याकूब 1:2 - सादरी नवाँ नियम

² हे मोर भाईमन, जब तोहरेमन में रकम-रकम केर बिपइत आवी, तब तोहरे इके ढेइर खुशी केर गोइठ समझबा।

याकूब 1:2 Iomraidhean Croise

खास चेलामन केर काम 5:41

खास चेलामन महासभा से इ कइह के खुशी मनाते चाइल गेलैं कि हमरे यीशु केर चलते बेइज्जत होवेक केर लायक तो बनली।

रोमानियनमन 5:3

सिरिफ एहे निहीं बल्कि हमरे दुःख में हों आनंद करब, एहे जाइन के कि दुःख से धीरज मिलेला,

फिलिप्पियनमन 1:29

इ सोउब दया मसीह केर चलते तोहर उपरे होलक कि तोहरे ना सिरिफ उकर उपरे बिसवास करा, मगर उकर लगिन दुःख हों उठावा।

फिलिप्पियनमन 2:17

जब मोंय तोहरेमन के शुभ समाचार सुनालों, तो तोहरेमन प्रभु यीशु उपरे बिसवास करला आउर उकर सेवा लगिन अपने आप के बलिदान काइर देला। से लगिन अगर मोके शुभ समाचार सुनाएक खातिर माइर मोराय हों देवल जाय फिन भी मोंय खुश अहों आउर तोहर संगे खुश रहमूँ।

फिलिप्पियनमन 2:18

तइसनेहें तोहरेमन हों खुश होवा, आउर मोर संगे खुशी मनावा।

कुलुसियनमन 1:24

अब मोंय उ दुःखमन केर चलते खुशी मनावना जे तोहर लगिन सहोना, मोंय लगातार अपन काया में पीड़ामन के सहोना जइसन मसीह अपन काया में जे कलीसिया हेके पीड़ा सहलक। मतलब मोंय हों अपन काया में दुःख साइह के कलीसिया केर लगिन पूरा काइर देवोना।

इब्रानीमन 10:34

तोहरेमन कैदीमन केर दुःख में हों दुःखी होला, आउर अपन सम्पति के हों खुशी से लुटेक देला, काले कि तोहरे जानाला कि तोहरे ठिना एखनो उ चीजमन अहे, जेके देवेक केर परमेश्‍वर करार काइर हे, उ चीजमन इ दुनिया केर सम्पति से बगरा बढ़ियाँ अहे आउर जुग-जुग लगिन अहे।

याकूब 1:12

धाइन अहे उ आदमी, जे परीक्षा में स्थिर रहेला, काले कि उ खरा निकइल के जिंदगी केर उ मुकुट के पावी, जेकर करार प्रभु अपन प्रेम करइयामन से काइर हे।

याकूब 1:16

हे मोर दुलार भाईमन, धोखा ना खावा।

याकूब 1:19

हे मोर दुलारा भाईमन, इ गोइठ के जाइन लेवा कि हरेक आदमी सुनेक लगिन आगे, आउर बोलेक में धीरज धारेक वाला, आउर खिसाएक में धीरे होवोक।

याकूब 5:11

देखा, हमरे धीरज धारेक वालामन के धाइन कहिला। तोहरेमन अय्यूब केर धीरज धारेक केर बारे में तो सुइन चुइक हा आउर प्रभु केर बटले उके जे इनाम मिललक उके हों जाइन लेई हा, जेकर से प्रभु केर ढेइर करुणा आउर दया दिसेला।

2 पतरस 2:9

इ सोउब काम के जे आबा परमेश्‍वर बितल दिन में करलक, तो इकर से साफ पता चलेला कि परमेश्‍वर जानेला कि धरमी आदमी के का लेखे परीक्षा से निकलाई आउर दुष्ट आदमीमन के का लेखे फैसला होवेक केर दिन तक सजा देवेक लगिन रखी।

प्रकाशितवाक्य 2:10

जे दुःख तोके झेलेक होवी, उमन से ना डराव। काले कि देख, शैतान तोहर में से थोरेक आदमीमन के जेहेल घर में साजेक वाला अहे, ताकि तोहरेमन परखल जबा, आउर तोहरेमन के दस दिन तक दुःख उठाएक होवी। प्राण देवेक तक बिसवासी रहा, तो मोंय तोहरे के जिंदगी केर मुकुट देमूँ।