इब्रानीमन 4:3 - सादरी नवाँ नियम

³ मगर हमरे, परमेश्‍वर जे कइह हे उकर उपरे बिसवास काइर ही, आराम केर ठाँव में जाएक पारब। जइसन दोसरमन लगिन पवितर किताब में परमेश्‍वर कइह हे कि मोंय अपन खीस में किरिया खालों कि उमन मोर आराम केर ठाँव में जाएक नी पारबैं। मगर हमरे जानिला कि जे आराम केर ठाँव एखन अहे, उ दुनिया केर सिरजन केर समय से अहे।

इब्रानीमन 4:3 Iomraidhean Croise

मत्ती 13:35

जेकर से परमेश्‍वर केर संदेश के बताएक वाला केर कहल इ गोइठ पूरा होवोक, “मोंय उदाहरन बताएक लगिन अपन मुँह खोलमूँ, मोंय उ गोइठमन के जे दुनिया केर शुरु से लुकल अहे, दिस्तार करमूँ।”

मत्ती 25:34

तब मोंय राजा अपन भतखाइया बटे केर आदमीमन से कहमूँ, ‘हे मोर आबा केर धाइन आदमीमन, आवा, स्वरग राइज केर अधिकारी बाइन जावा, जे दुनिया केर शुरु से तोहर लगिन तेयार करल अहे।

इफिसियनमन 1:4

खास काइर के परमेश्‍वर हमरे के यीशु मसीह में एक होवेक केर चलते दुनिया केर सिरजन से पहिले चुइन लेई हे। ताकि हमरे उकर सामने पवितर आउर निरदोष रहब।

इब्रानीमन 3:11

तब मोंय खिसाय के आउर किरिया खाय के कहलों, ‘जे देस में उमन के मोंय आराम देवेक वाला रहों, हूवाँ उमन ढूकेक नी पारबैं।’”

इब्रानीमन 3:14

काले कि अगर हमरे आखरी तक मजबूती से अपन पहिले जइसन बिसवास में बनल रहब, तो हमरे मसीह केर संगे हिस्सेदार बाइन जाइला।

1 पतरस 1:20

इ दुनिया केर सिरजाल जाएक से पहिले, परमेश्‍वर पहिलेहें से ठहराय लेई रहे कि यीशु मसीह छोड़ाएक वाला होवी। मगर उ तोहर मदइत करेक लगिन इ आखरी दिनमन में धरती में आलक।