इब्रानीमन 1:3 - सादरी नवाँ नियम

³ बेटा, परमेश्‍वर केर महिमा केर इंजोत हेके, उकर में हमरे इ देखेक पारिला कि परमेश्‍वर कइसन अहे, उ अपन शक्तिशाली बचनमन से सोउब चीजमन के जे बनाल जाय हे, स्थिर रहेक लगिन मदइत करेला, उ आदमीमन के उमन केर पापमन से शुद्ध काइर के, महिमा से भरल स्वरग में परमेश्‍वर केर भतखाइया आरा बइठल अहे।

इब्रानीमन 1:3 Iomraidhean Croise

मत्ती 22:24

“हे गुरु! मूसा कइह रहे कि अगर केऊ बेगर संतान केर मोइर जाई तो उकर भाई उकर बिधवा से बिहा काइर के उकर लगिन संतान जनमाओक।

मरकुस 16:19

जब यीशु अपन चेलामन के इ सोउब गोइठमन के बतालक तब परमेश्‍वर उके स्वरग में उठाय लेलक आउर उ परमेश्‍वर केर संगे राइज करेक लगिन उकर भतखाइया बटे आदर केर साथ बाइठ गेलक।

यूहन्ना 1:14

आउर बचन एगो आदमी बनलक आउर उ आदमी किरपा आउर सच्चाई से भाइर के हमर माझे रहलक। आउर हमरे उकर एइसन महिमा देखली, जइसन परमेश्‍वर आबा केर बटे से आवल एकलौता बेटा केर महिमा।

यूहन्ना 1:29

दूसरा दिन यूहन्ना यीशु के अपन बटे आते देइख के कहलक, “देखा, इ परमेश्‍वर केर मेमना हेके, जे खुद के बलिदान काइर के दुनिया केर पाप के उठाय लेवी।

यूहन्ना 1:4

बचन जिंदगी केर सोता हेके आउर ओहे सोउब आदमीमन के इंजोत देवेक वाला हेके।

खास चेलामन केर काम 2:33

अब उ स्वरग में परमेश्‍वर केर भतखाइया आरा सोउब से ऊँचा पद पाय के बइठल अहे, आउर आबा परमेश्‍वर जइसन उ करार काइर रहे तइसनेहें यीशु के पवितर आत्मा देलक आउर उ पवितर आत्मा के हमरे के देलक, जइसन आइज तोहरे देखाथा आउर सुनाथा।

खास चेलामन केर काम 7:56

आउर उमन से कहलक, “देखा, मोंय स्वरग के खुलल आउर आदमी केर बेटा के परमेश्‍वर केर भतखाइया आरा ठड़ाल देखाथों।”

रोमानियनमन 1:16

काले कि मोंय मसीह केर बारे में शुभ समाचार सुनाएक से नी लजावना, इ लगिन कि उ हरेक बिसवास करइयामन लगिन, पहिले तो यहूदी फिन यूनानीमन लगिन छुटकारा पावेक ले परमेश्‍वर केर शक्ति हेके।

रोमानियनमन 8:34

आउर केऊ हमरे के दंड देवेक नी पारी, काले कि यीशु मसीह हमर लगिन मोरलक आउर फिन मोरलमन में से जी उइठ के परमेश्‍वर केर भतखाइया आरा बाइठ हे, आउर हमर लगिन प्रार्थना हों कराथे।

2 कुरिनथियनमन 4:4

आउर उ अबिसवासीमन नी बुझैना, जे मनक बुद्धि के इ दुनिया केर ईश्‍वर शैतान अंधरा काइर देई हे, ताकि उमन मसीह केर महिमा केर बारे में आवेक वाला शुभ समाचार केर इंजोत के देखेक नी पारबैं, जे परमेश्‍वर कइसन अहे इके देखायला।

कुलुसियनमन 3:1

जइसन परमेश्‍वर मसीह के मोरल में से फिन जिंदा करलक, तइसनेहें तोहरे हों मसीह केर संगे जियाल गेला, तो उ चीजमन केर इच्छा करा जे स्वरग में परमेश्‍वर ठिना तोहर लगिन अहे, जहाँ मसीह परमेश्‍वर केर भतखाइया आरा सोउब से इज्जतदार ठाँव में बाइठ हे।

तीतुस 2:14

जे खुद के हमर लगिन बलिदान काइर देलक, आउर हमरे के सोउब रकम केर अधरम से छुटकारा देलक आउर शुद्ध काइर के हमरे के अपन लगिन खास आदमी बनाय लेलक, जे भला काम करेक लगिन पूरा पुरी तेयार रहोक।

इब्रानीमन 1:13

परमेश्‍वर अपन कोनों स्वरगदूतमन के कहियो नी कहलक कि तोंय मोर भतखाइया आरा बाइठ, जब तक कि मोंय तोर बैरीमन के पूरा-पुरी तोर अधीन नी काइर देमूँ।

इब्रानीमन 10:12

मगर यीशु मसीह तो पापमन केर क्षमा लगिन सोउब समय ले एक हें बेर खुद के बलिदान काइर के चढ़ाय देलक आउर परमेश्‍वर केर भतखाइया आरा बाइठ गेलक।

इब्रानीमन 12:2

आउर बिसवास के सिरजाएक वाला आउर सिद्ध करेक वाला यीशु बटे धेयान लगाय रहब। जे उ खुशी केर लगिन, जे उके आवेक वाला दिन में मिलेक वाला रहे, लाज केर कोनों फिकिर नी काइर के क्रूस उपरे दुःख साइह के मोरलक आउर सिंहासन में परमेश्‍वर केर भतखाइया आरा बाइठ गेलक।

इब्रानीमन 4:14

यीशु मसीह जे स्वरग तक जाय हे उ परमेश्‍वर केर बेटा हेके, आउर उ हमरे सोउब केर महापुरोहित हेके। से लगिन आवा हमरे बिसवास में मजबूत खड़ा रहब जेके हमरे सोउब केर सामने स्वीकार काइर ही।

इब्रानीमन 7:27

आउर उ महा पुरोहितमन नियर जेमन हारून केर बंशमन हेकैं, यीशु के दरकार नखे कि रोज दिन पहिले अपन पापमन आउर फिन आदमीमन केर पापमन लगिन बलिदान चढ़ाओक, काले कि यीशु खुद के बलिदान चढ़ाय के एक हें बेर में निपटाय देलक।

इब्रानीमन 8:1

अब जे गोइठमन हमरे कहाथी उमन में से सोउब से बाड़ गोइठ इ हेके कि हमरे केर एइसन महापुरोहित अहे, जे स्वरग में महिमा से भरल परमेश्‍वर केर सिंहासन केर भतखाइया आरा बाइठ हे।

इब्रानीमन 9:16

हमरे जानिला कि अगर केऊ आदमी अपन सम्पति के अपन मोरेक केर पाछे केकरो अधिकार में होवोक कइह के लिखेला, तो उकर लिखल मोताबिक पूरा होवेक लगिन इ जरुरी अहे कि उकर माउत होवोक।

1 पतरस 1:21

यीशु मसीह जे हमर लगिन करलक उकर चलते तोहरे अब परमेश्‍वर उपरे आसरा कराला। उ ओहे हेके जे यीशु मसीह के मोरेक केर पाछे फिन जिंदा करलक आउर उके महिमा देलक। से लगिन तोहरे बिसवास कराला आउर परमेश्‍वर उपरे तोहर उमीद अब पक्का अहे।

1 पतरस 3:22

आउर उ स्वरग में चाइल गेलक। अब उ हूवाँ परमेश्‍वर केर भतखाइया आरा खास ठाँव में अहे, आउर उ सोउब स्वरगदूतमन आउर सोउब अधिकारीमन आउर शक्तिमन उपरे राइज करेला।

2 पतरस 1:16

जब हमरे चुनल खास चेलामन तोहरे के हमर प्रभु यीशु मसीह केर शक्ति आउर उकर फिन से घूइर आवेक केर बारे में शुभ समाचार बताली, तो हमरे तोहरे के चतुराई से बनाल कहनी नी बतात रही, मगर हमरे मसीह केर महिमा अपन आँइख से देइख रही।

2 पतरस 1:17

हमरे उ पवितर पहार में उकर संगे रही जब उके आबा परमेश्‍वर से माइन आउर महिमा देवल जाय रहे। तो हमरे उ बेरा महिमा से भरल परमेश्‍वर आबा बटले इ आवाज सुनली, “इ मोर अपन दुलार बेटा हेके, जेकर से मोंय खुश अहों” हमरे खुद स्वरग से आवेक वाला इ आवाज के सुनली।

1 यूहन्ना 1:7

मगर, अगर जइसन परमेश्‍वर इंजोत में अहे, तइसनेहें हमरे हों इंजोत में चलब, तो उकर से मिलल रहिला आउर उकर बेटा यीशु मसीह केर किमती लोहू हमरे के सोउब पापमन से शुद्ध करेला।

1 यूहन्ना 3:5

तोहरेमन जानाला कि यीशु मसीह दुनिया में इ लगिन आलक कि पापमन के मेटाय देवोक, आउर यीशु मसीह में कोनोवें पाप नखे।

यहूदा 1:25

ओहे हमरे के यीशु मसीह जे कुछ हमरे लगिन काइर हे, उकर जरिया से छुटकारा देई हे। ओहे एक मात्र परमेश्‍वर हेके, उकरे ठिना महिमा, गौरव, पराक्रम आउर अधिकार शुरु से अहे, आउर एखन हो होवोक आउर जुग-जुग होते रहोक। आमीन।

प्रकाशितवाक्य 3:21

जे जीत जाई, मोंय उके अपन संगे अपन सिंहासन में बइठामूँ, जइसन मोंय हों जीत के अपन आबा केर संगे उकर सिंहासन में बाइठ गेलों।

प्रकाशितवाक्य 4:11

“हे हमर प्रभु आउर परमेश्‍वर, तोंय हें महिमा आउर आदर आउर शक्ति केर लायक अहिस, काले कि तोंय हें सोउब चीजमन के सिरजाले आउर उमन तोर हें चाह से रहे, आउर सिरजाल गेलक।”