याकूब 1:6 - सादरी नवाँ नियम

⁶ जब तोहरे परमेश्‍वर से माँगाला तो बिसवास से आउर बेगर शंका करले माँगा। काले कि जे शंका करेला उ समुदर केर लहरा लेखे बदलते रहेला, जे हवा से बहेला आउर उछलेला।

याकूब 1:6 Iomraidhean Croise

मत्ती 14:28

पतरस उके जबाब देलक, “हे प्रभु, अगर तोंय हें हेकिस, तो मोके पानी उपरे हींठ के अपन ठिना आवेक केर आगया दे।”

खास चेलामन केर काम 10:20

उइठ के हेंठे जा, भले हें उमन यहूदी ना लगैं, फिन भी तोंय बे फिकिर होई के उमन केर संगे चाइल जा, काले कि मोंय खुद उमन के भेइज हों।”

इफिसियनमन 4:14

ताकि आगे हमरे छउवामन नियर नी रहब, आउर ना उ डोंगा नियर, जे पानी केर लहरा से हिने-हुने उछलत रहेला आउर हवा से कखनों इ दिशा, तो कखनों उ दिशा घूमते रहेला। हमरे के धोखेबाज आदमीमन केर झूठा शिक्षामन से, जे सच्चा नियर लगेला बहकेक नखे।

1 तीमुथियुस 2:8

मोंय चाहोना कि सोउब जगा सभामन में मरदानामन परमेश्‍वर लगिन अपन दुइयो हाँथ के उठाय के बेगर खीस आउर बेगर बक-झक केर प्रार्थना करोक।

इब्रानीमन 10:23

अब आवा हमरे जे आसरा केर बारे में कबूल काइर ही, उके बेगर शंका करले पोक्ता से धाइर रहब, काले कि परमेश्‍वर जे करार काइर हे उके पूरा करेक लगिन सच्चा अहे।

इब्रानीमन 11:6

सिरिफ बिसवास काइर के हें परमेश्‍वर के खुश करल जायला, काले कि परमेश्‍वर ठिना आवेक वालामन के बिसवास करेक चाही कि उ अहे, आउर जेमन उके सच्चाई से खोजैना उमन के उ इनाम देवेला।

इब्रानीमन 13:9

से लगिन रकम-रकम केर आउर अजीब उपदेसमन से ना भरमाय देवल जबा, काले कि तोहरे केर मन लगिन इ भला होवी कि तोहरे परमेश्‍वर केर किरपा से मजबूत बनल रहा, ना कि खाएक केर नियममन के माइन के, जेके माइन के केकरो फायदा नी होलक।

याकूब 1:7

एइसन आदमी इ ना समझोक कि मोके प्रभु से कोनों मिली।

याकूब 5:15

आउर बिसवास से करल प्रार्थना से रोगी चंगा होई जाई आउर प्रभु उके उठाय के ठड़ुवाई देवी। आउर अगर उ पाप हों काइर हे, तो पाप हों क्षमा होई जाई।

2 पतरस 2:17

इ झूठा सिखाएक वालामन उ कुआँ केर सोता नियर बेकार अहैं, जे सूइख जाय हे आउर उ बदरी नियर बेकार अहैं, जे पानी बरसेक से पहिलेहें तेज हवा उके उड़ाय के लेई जायला। परमेश्‍वर उमन लगिन एगो एइसन ठाँव तेयार काइर हे जे पूरा अंधार अहे।