यीशु उमन के जबाब देलक, “तोहरेमन पवितर किताब के नी बुझाला, जे मोरेक केर पाछे आदमीमन के जिंदा रहेक केर बारे में बतायला। तोहरेमन एहो नी बुझाला कि परमेश्वर ठिना मोरल आदमीमन के फिन से जिंदा करेक केर शक्ति अहे, से लगिन तोहरेमन भूल में अहा।
यीशु उमन से कहलक, “तोहरेमन पवितर किताब के नी बुझाला, जे मोरेक केर पाछे आदमीमन के जिंदा रहेक केर बारे में बतायला, तोहरेमन एहो नी बुझाला कि परमेश्वर ठिना मोरल आदमीमन के फिन से जिंदा करेक केर शक्ति अहे। से लगिन तोहरेमन भूल में अहा।
तोहरेमन पक्का जानाला कि अन्यायी आदमीमन परमेश्वर केर राइज में जाएक नी पारबैं, धोखा ना खावा, ना बेश्या ठिना जाएक वाला आदमी, ना मूर्ति पूजा करेक वाला, ना दोसर केर जनाना संगे रिश्ता बनाएक वाला, ना लुच्चा, ना दोसर केर मरद संगे रिश्ता बनाएक वाला,
से लगिन हे मोर दुलारामन, जब मोंय तोहर संगे रहों तब तोहरेमन सोउब बेरा परमेश्वर केर आगया के मानते आय हा। तइसनेहें अब मोंय तोहरे से दूर अहों, तो इ आउर हें बगरा जरुरी अहे कि एखन हों उकर आगया के माना। आउर अपन-अपन छुटकारा के पूरा करेक लगिन डराते आउर थरथराते कोशिश करते रहा।
चौकस रहा कि केऊ तोहरेमन के उ गोइठमन से जेकर कोनों कीमत नखे आउर जे बेकार अहे, ना बहकाय लेवोक, जे दुनिया केर रीति-रिवाज केर मोताबिक आदमीमन केर देवल शिक्षा तो हेके, मगर मसीह केर मोताबिक निहीं।
हे मोर भाईमन सुना, का परमेश्वर इ दुनिया केर गरीबमन के नी चुनलक कि उमन बिसवास में धनी आउर उ राइज केर अधिकारी होबैं, जेकर करार परमेश्वर उमन से काइर हे जेमन उकर से प्रेम करैना?
हे मोर भाईमन, तोहर में से ढेइरमन परमेश्वर केर बचन के सिखाएक वाला ना बनबा, काले कि तोहरे जानाला कि हमरे सिखाएक वालामन केर आउर हें कड़ाई से फैसला करल जाई।
हे भाईमन, एक दोसर केर निंदा ना करा। जे अपन भाई केर निंदा करेला चाहे उकर उपरे दोष लगायला तो उ परमेश्वर केर नियम केर निंदा करेला। आउर उकर उपरे दोष लगायला। अगर तोहरेमन परमेश्वर केर नियम केर उपरे दोष लगावला तो तोहरेमन उ नियम केर उपरे चलेक वाला निहीं मगर नियम केर फैसला करेक वाला बनाला।
मगर हे मोर भाईमन, सोउब से बेस गोइठ इ हेके कि किरिया ना खावा, ना स्वरग केर, ना धरती केर, ना कोनों आउर चीज केर, मगर तोहरेमन केर गोइठ हाँ में हाँ, आउर निहीं में निहीं रहोक, ताकि तोहरेमन परमेश्वर केर सजा केर लाएक नी होबा।
