याकूब 1:11 - सादरी नवाँ नियम

¹¹ बेइर उगते हें कड़कड़ राउद सेकेला आउर घास के सुखाय देवेला, आउर उकर फूल झाइर जायला, आउर उकर शोभा मिट जायला। ओहे लेखे धनवान हों अपन डहर में चलते-चलते धूर में मिल जाई।

याकूब 1:11 Iomraidhean Croise

मत्ती 13:6

मगर जब बेइर उगलक तो उकर गरमी से उ मुरझाय गेलक आउर जाइर नी धारेक केर चलते सूइख गेलक।

मत्ती 20:12

‘इ पाछे आवलमन तो एके घंटा काम करलैं, मगर तोंय उमन के हमर बराबइर मजूरी देले, जबकि हमरे दिन भइर खटली आउर राउद सहली?’

मत्ती 6:30

से लगिन अगर परमेश्‍वर डाँड़ केर घास के जे आइज अहे आउर काइल आइग में साजल जाई, उके एइसन लुगा पिंधायला, तो तोहरेमन के हों उ जरूर पिंधाई, तोहर बिसवास काले एतना थोर अहे?

मरकुस 4:6

आउर जब बेइर उगलक तो उकर गरमी से उ मुरझाय गेलक, आउर जाइर नी धारेक केर चलते सूइख गेलक।

1 कुरिनथियनमन 7:31

आउर इ दुनिया में जे कोनों चीजमन हमरे ठिना अहे, हमरे के उ चीजमन के ढेइर खास नी समझेक चाही, काले कि इ दुनिया केर सोउब चीजमन ढेइर दिन तक नी रही।

1 पतरस 1:4

हमरे उ जयजाद के पावेक केर आसरा कराथी, जेके परमेश्‍वर हमर लगिन तेयार काइर हे, जे चीजमन के केऊ कहियो नाश करेक नी पारी। आउर उ कहियो पुरना नी होवी, परमेश्‍वर उ चीजमन के स्वरग में हमरे लगिन राइख हे।

1 पतरस 5:4

जब यीशु मसीह, जे कि हमरे केर मुध चरवाहा हेके, दोबारा फिन से घूइर आवी, तब तोहरे के एगो इनाम देवी जे कहियो अपन चमक के नी हेराई।