याकूब 1:12 - सादरी नवाँ नियम

¹² धाइन अहे उ आदमी, जे परीक्षा में स्थिर रहेला, काले कि उ खरा निकइल के जिंदगी केर उ मुकुट के पावी, जेकर करार प्रभु अपन प्रेम करइयामन से काइर हे।

याकूब 1:12 Iomraidhean Croise

मत्ती 10:22

तोहरेमन मोर उपरे बिसवास कराला से लगिन आदमीमन तोहरेमन से नफरत करबैं, मगर जे आदमीमन दुःख तकलीफ केर आखरी बेरा तक मोर उपरे भरसा करबैं आउर हार नी मानबैं उमन के परमेश्‍वर बचाय लेई।

मत्ती 25:34

तब मोंय राजा अपन भतखाइया बटे केर आदमीमन से कहमूँ, ‘हे मोर आबा केर धाइन आदमीमन, आवा, स्वरग राइज केर अधिकारी बाइन जावा, जे दुनिया केर शुरु से तोहर लगिन तेयार करल अहे।

लूका 6:22

धाइन अहा तोहरेमन, जब मोंय आदमी केर बेटा केर खातिर आदमीमन तोहरेमन से बैर करबैं, आउर तोहरेमन के निकलाय देबैं, आउर तोहरेमन केर निंदा करबैं, आउर तोहरे केर नाँव के बुरा जाइन के काइट देबैं।

रोमानियनमन 5:4

आउर परमेश्‍वर हमरे के ग्रहण करेला काले कि हमरे धीरज धारेक सीख ही, आउर इ लगिन कि परमेश्‍वर हमरे के ग्रहण करेला, से लगिन हमरे के आसरा अहे।

रोमानियनमन 8:28

आउर हमरे जानिला कि जेमन परमेश्‍वर से प्रेम करैना, उमन लगिन सोउब गोइठमन मिल के भलाई के हें लानेला, मतलब ओहेमन लगिन जेमन उकर इच्छा केर मोताबिक चुनल जाय हैं।

1 कुरिनथियनमन 2:9

जइसन कि पवितर किताब में लिखल अहे, “जे कहियो आँइख से दिस्तार नी देलक, आउर जेके केऊ कहियो नी सुनलैं आउर केऊ कहियो नी बुझलैं, ओहे बेस चीजमन के परमेश्‍वर अपन से प्रेम करइयामन लगिन तेयार काइर हे।”

1 कुरिनथियनमन 8:3

मगर, अगर केऊ परमेश्‍वर से प्रेम करेला तो परमेश्‍वर उके चिन्हेला।

1 कुरिनथियनमन 9:25

आउर हरेक पहलवान अपन काया केर सोउब रकम केर इच्छामन के रोकेला, उ तो एगो मुरझाएक वाला मुकुट के पावेक लगिन इ सोउब के करेला। मगर हमरे तो उ मुकुट के पावेक लगिन मेहनइत करिला जे मुरझाएक वाला नखे।

2 तीमुथियुस 2:15

कड़ा मेहनइत कर ताकि तोंय खुद के परमेश्‍वर केर सामने एइसन आदमी नियर देखाएक पारबे, जेके उ ग्रहण करेला। तोंय एगो एइसन काम करेक वाला बाइन जा, जे बढ़ियाँ से काम करेला। ताकि तोके अपन काम केर चलते लजाएक नी पड़ी, आउर तोंय सच्चा संदेश के ठीक रीति से सिखाते रहबे।

2 तीमुथियुस 4:8

प्रभु मोर लगिन स्वरग में इनाम राइख हे, काले कि मोंय धारमिकता केर जिंदगी जी के उके खुश काइर हों, इ इनाम के हमर प्रभु यीशु मसीह जब उ घूइर आवी तब मोके देवी, जे धरमी आउर फैसला करेक वाला हाकिम हेके। आउर ना सिरिफ मोके भइर इनाम देवी, मगर उ सोउबमन के हों देवी जेमन उकर घूइर आवेक केर बे सबरी से आसरा देखाथैं।

इब्रानीमन 10:32

पिछला दिनमन के याइद करा जब तोहरे सच्चाई के जानला, तब तोहरे ढेइर पीड़ामन के साइह के कठिन दुःख उठाला आउर स्थिर रहला।

इब्रानीमन 11:17

बिसवास से हें अब्राहम, जब परमेश्‍वर उके परखलक तो अपन एकलौता बेटा इसहाक के बलिदान केर रूप में चढ़ाएक लगिन तेयार होलक। जे बेटा केर बारे में परमेश्‍वर अब्राहम से करार काइर रहे, “इसहाक से तोर बंश गिनल जाई,” अब्राहम माइन लेलक कि परमेश्‍वर शक्तिशाली अहे, जे मोरलमन के हों जियायला, आउर उ इसहाक के दोबारा पावेक नियर वापस पाय गेलक।

इब्रानीमन 12:5

का तोहरे बिसवास में उसकाएक वाला परमेश्‍वर केर गोइठमन के, जेके तोहरे के उकर संतानमन नियर देवल जाय हे भुलाय गेला। जब प्रभु तोहरे के इ देखाई कि तोहरे गलती कराथा, तो उकर उपरे ढेइर धेयान देबा, आउर जब उ तोहरे के घुड़की तो हिम्मत ना छोइड़ देबा।

इब्रानीमन 6:15

अब्राहम ढेइर समय तक धीरज धारल केर पाछे करार केर फल पालक।

याकूब 2:5

हे मोर भाईमन सुना, का परमेश्‍वर इ दुनिया केर गरीबमन के नी चुनलक कि उमन बिसवास में धनी आउर उ राइज केर अधिकारी होबैं, जेकर करार परमेश्‍वर उमन से काइर हे जेमन उकर से प्रेम करैना?

याकूब 5:11

देखा, हमरे धीरज धारेक वालामन के धाइन कहिला। तोहरेमन अय्यूब केर धीरज धारेक केर बारे में तो सुइन चुइक हा आउर प्रभु केर बटले उके जे इनाम मिललक उके हों जाइन लेई हा, जेकर से प्रभु केर ढेइर करुणा आउर दया दिसेला।

1 पतरस 3:14

अगर तोहरेमन सही अहा आउर सही काम करेक केर खातिर दुःख हों सहाला, तो परमेश्‍वर तोहरे के आशीष देवी, तइसनेहें करा जइसन परमेश्‍वर केर संदेश के बताएक वाला यशायाह लीख रहे, “उ आदमीमन से ना डरावा, जेमन तोहरे के डरुवायना आउर इ गोइठ केर फिकिर ना करा कि आदमीमन का करेक पारैना।”

1 पतरस 4:13

सिरिफ इकर बारे में खुश रहा, काले कि तोहरे के उ दुःखमन में एक हिस्सा मिल हे जे मसीह के मिल रहे। इकर चलते, जब मसीह सोउब आदमीमन उपरे अपन महिमा के दिस्तार करेक लगिन फिन से आवी, तो तोहर खुशी सच में बाड़ होवी।

1 पतरस 4:14

फिन अगर मसीह केर नाँव लगिन तोहर निंदा करल जायला, तो धाइन हेका, काले कि महिमा केर आत्मा, जे परमेश्‍वर केर आत्मा हेके, तोहर उपरे रहेला।

1 पतरस 5:10

परमेश्‍वर जे पूरा रीति से किरपा से भरल अहे, उ हमरे के यीशु मसीह केर संगे एक जूट होवेक केर खातिर, स्वरग में उकर जुग-जुग केर महिमा में साझादार होवेक लगिन बोलाय हे। तोहर थोरेक देरी लगिन दुःख सहेक केर पाछे, परमेश्‍वर तोहरे के बेस बनाय देवी ताकि तोहर में कोनों दोष ना रहोक आउर उ तोहर दिल के मजबूत करी आउर उकर उपरे तोहर भरसा के सचमुच में स्थिर बनाय देवी।

1 पतरस 5:4

जब यीशु मसीह, जे कि हमरे केर मुध चरवाहा हेके, दोबारा फिन से घूइर आवी, तब तोहरे के एगो इनाम देवी जे कहियो अपन चमक के नी हेराई।

1 यूहन्ना 4:19

हमरेमन इ लगिन प्रेम करिला कि पहिले परमेश्‍वर हमरे से प्रेम करलक।

प्रकाशितवाक्य 2:10

जे दुःख तोके झेलेक होवी, उमन से ना डराव। काले कि देख, शैतान तोहर में से थोरेक आदमीमन के जेहेल घर में साजेक वाला अहे, ताकि तोहरेमन परखल जबा, आउर तोहरेमन के दस दिन तक दुःख उठाएक होवी। प्राण देवेक तक बिसवासी रहा, तो मोंय तोहरे के जिंदगी केर मुकुट देमूँ।

प्रकाशितवाक्य 3:19

मोंय जे-जे आदमीमन से प्रेम रखोना, उ सोउब के डाँटोना आउर दंड हों देवोना, से लगिन उत्साहित हो, आउर पाप करेक छोइड़ दे।

प्रकाशितवाक्य 3:21

जे जीत जाई, मोंय उके अपन संगे अपन सिंहासन में बइठामूँ, जइसन मोंय हों जीत के अपन आबा केर संगे उकर सिंहासन में बाइठ गेलों।