इब्रानीमन 1:1 - सादरी नवाँ नियम

¹ पुरखा समय में परमेश्‍वर बाप दादामन से कायनों बेर अलग-अलग तरीका से अपन संदेश के बताएक वालामन केर जरिया से गोठियाय के,

इब्रानीमन 1:1 Iomraidhean Croise

लूका 1:55

जइसन उ हमर बाप-दादामन से करार काइर रहे कि अब्राहम आउर उकर बंश केर उपरे उकर दया सोउब बेरा बनल रही।”

लूका 1:72

आउर हमर बाप-दादामन केर उपरे दया काइर के अपन पवितर करार के याइद करी।

लूका 24:27

तब यीशु उमन के पवितर किताब में मूसा केर नियम से शुरु काइर के सोउब परमेश्‍वर केर संदेश के बताएक वालामन बटले अपन बारे लिखल गोइठमन के समझाय देलक।

लूका 24:44

फिन यीशु उमन से कहलक, “इ गोइठमन के मोंय तोहर संगे रहेक बेरा हें तोहरेमन के बताय रहों कि मोर बारे में जेतना गोइठमन मूसा केर नियम, परमेश्‍वर केर संदेश के बताएक वालामन आउर भजन संहिता केर किताबमन में लिखल अहे, उ सोउब पूरा होवेक जरुरी अहे।”

यूहन्ना 16:13

मगर जब उ सच्चाई केर आत्मा आवी, तो उ परमेश्‍वर केर बारे में जे भी सच्चाई अहे, उके बुझेक में तोहरेमन केर मदइत करी। काले कि उ अपन बटे से नी कही, मगर जे कुछ परमेश्‍वर बटे से सुनी उखे कही, आउर तोहरेमन के आवेक वाला गोइठमन केर बारे में बताई।

यूहन्ना 7:22

सुना, मूसा तोहरेमन के खतना कराएक केर नियम देई हे, मगर उ मूसा से निहीं पुरखामन से हें चलते आवाथे आउर तोहरेमन यहूदी मनक आराम केर दिन हों आदमी मनक खतना कराला।

यूहन्ना 9:29

हमरे जानिला कि परमेश्‍वर मूसा से गोठियाहे, मगर उ आदमी केर बारे में हमरे नी जानिला कि उ कहाँ से आय हे।”

खास चेलामन केर काम 13:32

हमरे तोहरे के उ शुभ समाचार के सुनाइला, जेकर बारे में परमेश्‍वर हमर बाप दादामन से करार काइर रहे।

खास चेलामन केर काम 2:30

राजा दाऊद परमेश्‍वर केर संदेश के बताएक वाला रहे। उ जानत रहे कि परमेश्‍वर किरिया खाय के उकर से इ करार काइर हे कि राइज करेक केर कुरसी में मोंय तोर बंश में से एगो आदमी के बइठामूँ।

खास चेलामन केर काम 28:23

तब यहूदी अगुवामन पौलुस केर संगे एक दिन ठहरालैं, आउर उ दिन ढेइर आदमीमन उकर हिंयाँ जमा होलैं। बिहान से लेई के साँझ तक पौलुस सच्चाई से परमेश्‍वर केर राइज केर बारे में शिक्षा देते रहलक। उ मूसा केर नियम आउर परमेश्‍वर केर संदेश के बताएक वालामन केर किताबमन में लिखल बचनमन से यीशु मसीह केर बारे में उमन के समझाएक केर कोशिश करते रहलक।

खास चेलामन केर काम 3:21

यीशु के स्वरग में उ समय तक रहेक जरुरी अहे जब तक परमेश्‍वर उ सोउब चीजमन के नवाँ नी बनाय देई जेमन के उ बनाय हे। जेकर बारे में ढेइर समय पहिले से हें परमेश्‍वर अपन पवितर संदेश के बताएक वाला आदमीमन केर मुँह से बताय देई रहे।

इब्रानीमन 11:2

हमरे केर पुरखामन केर बिसवास एहे नियर रहे, जेकर चलते परमेश्‍वर उमन से खुश होलक।

इब्रानीमन 12:25

सावधान रहा, आउर परमेश्‍वर जे तोहरे से गोठियाथे उके सुना, काले कि इसराइली आदमीमन जब मूसा उमन के चेतालक, तो उमन नी सुनलैं आउर परमेश्‍वर केर दंड के पालैं, तो इ हमरे लगिन आउर हें बगरा बुरा होवी, अगर हमरे स्वरग से परमेश्‍वर केर चेतावनी के सुनेक से इनकार काइर देवब।

इब्रानीमन 2:2

काले कि मूसा केर नियम जेके परमेश्‍वर स्वरगदूतमन केर जरिया से देई रहे सच्चा साबित होलक, आउर जे आदमीमन उ नियम के नी मानलैं परमेश्‍वर उमन के दंड देलक।

इब्रानीमन 2:3

अगर हमरेमन एइसन बड़का छुटकारा के ठुकराय देवब, तो हमरे कैसे बचेक पारब। इ छुटकारा केर हकवा सोउब से पहिले प्रभु यीशु करलक, आउर फिन जेमन प्रभु यीशु से सुनलैं, उमन उ मनक संदेश के हमरेमन लगिन सच्चा साबित करलैं।

इब्रानीमन 3:5

मूसा तो परमेश्‍वर केर सोउब आदमीमन लगिन सेवक नियर बिसवास लायक रहलक, आउर उ सोउब गोइठमन के देखालक जेके परमेश्‍वर पाछे से करेक वाला रहे।

इब्रानीमन 4:8

हमरे एहो जानिला कि परमेश्‍वर केर करार करल आराम केर ठाँव, कनान देस ना लगे जहाँ यहोशू हमरे केर पुरखामन के लेगलक। काले कि अगर आराम केर ठाँव कनान देस रहतक, तो परमेश्‍वर दोसर दिन केर बारे में नी कहतक।

इब्रानीमन 5:5

एहे नियर मसीह हों महापुरोहित बनेक केर इ आदर केर पद के खुद से नी लेलक, बल्कि परमेश्‍वर मसीह के इ कइह के ठहरालक, जइसन आउर कोनोवें पुरोहित के नी कइह हे, पवितर किताब में भजन के लिखेक वाला का लीख हे, “तोंय मोर बेटा हेकिस, आइज मोंय तोके जनम देई हों।”

इब्रानीमन 9:19

जब मूसा आदमीमन के नियम केर हरेक आगयामन के सुनाय चुकलक, तो उ बछरुमन आउर बकरामन केर लोहू के लेई के पानी में मिलालक, आउर उ लाल रंग केर ऊन के जूफा गाँछ केर लाठी में बाँधलक आउर उके लोहू में डुबाय के, लोहू के नियम केर किताब में आउर सोउब आदमीमन में छिड़काय देलक।