंय सच कहाथों, झूठ नी कहाथों, परमेश्‍वर मोके शुभ समाचार केर परचारक, आउर अपन खास चेला बनेक लगिन चुइन हे। उ मोके परजाइत आदमीमन के बिसवास आउर सच्चाई केर बारे में सिखाएक लगिन हों चुइन हे।

2 तीमुथियुस 1:11

इ शुभ समाचार केर लगिन परमेश्‍वर मोके एगो परचार करेक वाला, सिखाएक वाला, आउर एगो खास चेला केर रूप में चुइन हे।

इब्रानीमन 13:17

अपन आत्मिक अगुवामन केर गोइठमन के माना आउर उमन जे कहैना उके करा, काले कि उमन तोहरे के धेयान से देखैना ताकि तोहरे भटइक ना जबा, आउर उमन के अपन सेवा केर बारे में परमेश्‍वर ठिना हिसाब देवेक पड़ी, आउर इ काम के उमन उदास होई के निहीं, बल्कि खुशी से करोक, काले कि उदास होई के करेक वालामन के कोनों फायदा नी होवी।

याकूब 1:16

हे मोर दुलार भाईमन, धोखा ना खावा।

याकूब 1:19

हे मोर दुलारा भाईमन, इ गोइठ के जाइन लेवा कि हरेक आदमी सुनेक लगिन आगे, आउर बोलेक में धीरज धारेक वाला, आउर खिसाएक में धीरे होवोक।

याकूब 3:10

एहे मुँह से हमरे धन्यबाद देवीला आउर एहे मुँह से सराप देवीला। हे मोर भाईमन, एइसन बिलकुल नी होवेक चाही।

1 पतरस 5:3

आउर जे आदमीमन केर जिमेदारी परमेश्‍वर तोहरे के देई हे, उमन केर उपरे अधिकारीमन नियर अधिकार ना जताबा, मगर उमन लगिन एगो बेस उदाहरन बना।