याकूब 1:10 - सादरी नवाँ नियम

¹⁰ जे धनी अहे उके हों खुश होवेक चाही कि परमेश्‍वर उके नरम काइर हे। काले कि धनी आदमी जंगली घास केर फूल नियर नाश होई जाई।

याकूब 1:10 Iomraidhean Croise

मत्ती 5:3

“धाइन हेकैं उमन, जेमन अपन मन में जानैना कि उमन के अपन जिंदगी में परमेश्‍वर केर जरुरत अहे, ओहेमन स्वरग राइज में जाबैं।

मत्ती 6:30

से लगिन अगर परमेश्‍वर डाँड़ केर घास के जे आइज अहे आउर काइल आइग में साजल जाई, उके एइसन लुगा पिंधायला, तो तोहरेमन के हों उ जरूर पिंधाई, तोहर बिसवास काले एतना थोर अहे?

1 कुरिनथियनमन 7:31

आउर इ दुनिया में जे कोनों चीजमन हमरे ठिना अहे, हमरे के उ चीजमन के ढेइर खास नी समझेक चाही, काले कि इ दुनिया केर सोउब चीजमन ढेइर दिन तक नी रही।

फिलिप्पियनमन 3:8

काले कि यीशु मसीह के जानेक बाकी सोउब चीजमन से किमती अहे, से लगिन मोंय सोउब चीजमन के बेकार समझोना। जेकर चलते मोंय सोउब चीजमन के छोइड़ देलों, आउर उमन के कचरा समझोना, जेकर से मोंय मसीह के जानमूँ।

1 तीमुथियुस 6:17

इ दुनिया केर धनी आदमीमन के आगया दे कि उमन घमंडी ना बनोक आउर जल्दी सिराएक वाला धन उपरे आसरा ना राइख के परमेश्‍वर उपरे आसरा रखोक, जे हमर सोउब जरुरत केर चीजमन के भरपूर देवेला।

याकूब 4:14

मगर तोहरेमन इ नी जानाला कि काइल का होवी। सुइन तो लेवा, तोहरेमन केर जिंदगी कतइ हें दिन लगिन अहे? तोहरेमन केर जिंदगी तो कुहाँस नियर अहे, जे थोरेक देरी देखाई देवेला, फिन लूइक जायला।

1 पतरस 1:24

पवितर किताब में लिखल अहे, “सोउब आदमीमन घास नियर अहैं, आउर उ मनक सुंदर दिसेक बान केर फूलमन नियर अहे। घास सूइख जाई आउर फूल झाइर जाई।

1 यूहन्ना 2:17

दुनिया आउर उकर इच्छामन दुयो मेटते जायला, मगर जे परमेश्‍वर केर इच्छा केर मोताबिक चलेला, उ सोउब बेरा बनल रही।